Fróðskaparrit - 01.01.1959, Page 11

Nýggir tilburðir við tuberklasjúkum í Eiðis læknadømi 17
hesum nevndu børnunum hevði beint tá havt smittuhitan; hitt seinast
nevnda lá júst tá við hesi sjúku, og hin eldra av teimum báðum gents
unum er barnið, ið henda sjúkusøga er skrivað um. So umframt 7 mán.
gl. barnið var bert 1 barn í húsinum, 9 ára gl. genta, ið ikki var
smittað av gamla, seingjarliggjandi manninum. Tey, ið smittað eru av
honum, verða eftir tí, ið sagt er omanfyri, roknað at hava kenda
smittukeldu.
8 ára gl. gentan tosaði fyrstu dagarnar í juni 1944 um, at hon hevði
ilt í svølgrúminum, tá ið hon svølgdi. Eina viku seinni varnaði móð«
irin, at dóttirin hevði eitlar á hálsinum. Hon hevði neyvan nakran
hita og hevði ikki ligið. Eingin hosti, einki kom upp, eingin stingur.
Eingin pína aftan fyri bringubeinið.
Við 1. sjúkuvitjan 14/6 1944, var einki at síggja í svølgrúminum. I
høgra trigonum caroticum eitil heldur størri enn kjarnin í hassilnøt.
Undir húðini á m. sternocleidomast. vinstrumegin flatur, 4x4 cm stórur,
eitil. Eingin roði og húðin ikki eym. Bróstkanning vísti, at alt var sum
tað átti. Pirking vísti -r-.
Við 2. sjúkuvitjan, hin 28 6 1944, var framvegis einki at síggja í
svølgrúminum, og eitilin høgrumegin óbroyttur. Men tann vinstrumegin
var vaksin, og støddin var nú 7 x 7 cm. Kanning við lurti vísti alt at
vera, sum tað átti. Pirquet roynd vísti
3. sjúkuvitjan var 2 dagar seinni, hin 30/6. Pirquet roynd vísti nú
ógviliga stórt +: tvørmát 20 mm, við 5 mm breiðari rípu, ið vætti, í
miðjuni. Aðrar kanningar góvu einki nýtt.
Løgd inn á Dr. Alexandrines hospital i Havn 15/7—9/9 1944. Fekk
her kolbogaljós. Eitlarnir á hálsinum at kalla burtur, tá ið hon kom
heim aftur. Men hon fekk afturstig í 1946 og 1947 og varð tí løgd inn
á sjúkrahúsið í Klaksvík. Nú mátti skerast, bæði høgru* og vinstru*
megin. Varð frá báðum sjúkrahúsum útskrivað við sjúkuavgerðini:
Adenitis colli tub.
Nú liggur raðið at spyrja, um 8 ára gl. gentan er ikki
smittað ígjøgnum mandlurnar, og ikki ígjøgnum lunguni.
Her eru fleiri egin viðurskifti, ið mega verða nevnd, tá ið
hesin spurningur verður settur. Nágranna bilið, tá ið smittan
kom í, kenna vit ikki. Eftir øllum líkindum hevur hetta
verið stutt undan 18/s, deyðadag abbans. í fyrsta lagi 14
dagar eftir hetta (fyrst í juni) gremur barnið seg um, at
hon hevur ilt í hálsinum, og viku seinni varnar mamman
trútnar eitlar, ið støðugt vaksa. Hon varð pirkað tvær ferðir
(14/6 og 28/6) og hevði -r-, og ikki fyrr enn 30/6, H/2 mánað
2