Føroya kunngerðasavn A og B - 12.07.1997, Blaðsíða 2

386
Nr. 128
Kunngerð
um
stuðul til ferðaútreiðslur og útreiðslur við dupult húsarhald
lO.juli
Við heimidl í § 2, stk. 1 og 4 og § 4, stk. 3 í løgt-
ingslóg nr. 93 frá 6. juni 1997 um stuðul til ferðaút-
reiðslur, og § 2, stk. 3 og § 4, stk. 3 í løgtingslóg nr.
95 frá 6. juni 1997 um stuðul til dupult húsarhald
verður fyrisett:
Kaputtul 1
Stuðul til ferðaútreiðslur
§ 1. Stuðul verður bert veittur eftir umsókn
Stk. 2. Serligt umsóknarblað skal nýtast, tá søkt
verður um stuðul.
§ 2. Fyri útreiðslur til ferðing millum bústað og ar-
beiðsstað í Føroyum verður stuðul veittur, um
ferðaleiðin aftur og fram pr. arbeiðsdag er longri enn
15 km, smb. tó § 3.
Stk. 2. Fyri fjarstøður, sum eru 16 til 48 km., er stuð-
ulin 0,37 kr. fyri hvønn koyrdan kilometur omanfyri
15 km. pr. arbeiðsdag.
Stk. 3. Er fjarstøðan yvir 48 km., verður stuðulin
0,09 kr. fyri hvønn koyrdan kilometur omanfyri 48
km. pr. arbeiðsdag, men annars eftir stk. 2.
Stk. 4. Fjarstøðan millum bústað og arbeiðsstað
verður grundað á vanligu ferðaleiðina millum bú-
stað og arbeiðsstað, og í hesum sambandi verða áse-
tingamar í álmanakkanum brúktar.
Stk. 5. Stuðul verður bert veittur fyri eina ferð aftur
og fram dagliga.
§ 3. Fyri útreiðslur til innanoyggja ferðing millum
bústað og arbeiðsstað í Føroyum sjóvegis, verður
stuðul veittur fyri tveir túrar dagliga á 5 kr. pr. arbe-
iðsdag.
Stk. 2. Kann ferðing sjóvegis bert nýtast ein part av
ferðaleiðini, kunnu reglumar í § 2 verða nýttar fyri
hin partin av ferðaleiðini.
Kapittul 2
Stuðul til dupult húsarhald
§ 4. Stuðul til dupult húsarhald í Føroyum verður
eftir umsókn veittur giftum persóni, sum flytur í
aðra kommunu fyri at arbeiða har, um húskið er eftir
í heimakommununi.
Stk. 2. Fyri útreiðslur í samband við dupult húsar-
hald í Føroyum, em hesar stuðulsupphæddir ásettar:
1) Fyri leigu av høli er upphæddin 488 kr. um
mánaðin.
2) Fyri eykaútreiðslur til kost er upphæddin 20,50
kr. fyri hvønn arbeiðsdag.
3) Ferðing aftur og fram eina ferð um vikuna, útro-
knað eftirkap. 1.
Stk. 3. Minstaupphæddin, ið viðkomandi sjálvur skal
bera, er ásett til 850 kr. fyri stuðulsskeiðið.
Kapittul 3
Vanligar reglur
§ 5. Tað er ein treyt fyri at fáa stuðul eftir §§ 2 og 3,
at arbeiðsgevari umsøkjarans á umsóknini váttar, at
viðkomandi arbeiðir hjá honum. Stuðul eftir § 4 er
treytaður av, at útleigarin á umsóknini váttar, at teir
av umsøkjaranum givnu upplýsingamir viðvíkjandi
íbúð og leigutíð em rættir.
§ 6. Stuðul verður ikki veittur persónum, ið hava
rætt til endurgjald á annan hátt fyri ferðaútreiðslur
ella útreiðslur í samband við dupult húsarhald, eins
og ein ikki kann fáa stuðul til bæði ferðaútreiðslur
og dupult húsarhald í størri mun enn ásett í kap. 2.
§ 7. Henda kunngerð kemur í gildi dagin eftir, at
hon er kunngjørd, og er gjaldandi frá og við inn-
tøkuárinum 1997.
Fíggjar- og búskapardeildin, 10. juli 1997
Anfinn Kallsberg (sign.)
landsstýrismaður
/ Kári Petersen (sign.)