Dúgvan - 01.03.1941, Blaðsíða 21
DÚGVAN 21
skil á húsinum innan, og tey komu lítið millum fólk. Símun
Jógvan var einki fyri práti, nú ið hann var afturkomin. Hann
helt seg mest fyri seg sjálvan. Marvina kom viðhvørt til
handils inni í bygdini, men tá ið hon bæði var gomul og
ill í sær, so frætti eingin um hvussu til stóð á Bakkanum,
Marvina hevði annars fyri at ganga og smátutla fyri seg
sjálvan, og tá ið børnini í bygđini ræddust hana, var hon
mangan nýtt sum skrýmsl, tá ið tey ikki tíggjaðu sær væl.
Símun Jógvan hevði ongan pening í sparikassa ella
banka, men tað segðist, at hann átti nógvan pening við hús.
Annars hevði hann havt mangar løgnar ónytculutir heim-
aftur við sær frá teimum ymisku fjarløgdu støðum, har hann
hevði verið. Nú lá ait uppi á loftinum og fúnaði burt, rustaði
ella tærdist burt á annan hátt.
Tá ið hin gamla Marvina doyði, búði Símun Jógvan
einsamallur. Hann kom hendinga ferð til handils, at fáa sær
tað, honum tørvaði. Mangan sást hann ikki í fleiri dagar, og
tá vóru húsini stongd. Summi vilđu vera við, at Símun
Jógvan í slíkum tíðum lá inni og talđi allan peningin hjá
sær. Onnur vildu vera við, at tey høvdu sæð hann gingið og
reikað úti í haganum. Hetta seinasta fekk summi at trúgva,
at Símun Jógvan' mestur mundi hava gjørt okkurt brotsverki
í útheiminum, og at hin ónda samvitskan ikki unti honum
nakran frið, men đreiv hann út í hagan — út í einsemi.
Men so einaferð hevði eingin sæð Símun Jógvan i sam-
fullar fjúrtan dagar. Tá tóku nakrir menn í bygdini seg
saman og brutu dyrnar inn í húsinum — men Símun Jógvan
funnuð teir ikki. So varð ieitað í haganum, men hann var
horvin — og tað með alla. Tá søgdu fólk, at tað var hans-
ara ónda samvitska, ið hevði fingið hann at forgjørt sær.
Allar goymslur vórðu reinskaðar og eftirkannaðar, men
peningur var eingin at finna. Tað einasta, ið funnið varð,
vóru møletin klædnapløgg og virðisleysir lutir frá uttan-
landsferð hansara. Tað einasta, ið virði hevði, vóru sjálvi
húsini. Og tey vildu eingin hava, tí eftir henda dag gingu
tíðindi um ymiskan ófrið og annað óljóð, bæði í húsinum og