Alþýðublaðið - 22.07.1926, Blaðsíða 1

Alþýðublaðið - 22.07.1926, Blaðsíða 1
ýðúblaðið GeflO út af AlÞýOuflokknaiii 1926. Fimtudaginn 22. júli. 168. tölublað. Kveðja frá Stauning. Mér hefir orðið til innilegrar gleði að hljóta kynni af Islandi og fulltrúum íslenzku þjóðarinnar. Ég hefi glaðst, eigi að eins yfir hinum dýrlega og einkennilega svip landsins, 'heldur einnig yfir þeim framfarahug, sem ég hefi orðið var á ýmsum sviðum. Ég hefi fengið aÖ vita um hinar miklu framfarir í fiskveiðum ög um tilraunir og fyrirætlanir um aukning annara atvinnuvega, eink- um landbúnaðarins, og það getur' ekki annað en glatt mig, mann hinna verklegu athafna, að hér virðist vera vaxandi f jör og starf- semi. Og loks get ég með mikilli gleði látið í ljós, að ég hefi mjög greinilega fundið til þess, hversu innileg og hjartanlég vinsemd við Dani ríkir hér. Slík samúð við ís- lendinga er og ekki síður alin í landi mínu, og ég get nú skýrt frá því heima, að bræðraþjóð vor hér er samhuga oss um að efla góðar og skynsamlegar framfarir i menningarlegri og efnalegri samvinnu vorri á komandi tímum. Ég bið blöðin að færa hjartan- lega kveðju og þakkir öllum, sem hafa tekið konu minni, löndum mínum og sjálfum mér með svo mikillí alúð og gestrisni. Th. Stauning forsætisráðherra í Danmörku. Erlend símskeyti. Khöfn, FB., 21. júlí. Nýja stjórnin franska. Áherzla lögö á háa eignaskatta. Ösamlyndi og æsingar. Frá París er símað, að Herriot hafi myndað stjórn. Hann hefir sjalfur meðferð utanríkismálanna á hendi. Monzie er fjármálaráð- ráðherra og Painlevé hermálaráð- herra, en Loucheur verzlunarmála- herra. í fjármálatillögum stjórnar- innar er sennilega lögð aðalá- herzla á háa eignaskatta. Talið er ósennilegt, að þingið aðhyllist tillögur stjörnarínnar. Búast menn við, að stjórnln verði skamma síund í sessi. Ráðherrafundur var í gærkveldi, og síðan leikur sá orðrómur á, að Monzie hafi hótað að segja af sér vegna ágreinings við Herriot. Míklar æsingar eru í landinu vegna frankafallsins, og hefir víða verið ráðist á erlenda ferðamenn. Bretar og fall frankans. Frá Lundúnum er símað, að stjórn og þing sé áhyggjufult vegna frankafallsins. Snowden sagði í ræðu í þinginu, að skjót erlend hjálp væri nauðsynleg. Einræðið i Grikklandi. Frá Berlín er símað, að sam- kvæmt Grikklandsfregn hafi Pan- galos gert merka foringja and- stæðingaflokkanna landræka. Ferð um Snæfellsnes og Vesturland eftir Björn Bl. Jónsson. II. Ég ætlaði í land á Hellissandi. Það var fyrsta höfnin, sem „Esja" átti að koma á. Þar komum við klukkan á fimtu stundu á mánu- dagsmorgni. Auðsjáanlegt var, að Sandverjar höfðu viðbúnað til þess að fara út í skipiÖ. Flaggið höfðu þeir dregið upp, sem þýð- ir að öllu jöfnu það, að hægt sé að afgreiða skípið, og glögt sást, að dyrnar voru opnar á af- greiðsluhúsinu. Skipið mínkaði ferðina, og við, sem ætluðum þarna í land, héldum, að lagst yrði; en svo var þó ekki. Eftir drykklanga stund er skipið kom- ið á ferð aftur frá landi. Farþeg- ar töldu víst, að haldið yrði til Ólafsvíkur, því að sjáanlegt var, að þar var að mestu leyti logn. Þeir farþegar, sem ætluðu ti) Sands og Ólafsvíkur, voru á milli 30 og 40. Þegar Ólafsvíkurfarþeg- arnir sjá það, að skipið ætlaði fram hjá ólafsvík, gengu tveir menn á fund skipstjóra og spurðu hann, hvernig á því stæði, að hann ætlaði fram hjá Ólafsvik líka, þar sem það væri sjáanlegt, að logn væri á höfninni, og sýndu honum fram á, að þetta tiltæki hans, að fara fram hjá hverri höfn inni eftir aðra með svona marga farþega og það að ástæðulausu, væri alveg óþolandi. En skipstjóri svaraði að eins, að það væri ekki uppskipunarfært, og hélt áfra'm til St/ykkishólms. Þegar þangað kom, þótti mér réttara að vita, hvort skipstjóri hefði haft rétt fyr- ir sér í þessu, og náði því sím- tali við ólafsvík og Sand og fékk það svar, að í Ólafsvík væri á- gætisveður. Á Sandi var svarið það, að þeir hefðu verið tilbúnir með bát til þess að taka í land póst og farþega. Seinni part sama dags er svo farið frá Stykkis- hólmi út til Ölafsvíkur og Sands, svo það má segja, að að síðustu hafi hver komist heim til sín. Það er með öllu óþolandi af skip- stjóra, að hann geri farþegum ferð þeirra dýrari en hún' þarf að vera og þar að aúki eyði fyrir þeim hsilum degi alveg að á- stæðulausu. E. t. v. á þetta hátta- lag að teljast uppbót é það, sem aliir liðu við það, að skipið jvar offylt(l). (Frh.) „Fiskarnir" heitir mjög stór bók eftir Bjarna Sæmundsson fiskifræðing, sem ný- komin er út hjá bókaverzlun Sig- fúsar Eymundssonar. Er hún lýsing á og fræðsla um Í6lenzka fiska með myndum af þeim.

x

Alþýðublaðið

Beinir tenglar

Ef þú vilt tengja á þennan titil, vinsamlegast notaðu þessa tengla:

Tengja á þennan titil: Alþýðublaðið
https://timarit.is/publication/2

Tengja á þetta tölublað:

Tengja á þessa síðu:

Tengja á þessa grein:

Vinsamlegast ekki tengja beint á myndir eða PDF skjöl á Tímarit.is þar sem slíkar slóðir geta breyst án fyrirvara. Notið slóðirnar hér fyrir ofan til að tengja á vefinn.