Føroya kunngerðasavn A og B - 27.06.1997, Side 8
376
Stk. 2. Tað er ein treyt fyri fastari setan sum lærari,
at viðkomandi hevur staðið eina serliga roynd í
føroyskum. Landsstýrismaðurin ásetur greiniligari
reglur um hesa roynd.
Stk. 3. í skúlum, har settu lærarar ella tímalærarar
skúlans ikki kunnu átaka sær undirvísingina í øllum
teimum lærugreinum, sum standa í undirvísingar-
ætlan skúlans, og har fólkaskúlalærari ikki er at
átaka sær hesa undirvísing, kann sergreinarlærari
verða settur at undirvísa í viðkomandi lærugreinum.
§ 36. Til at røkja undirvísing í ffítíðini eftir § 4, 5.
stk. ella aðrar námsfrøðiligar arbeiðsuppgávur, ið
ikki koma undir § 35, kunnu verða sett starvsfólk
við serligari útbúgving. Landsstýrismaðurin ásetur
greiniligari reglur hesum viðvíkjandi.
§ 37. Landsstýrismaðurin kann í serstøkum føri
loyva frávik frá teimum í § 35 og § 36 settu reglum.
§ 38. Landsstýrismaðurin ger reglur um setanarkor-
ini hjá tímalærarum, vikarum og sergreinalærarum í
fólkaskúlanum.
§ 39. Skúlastýrið kann eftirlíka einum lærara, sum
av góðum grundum vil sleppa undan at undirvísa í
kristnikunnleika. Um lærari av hesi orsøk ikki kann
fáa fulla tænastutíð, verður lønin skerd samsvarandi,
men eftirlønaraldur hansara verður kortini óskerdur.
Kapittul 5
Undirvísingarskylda. Innskriving og útskriving
úr fólkaskúlanum.
§ 40. Eitt og hvørt bam, sum býr her á landi, hevur
undirvísingarskyldu eftir reglunum í §§ 42-44,
uttan so er, at galdandi er fyri tað reglur um undir-
vísingarskyldu í aðrari lóggávu. Sama er galdandi
fyri bøm, sum skulu vera her í landinum í minsta
lagi 6 mánaðir.
§ 41. Eitt og hvørt undirvísingarskyldugt bam hevur
skyldu at ganga í fólkaskúlan, um tað ikki á annan
hátt fær eina undirvísing, ið kann javnmetast við ta,
sum vanliga verður kravd í fólkaskúlanum.
Stk. 2. Ikki kann verða kravt, at eitt undirvísingar-
skyldugt bam verður skrivað inn í fólkaskúlan, um
so er, at tað verður skrivað inn í ein góðkendan
privatskúla, ella um tann, ið hevur ábyrgdina av
undirvísing bamsins, smb. § 65, váttar skrivliga fyri
skúlastýrinum, at hann sjálvur vil skipa fyri undir-
vísingini. Sama er galdandi fyri næmingar, sum eftir
7. floksstig halda fram í einum góðkendum eftir-
skúla, háskúla, húshaldsskúla ella á einum góðken-
dum skeiði.
Stk. 3. Leiðari skúlans kann eftir áheitan foreldra,
smbr. § 65, loyva, at næmingur eftir 7 ára skúla-
gongd heilt ella lutvíst lýkur undirvísingarskylduna
við arbeiði, vinnuligari útbúgving ella undirvísing-
artilboði sambært § 9, 2. stk., um so er, at tað av ser-
ligum orsøkum verður hildið at vera best fyri næm-
ingin.
Stk. 4. Landsstýrismanninum er heimilað at áseta
gjøllari reglur eftir 2. og 3. stk.
§ 42. Undirvísingarskyldan bytjar 1. august í tí ál-
manakkaári, bamið fyllir 7 ár, og endar 31. juli, eftir
at bamið hevur fingið regluliga undirvísing í 9 ár.
Forskúlin verður ikki taldur uppí. Undirvtsingar-
skyldan endar tó í seinasta lagi 31. juli í tí ál-
manakkaári, bamið fyllir 17 ár, ella tá ið tað hevur
lokið skúlagongdina í grundskúlanum ella eina út-
búgving, ið kann javnmetast við hana, smb. § 41, 3.
stk.
Stk. 2. Leiðari skúlans kann eftir áheitan foreldra,
smb. § 65, góðkenna, at bamið verður skrivað inn í
1. flokk í tí álmanakkaári, tað innan 1. august fyllir
6 ár, um hildið verður, at tað kann fylgja undirvís-
ingini í flokkinum.
Stk. 3. Leiðari skúlans kann somuleiðis eftir áheitan
foreldra ella við teirra samtykki, smb. § 65, góð-
kenna, at bamið verður skrivað inn árið eftir, at
undirvísingarskyldan eftir 1. stk. er bytjað, um so er,
at tað hevur sínar grundir í menning bamsins.
Stk. 4. Eitt bam skal, um kommuna sambært § 4, 2.
stk. hevur sett forskúlaflokk á stovn, eftir áheitan
foreldra, smb. § 65, verða skrivað inn í forskúlan í tí
álmanakkaári, bamið fyllir 6 ár, ella seinni.
Stk. 5. Eftir 4. stk. skulu somuleiðis bøm í teimum
kommunum, sum ikki hava møguleika at stovna
sjálvstøðugan for-skúlaflokk, fáa høvi at koma í 1.
flokk í tí vavi, hildið verður hóskandi.
§ 43. Tey ella tann, ið hevur foreldramyndugleikan,
ella tann, sum í roynd og vem er um bamið, skal
gera sítt tíl, at bamið lýkur undirvfsingarskylduna,
og má ikki forða fyri tí.
Stk. 2. Landsstýrismaðurin kann gera greiniligari
reglur um eftirlit við teimum góðkendu privatskúl-
unum.
Stk. 3. Tá ið eitt skúlaár byijar, skal leiðarin í einum
góðkendum privatskúla senda skúlastýrinum ein lis-
ta yvir næmingamar í skúlanum.
Stk. 4. Landsstýrismaðurin kann áseta greiniligari
reglur um krøv og umsjón við heimaundirvísing.
§ 44. Innskriving í fólkaskúlan fer fram við árs-
byrjan. Um sjúka ella aðrar serligar umstøður
skuldu borist á, kann innskriving tó fara fram í
skúlaárinum.
Stk. 2. Útskriving úr fólkaskúlanum fer fram við
skúlaárs lok. Undir heilt serligum umstøðum kann
útskriving tó fara fram í skúlaárinum.
Stk. 3. Landsstýrismaðurin kann gera greiniligari
reglur um innskriving, útskriving og endurinnskriv-
ing av áður útskrivaðum næmingum úr fólkaskúlan-
um, eins og um flyting úr einum skúla í annan.