Dúgvan - 01.03.1941, Blaðsíða 5
DÚGVAN
5
sleppa aldri endarnálinum úr huga, at okkara land einaferð
skal verða reinskað fyri rúsdrekka- Og í teirri vón stríðast
vit, at tað í hesum vakra fjallalandi skal alast upp ein ung-
dómur við einari ijósari hugsjón, einum sterkum vilja og
einum góðum hjartalagi.
Tá eru vit komin fram at hini hugmyndini, ið skaldið
sipar til, tá ið hann sigur:
„Blóma eldhugur skal
yvir stríðsvígđan val,
tá skal tjaldast við lívseydnu alt Føroya Iand.“
GOTT AFTURSVAR
Tað var á einari ungrnannastevnu. í vælvaldum orðum
talaði røðarin um allar tær mongu vanlukkur og sorgir, ið
rúsdrekkaði hevur verið atvoldin í. Røðarin segði m. a.:
„Kann nakar hugsa sær eina syndarligari sjón, enn at síggja
eitt sakleyst barn á seinari náttarstunđ royna at hjálpa sínum
deyðađrukna faðiri heim til hús?“
„Jú,“ svaraði ein av áhoyrarunum, „at síggja ein um-
hugsnan og góðan faðir lyfta sín deyðadrukna son upp úr
túninum og sleipa hann heim!“
Hetta aftursvar fekk fleiri ungar dreingir at melđa seg
inn í Fráhaldsfelagið í bygdini.