Føroya kunngerðasavn A og B - 18.03.1996, Blaðsíða 28

32
neyðugt, at felagið verður tikið av, tekur Eftirlitið
avgerð um hetta.
§ 173. Eftirlitið krevur, at eitt felag, ið rekur annað
virksemi enn lívstryggingarvirksemi innan eina
freist, sum Eftirlitið ásetir, skal gera tey tiltøk, ið eru
neyðug, um so er, at
1) felagið ikki hevur burturlagt nóg stórar upp-
hæddir til rindan av tryggingarligum skyldum,
2) Eftirlitið ikki metir, at felagsins ognir eru settar
á tryggjandi hátt, ella
3) onkur av teimum í § 172, nr. 1 ella 5 nevndu
umstøðunum eru til staðar.
Stk. 2. Eru tær kravdu fyriskipanimar ikki gjørdar
innan ta ásettu freistina, og verður undanlátið mett at
viðføra vanda fyri tey tryggjaðu, kann Eftirlitið taka
avgerð um, at felagið skal fara í avtøku.
§ 174. Sum liður í teimum í § 171, stk. 3, § 172, stk.
1 og § 173, stk. 1 nevndu tiltøkum, kann Eftirlitið
sýta felagnum at ráða yvir tess ognum, ella avmarka
tess ræði yvir hesum. § 74, stk. 9-10 verða at nýta
samsvarandi.
§ 175. Eftirlitið kann heilt ella fyri ein part taka aftur
loyvið hjá einum tryggingarfelag, um so er, at:
1) felagið ikki innan tær freistir, sum Eftirlitið
hevur sett, hevur gjørt tey tiltøk, sum em til-
skilað í teimum í § 171, stk. 1 og 2 nevndu
endurreisingarætlanum,
2) felagið ikki longur lýkur treytimar fyri at fáa
loyvi, ella
3) felagið grovt setir til viks tær skyldur, ið áliggja
tí sambært hesi lóg.
Stk. 2. Verður loyvið hjá einum tryggingarfelag
tikið aftur, ger Eftirlitið av, um tryggingarfelagið
skal royna at fáa tryggingarmongdina avhendaða til
eitt ella fleiri tryggingarfeløg, ið reka tryggingar-
virksemi í Føroyum, ella um felagið á annan hátt
skal royna at fáa tryggingarmongdina greidda. Fyri
lívstryggingarfeløg kann Eftirlitið gera av, at trygg-
ingarmongdin verður tikin undir umsiting í samsvari
við kapittul 14.
Stk. 3. Eftirlitið kann í samband við, at loyvið hjá
einum tryggingarfelag verður tikið aftur, sýta fel-
agnum at ráða yvir tess ognum ella avmarka tess
ræði yvir teimum. § 74, stk. 9-10 verða at nýta sam-
svarandi.
Stk. 4. Føroya Landsstýri kann taka aftur loyvi
hjá einum tryggingarfelag, um tað ikki longur lýkur
tær í § 9, stk. 2 nevndu reglur um, at tað í §§ 14, 25
og 27 nevnda fæfeingi er føroyskt.
§ 176. Eftirlitið skal skjótast gjørligt, eftir at avtøka
sambært § 173 er byrjað, í samráð við avtøkustjór-
amar lata kanna, um tað fer at verða hóskandi at
royna at fáa tryggingarmongdina heilt ella fyri ein
part avhendaða til eitt ella fleiri tryggingarfeløg, ið
reka virksemi í Føroyum. Kemur tilboð um slíka
yvirtøku, skal Eftirlitið, um tað metir, at tikið kann
verða við tilboðnum, lata gera eina frágreiðing um
støðuna og eitt uppskot til sáttmála við viðkomandi
felag.
Stk. 2. Frágreiðingin og uppskotið skulu kunnger-
ast í tí í Føroyum til almennar lýsingar góðkenda
blað og í dagbløðum. Frágreiðingin skal hava áheit-
an á tryggingartakararnar um innan eina freist, sum
Eftirlitið ásetir, ið ikki kann vera styttri enn ein má-
naður, skrivliga at fráboða Eftirlitinum, um teir
mótmæla avhendingini. Felagið skal samstundis
senda teimum tryggingartakamnum, hvørs bústaður
er felagnum kunnigur, frágreiðingina og uppskotið.
Stk. 3. Eftir at tann í stk. 2 nevnda freist er úti, ger
Eftirlitið við atliti til tey innkomnu mótmælini av,
um tryggingarmongdin kann verða avhendað í sam-
svari við tað framsetta uppskotið.
Stk. 4. Eftirlitið kann í samband við gerð av frá-
greiðing eftir samráðing við tað yvirtakandi felagið
gera av, at tryggingar, sum em teknaðar fyri eitt tíð-
arskeið, sum er longri enn 1 ár, av báðum pørtum
kunnu verða uppsagdar eftir teimum reglum, sum
sambært tryggingaravtaluni eru galdandi, um tað
fleirára tíðarskeiðið, sum er í avtaluni, var úti. Regl-
umar um hetta høvi til uppsøgn, skulu verða endur-
givnar í frágreiðing Eftirlitsins.
Stk. 5. § 27, stk. 2 í lóg um tryggingaravtalur
verður at nýta samsvarandi, til Eftirlitið hevur tikið
avgerð sambært stk. 3. Hendir avhending í samsvari
við avgerð Eftirlitsins, kann avtøka og avhending
hóast § 26 og § 27 í lóg um tryggingaravtalur ikki
verða nýtt sum gmndarlag fyri at slíta tryggingarav-
taluna.
Kapittul 27
Ymiskar ásetingar
§ 177. Um so er, at tryggingartakarin og tann tryggj-
aði ikki era ein og sami persónur, kann einki trygg-
ingarfelag, uttan samtykki frá tryggjaða tekna nakað
slag av lívstrygging, sambært hvørji tað við deyða
tryggjaða pliktar seg til at rinda hægri upphædd enn
tey inngoldnu tryggingargjøldini við rentum.
Stk. 2. Einki felag kann tekna nakað slag av lívs-
trygging sambært hvørji tað pliktar seg til at rinda
størri upphæddir enn tey inngoldnu tryggingargjøld-
ini við rentu, vegna deyða áðrenn tryggjaði fyllir 8
ár.
Stk. 3. Eftirlitið kann loyva frávik frá reglunum í
stk. 1-2.
§ 178. Aðrenn ein lívstryggingarsáttmáli verður
gjørdur, og so leingi sum tryggingarsáttmálin gong-
ur, skal tryggingarfelagið leggja fyri tryggingartak-
ararnar slíkar upplýsingar um tryggingarfelagið og
tryggingarsáttmálan, hemppií um kæraviðgerð og
kæmstovn, at tryggingartakarin fær nóg nógvar upp-
lýsingar, soleiðis at hann skilir teir týdningarmikl-
astu partamar í sáttmálanum.