1. Alþjóðlega Kópavogsskákmótið - 09.04.1994, Síða 13
/
Olafur Brynjar Þórsson
F. 23. 07. 72
Skákstig 2180
Olafur er einn af upprennandi skák-
mönnunr Reykjavíkur. Hann byrjaði
seint að tefla en hefur á nokkrum
árum náð góðum árangri á alþjóð-
legum skákmótum. Hann hefur teflt á
allmörgum mótum í Gausdal í Noregi
og hlaut sín alþjóðlegu fyrstu skákstig
þar. Olafur var þátttakandi á sínu
fyrsta Reykjavíkurskákmóti nú fyrir
skömmu og ætti því að koma vel
undirbúinn og gæti án efa staðið sig
vel á Kópavogsskákmótinu, þó að
hann sé stigalægsti keppandi mótsins.
Jón Garðar Viðarsson FM
F. 12. 08. 1962
Skákstig 2315
Jón Garðar á langan feril að baki bæði
innan lands svo og erlendis. Hann
hefur tvisvar sigrað á Skákþingi
Norðlendinga árin 1985 og 1987. Jón
Garðar sigraði einnig á Haustmóti
T.R. árið 1987. Hann hefur marg-
sinnis haldið út fyrir landssteinanna
og helstu mót sem hann hefur tekið
þátt í erlendis eru New York Open,
Lloyds Bank og Gausdalmótin í
Noregi. Jón Garðar varð fyrsti
atskákmeistari Islands árið 1988.
Hann var einnig áberandi á
Reykjavíkurskákmótinu árið 1988 þar
sem hann var hárs-breidd frá áfanga
að Alþjóðlegum meistaratitli. Jón
Garðar hefur aidrei náð áfanga að
alþjóðlegum meistaratitli en með
góðurn árangi í Kópavogsskákmótinu
gæti það breyst.
Tómas Björnsson FM
F. 05. 01.1969
Skákstig 2260
Tómas Bjömsson hefur teflt á
mörgum skákmótum bæði hér heima
og erlendis og þrisvar hefur hann
verið í hópi keppenda í landsliðs-
flokki Skákþings íslands. Tómas
byrjaði ntjög ungur að tefla hjá T.R.,
varð skólaskákmeistari Islands og
íslandsmeistari í drengjaflokki á fyrri
hluta níunda áratugarins. Arið 1987
sigraði Tómas í meistaraflokki á
Skákþingi Norðurlanda í Færeyjunr.
Hann hefur teflt fimm sinnum í
alþjóðlegum Reykjavíkurskákmótum,
en bestum árangri þar náði hann 1990
er hann hlaut sex vinninga.
Þröstur Þórhallsson AM
F. 19. 03.1969
Skákstig 2470
Þröstur er nýorðinn 25 ára og hefur
þrátt fyrir ungan aldur verið einn af
okkar sterkustu skákmönnum. Þröstur
er búinn að vera áberandi í skáklífinu
lengi og hefur meðal annars fjórum
sinnum orðið Unglingameistari
íslands, 2. sigrað á Atskákmóti
íslands og orðið Skákmeistari Reykja-
víkur. Fyrst tefldi hann í landsliðs-
flokki aðeins 15 ára að aldri og hefur
teflt I landsliðsflokki upp frá því alls 9
sinnum. Besturn árangri í landsliðs-
flokki náði Þröstur í fyrra er hann var
hársbreidd frá sigri en varð að lúta í
lægra haldi fyrir Helga Ólafssyni og
varð annar. Tvisvar hefur Þröstur teflt
í landsliði Islendinga á ólympíu-
mótum, árin 1988 og 1992. Árið 1988
náði Þröstur Alþjóðlegum meistara-
titli og hefur síðan stefnt beint á
stórmeistaratitilinn. Hann hefur hlotið
tvo áfanga að Stórmeistaratitli en það
var í Gausdal árið 1991, og nú síðast á
móti á Englandi fyrir páska þar sem
Þröstur varð í fyrsta til þriðja sæti.
Þröstur hefur teflt mikið upp á
síðkastið og varð í 3. - 6. sæti á
Hellismótinu fyrir áramót og hefur
síðan þá teflt á mörgum mótum og
spurning hvort honunr takist að klára
ætlunarverkið að ná stórmeistaratitli.
Tölvusetning - Filmuvinna
Plötugerð - Offsetprentun
SKÁKPRENT, Dugguvogi 23 , Reykjavík, sími 31391
13