Føroya kunngerðasavn A og B - 26.06.1997, Blaðsíða 8
352
§ 19. Arbeiðsleysur, sum uttan serliga orsøk noktar
at taka á seg arbeiði ávíst av arbeiðsávísingini, miss-
ur rættin til tryggingarútgjald í 4 vikur.
§ 20. Fyri arbeiðsleys á fiskavirkjum, verður ar-
beiðsloysisstuðul roknaður eina ferð um vikuna frá
og við 9. arbeiðsloysistíma. Fyri arbeiðsleys, sum
sambært avtalu ikki arbeiddi fulla tíð, verður ar-
beiðsloysisstuðul roknaður við einum lutfalsligum
lægri tímatali. Stýrið ger kunngerð um hvøiji fiska-
virki koma undir hesa reglu og um skipanina annars,
herundir hvørjar upplýsingar skulu gevast skipanini,
hvør skal vátta hesar upplýsingar v.m.
§ 21. Stýrið ger í kunngerð nærri reglur um útgjald-
ingar til fólk í farloyvi frá føstum ella støðugum
starvi.
Stk. 2. Útgjald undir farloyvi kann verða givið fyri
eitt ávíst tíðarskeið millum 3 og 12 mánaðir.
Stk. 3. Útgjald undir farloyvi skal verða givið við tí
treyt, at annað fólk, sum er tøkt í arbeiðsávísingini,
verður sett ístaðin í sama tíðarskeiði og undir somu
treytum.
§ 22. Rætturin til útgjald fellur burtur tá arbeiðsleys-
ur í undanfama 5-ára skeiði, hevur fingið arbeiðs-
loysisstuðul útgoldnan í 798 dagar.
Stk. 2. Tað í § 18 og § 19 nevnda tíðarskeið verður
talt við í tí í stk. 1 nevnda tíðarskeiði.
§ 23. Tá rætturin er fallin burtur sambært § 22, hev-
ur hin arbeiðsleysi ikki rætt at fáa útgjald úr skip-
anini fyrr enn eitt 24-mánaða skeið er farið, og verð-
ur tá at meta sum um hann kemur uppí skipanina
fyrstu ferð.
KAPITTUL VI
ARBEIÐSÁVÍSING OG ARBEIÐSSKAPANDI
TILTØK
§ 24. Arbeiðsloysisskipanin umsitur arbeiðsávísing
fyri arbeiðsleys og onnur, sum ynskja at vera skrá-
sett á arbeiðsávísingini.
Stk. 2. Allar Føroyar eru at rokna sum ein arbeiðs-
marknaður í sambandi við arbeiðsávísing.
Stk. 3. Ikki er loyvt at seta fakmørk fyri arbeiðsávís-
ing, burtursæð frá neyðugum førleika.
Stk. 4. Stýrið ger í kunngerð nærri reglur um virkið
hjá arbeiðsávísingini, sum m.a. kunnu stovnseta
lokalar arbeiðsávísingar.
§ 25. Stýrið kann í serligum førum seta í verk og
gjalda førleikagevandi tiltøk fyri arbeiðsleys.
KAPITTUL VII
KÆRUR
§ 26. Avgerðir, sum Arbeiðsloysisskipanin hevur
tikið viðvíkjandi arbeiðsloysi, kunnu kærast til
kærunevndina hjá Arbeiðsloysisskipanini innan 4
vikur eftir, at viðkomandi hevur fingið fráboðan um
avgerðina. Avgerðir hjá kærunevndini kunnu ikki
kærast til annan fyrisitingarligan myndugleika.
Stk. 2. Ummæli frá arbeiðsloysisskipanini til kæru-
nevndina skal verða avgreitt innan 4 vikur.
Stk. 3. Kærunevndin hevur 3 limir, ein umboðandi
løntakarar, ein umboðandi arbeiðsgevarar og ein for-
mann, ið skal vera løgfrøðingur.
Limimir verða valdir av landsstýrinum fyri 4 ár í
senn, tó so at nevndarlimur verður sitandi til nýggjur
er valdir.
Stk. 4. Samstundis verða vald varafólk, sum taka
sæti í nevndini, tá limi berst frá.
KAPITTUL VIII
REGLURANNARS
§ 27. Til nýtslu í sambandi við útrokning og eftirlit
við útgjaldsupphæddum eftir hesi lóg, kann Ar-
beiðsloysisskipanin útvega sær allar upplýsingar frá
Toll- og Skattstovu Føroya.
Stk. 2. Somuleiðis kann Arbeiðsloysisskipanin út-
vega sær upplýsingar frá Almannastovuni um per-
sónar fáa fólka- og avlamispensión, aðrar skatt-
skyldugar almannaveitingar, umframt aðrar veiting-
ar sum sambært lóg ikki verða skattaðar sum A-inn-
tøka.
Stk. 3. Fakfeløg og arbeiðsgevarar hava skyldu at
geva Arbeiðsloysisskipanini tær upplýsingar, skip-
anin biður um í sambandi við eftirlitsarbeiði.
§ 28. Hevur arbeiðsleysur givið Arbeiðsloysisskip-
anini skeivar upplýsingar, ella tagt um umstøður,
sum hava havt týdning fyri arbeiðsloysisstuðulin,
kunnu upphæddir, sum av órøttum eru útgoldnar,
verða kravdar afturgoldnar frá tí arbeiðsleysa.
Stk. 2. Hevur arbeiðsgevari medábyrgd av at skeivar
upplýsingar eru givnar, ella at tagt er um umstøður,
sum hava havt týdning fyri arbeiðsloysisstuðulin,
liggur afturgjaldsskyldan eisini á honum.
§ 29. Um ikki strangari revsing er ásett sambært
lóggávu annars, verður hann revsaður við sekt ella
hefti, sum sambært hesi lóg gevur skipanini skeivar
ella misvísandi upplýsingar.
Stk. 2. Er lógarbrotið framt av einum partafelag,
lutafelag ella líknandi, kann áleggjast felagnum
sektarábyrgd.