Dúgvan - 01.09.1941, Blaðsíða 2

ABSALON Á TRØLLANESI
Eftir H■ A. Djurhuus.
Kallsoy alt hevur mangart mann,
ið bar fram um flestar,
ongan mætari tó enn hann,
sam er millum bestar.
Hann visti meir um andans eld
enn deknar og prestar.
Búði hann har við ytstu strond,
í Norðhavsins veldi —
visti tó mikið um onnur lond,
sum grøddu og feldu.
Ein dag í metum sannindi stóð —
so á kross tey tað negldu.
Gekk millum bygda og lærdu børn
at lesa og skriva,
lærdu tey við um heimsins ódn
og kynstrið at liva. —
Eyguni hava at himni hátt
í trúgv uttan iva.
Gekk hann tí tryggur um deyðans gátt
so meltur av árum,
sovnaði stilt eina summarnátt
undir suði av bárum. —
Gekk gjøgnum Ijós upp um Borgarans tind
mót ævigum várum.