Føroya kunngerðasavn A og B - 12.06.1996, Blaðsíða 3
127
Nr. 84
28. mai
Løgtingslóg
um
stuðul til menning av fiskivinnu á landi.
Samsvarandi samtykt Føroya Løgtings staðfestir og
kunnger løgmaður hesa løgtingslóg:
Kapittul 1
Virking av vørum úr fiski.
§ 1. Landsstýrinum verður heimilað at veita fiska-
virkjum stuðul til keyp av fiski, krabbadýrum og
skeljadýrum til virkingar í Føroyum.
Stk. 2. Stuðul kann játtast eftir umsókn, har allar týð-
andi upplýsingar um rávørukeypið og ætlaðu fram-
leiðsluna eru hjálagdar. Játtast kann í mesta lagi 1,25
kr. fyri hvørt kg av frystum fiski, krabbadýrum og
skeljadýrum, innflutt verður. Fyri feskan fisk kann
stuðulin tó í mesta lagi vera kr. 1,00.
Stk. 3. Stuðulin kann útgjaldast sambært skjalprógv-
um fyri inn- og útflutningi.
kapittul 2
Stuðul til vørumenning o.a.
§ 2. Landsstýrinum verður heimilað at veita stuðul til
menning av føroyskum fiskavirkjum.
Stk. 2. Endamálið við stuðlinum er at virka fyri
øktari framleiðslu og umlegging til framleiðslu av há-
virðisvørum á kappingarførum grundarlagi.
Stk. 3. Stuðul kann játtast til verkætlanir, ið miða
móti menning av rávøruútvegan, framleiðslu, vøru-
menning og sølumenning.
Stk. 4. Umframt tann stuðul, sum er ásettur í § 1, stk.
2, hevur landsstýrið heimild til at lata ein eyka stuðul
til virki, sum av nýggjum fara undir framleiðslu av
innfluttum fiski á plássum, har slík framleiðsla ikki er
frammanundan. Hesin stuðul kann vera upp til 50
oyru/kg og skal avmarkast til at vara í eitt ár ffá tí,
framleiðslan byrjar.
§ 3. Treytin fyri stuðuli er:
a) at løgd verður fram útgreind frágreiðing um
verkætlanina, tíðarætlan, kostnaðarætlan og
rakstrarætlan.
b) at verkætlanin kann menna fiskavirkingina á
landi og gevur virðisøking til samfelagið.
c) at umsøkjarin leggur fram neyvar upplýsingar
um fíggjarstøðu sína.
§ 4. Játtast kann stuðul upp til 1/3 av kostnaðinum til
fløgur í útgerð og upp til 50% av øðrum kostnaðum.
Kapittul 3
Felagsreglur
§ 5. Landsstýrið kann í kunngerð áseta nærri reglur
fyri veitan av stuðuli sambært hesi lóg, herundir at
áseta eitt býti av játtanini millum stuðul eftir kapittul
1 og stuðul eftir kapittul 2.
§ 6. Henda lóg fær gildi frá 1. januar 1996.
Tórshavn, 28. mai 1996
Edmund Joensen (sign.)
løgmaður
/ Eilif Samuelsen (sign.)