Fróðskaparrit - 01.01.1959, Qupperneq 36

42
Føroyanavnið eina ferð enn
har (1951, bls. 15) stendur (í hvønnfalli): »Insulas Farenses
(ab ovium multitudine Færeyar vulgó appellatas)«. Høv*
undurin veit helst, at eina ferð æt seyður á norrønum máli
»fær«, men hann tekur danska orðsniðið »fár« til hjálpar.
Ella hvat rit hevur hann kent, sum hevur roynt at týða
navnið av seyðamongd landsins? Eftir øllum líkindum hevur
hann ikki hetta frá harra Absaloni — handrit Absalons varð
ikki prentað fyrr enn í okkara tíð (1893).
Um Peder Claussøn Friis (1545—1614) hevur kent rit
Absalons, vita vit ikki. Men rit Arngríms, »Brevis Comm.«,
hevði hann, og nýtti hann í summum, sum hann skrivaði.
Nú vita vit ikki, um roynd harra Pæturs at týða lands*
navnið er skrivað eftir tað, at hann fekk bók Arngríms í
hond. Stykkið sjálvt um Føroyar, sum navntýðingin er
endin á, hevur hann annars »antegnet efter en Studenters
Beretning, som var fød paa Færøi, ved Naffn Jacob Ouden*
søn« so tíðliga sum í 1592. Eftir útgávu G. Storms av
verkum harra Pæturs (1881, bls. 433; sbr. útgávu Worms
av Norrigis Beskriffuelse, 1632, bls. 153) ljóðar hetta um
navnið soleiðis:
»En Part mene at disse Øer hafue deris Nafn aff Faar,
huilcket icke er troligt, efterdi at Faar er et Dansk Ord,
oc icke et Norske, men burde at kaldis Saudøi (ella:
Søudøj), thi en Saud (ella: Søud) er et Faar paa gammelt
Norsk Maal.
Saa mene oc somme at de kaldis saa aff Fiere eller Fiedre,
for de mange Fugle»fiedre, der falder, eller Fierøer, fordi
de ligger fier, det er langt bort fra Norrig, men det er alt
uvist.« — Aftur at hesum kunnu vit leggja, at Jens Lauritssøn
Wolf í »Norrigia Illustrata« (1651, bls. 201) tekur uppaftur
greiningar harra Pæturs, men nevnir ikki triðju royndina
at týða navnið.
Thomas Tarnovius tekur spurningin um navnið upp»
aftur í »Ferøers Beskrifvelser« (1669). Hann hevur lisið
Peder Claussøn, og kanska eisini Wolf. Hansara hugsan
(í útgávuni hjá Hákon Hamre, Færoensia II, Khn. 1950,