Fróðskaparrit - 01.01.1969, Blaðsíða 118

126
Ávirkan Ethanols á upptøkuna av heilivágum
Glarroyndir.
Sum í starvslagnum tilskiilað, vórðu hesar royndir gjørdar á
pettum av viljaveitini, og vórðu tær gjørdar til at sleppa
undan ávirkan ethanols á blóðgongdina. Hesar royndir vórðu
gjørdar, so tær líktust royndunum á lívi (in vivo) mest gjørligt,
t. e. 1.5 o/oo av ethanoli blóðmegin ella 1 og 2 % (w/v) av
ethanoli gormegin á viljaveitini. 6. tailva sýnir, at hvørgin av
hesum viðgerðum hevur nakra ávirkan á upptøkuna av mebu-
mali og sulfaguanidini (P í øllum førum størri enn 0.05).
Umrøða.
í hesi rannsókn varð upptøkan úr maganum og viljaveitini
av eini røð av heilivágum við ymiskum alisevnaligum egin-
leikum kannað undir ávirkan av ethanoli. Ethanolið varð
annaðhvørt givið saman við heilivágum ella var longu tii
staðar í blóðinum í ávísari styrki, tá ið upptøkan fór fram.
Ethanol var ført fyri at økja um upptøkuna av ávísum evn-
um úr maganum. Hetta kunnu vit hugsa okkum at hava ym-
iska atvold: 1. Ethanol, ið sjálvt verður væl upptikið, dregur
upployst evni við sær (Tappeiner 1880). 2. Ethanol broytir
eginleikarnar í hinnuni á teimum upptakandi kyknunum. 3.
Ethanol veksur um blóðgongdina í magaslímhinnuni. Hin fyrsti
møguleikin kann ikki vera rættur, tí a) ethanol hevði onga
ávirkan á upptøkuna av mebumali og sulfaguanidini úr pettum
av viljaveitini í glarroyndum (sí 6. talvu), b) ikiki heldur á upp-
tøkuna av promethaziini úr maganum (sí 1. og 2. talvu), hóast
hetta evnið lætt upploysist í ethanoli, eisini tá ið tað er jónað,
c) tí at tað so statt skuldi verið óhugsandi, at ethanol, í styrkj-
um frá 5—10 %> (w/v) í maganum og 1.5 o/oo í blóðinum, var
ført fyri at vaksa eins nógv um upptøkuna, sum í roynd og
veru varð funnið (sí 1. og 2. talvu). Annar møguleikin er ei
heldur rættur vegna tað, sum skrivað er undir a) og c). Ein
beinleiðis kannan av blóðgongdini í maganum og í magaslím-
hinnuni á rottum er heldur torfør. Hin triðji møgulieikin varð
tí kannaður við at máta nøgdirnar av neutralreyðum í tí til-
bundna maganum, ein tíma aftaná at hetta litevnið varð latið