Føroya kunngerðasavn A og B - 18.11.1997, Blaðsíða 2

418
Nr. 148 14. november
Kunngerð
um
avreiðing av físki til innvigingar í Føroyum
Við heimild í § 9, stk. 4, § 19 og § 40 í løgtingslóg
nr. 28 frá 10. mars 1994 um vinnuligan fiskiskap,
sum seinast broytt við løgtingslóg nr. 133 frá 9. au-
gust 1997, verður fyrisett:
§ 1. Kunngerðin fevnir um avreiðingar av allari
veiðu veidd á føroysku landleiðunum og/ella í ís-
lendskum sjóøki av øllum føroyskt skrásettum skip-
um. Undantikin eru tó lodna, sild, makrelur, rossa-
makrelur, gullaksur, laksur, kalvi og hávasløg.
§ 2. 011 veiða sambært § 1 skal avreiðast um eina av
Fiskiveiðueftirlitinum góðkenda innvigingarskipan í
Føroyum, smb. tó § 3. Veiðan skal annaðhvørt seljast
beinleiðis til fiskavirki í Føroyum til virkingar ella
seljast á uppboðssølu í Føroyum.
Stk. 2. Verður fiskur fluttur óvirkaður av landinum,
skal útflytarin yvirfyri tollvaldinum skjalprógva, at
fiskurin hevur verið alment boðin út og seldur á upp-
boðssølu í Føroyum, har keypari hevur havt møgu-
leika at keypa partar av veiðuni. Óvirkaður fiskur í
hesum sambandi er ósløgdur, sløgdur ella avhøvdað-
ur fiskur, sama hvussu hann er goymdur.
Stk. 3. Tá avreitt verður, kann verða loyvt, at fiskurin
ikki verður hálvdur úr køssunum til vigingar, um
fiskifarið hevur skilt fiskin umborð. Ut frá staksýni
fæst ein endalig uppgerð yvir støddir og vekt.
Stk. 4. Fiskiveiðieftirlitið letur gera serligt oyðublað,
har útflytarin m.a. skal upplýsa, hvar fiskurin er inn-
vigaður í landinum og hvussu hann hevur verið út-
boðin. Upplýsingamar skulu váttast av tí, sum hevur
innvigað, boðið út og selt fiskin.
§ 3. Hóast ásetingamar í § 2 kunnu føroysk fiskifør
avreiða beinleiðis uttanlands, svarandi til 25% av
nøgdini uppgjørt 4. hvønn mánaða, veitt á teimum í §
1 nevndu leiðum, uttan at hetta ávirkar nýtta fiski-
dagatalið ella egnu kvotu. Fiskifør, sum ikki em und-
ir fiskidaga- ella kvotuskipan, skulu í minsta lagi av-
reiða 75% av teirri í § 1 nevndu veiðu um eina av
Fiskiveiðueftirlitinum góðkendari innvigingarskipan
í Føroyum. Avreiðingarnar uttanlands kunnu bert
fara fram á einari av Fiskiveiðueftirlitinum góðkend-
ari innvigingarskipan.
Stk. 2. Skiparin boðar Fiskiveiðueftirlitinum frá í
seinasta lagi 1 tíma eftir at byrjað er at sigla til út-
lendska marknaðin.
§ 4. Avreiðir fiskifar beinleiðis uttanlands, og avreitt
er meira enn 25% av nøgdini uppgjørt 4. hvønn mán-
aða, verður nýtta fiskidagatalið ella egna kvota fyri
hvønn túr, avreitt hevur verið uttanlands í tíðar-
skeiðnum sambært stk. 2, hækkað við 30%. Ein túrur
í hesum sambandi er at rokna frá tí, at fiskifar fer til
fiskiskap, til tað er komið í ta havn uttanlands, har
veiðan verður avreidd.
Stk. 2. Fiskiveiðieftirlitið førir yvirlit yvir allar av-
reiðingar uttanlands fyri hvørt fiskifarið sær. Gjørt
verður upp 4. hvønn mánaða, tó verður gjørt upp
fyrstu ferð 1. januar 1998.
§ 5. Fiskiveiðueftirlitið hevur í samstarvi við Toll- og
Skattstovu Føroya eftirlit við, at reglumar í hesi
kunngerð verða fylgdar. Toll- og Skattstova Føroya
boðar Fiskiveiðieftirlitinum frá møguligum brotum á
kunngerðina.
§ 6. Brot móti hesi kunngerð verður revsað sambært
lógini um vinnuligan fiskiskap.
§ 7. Henda kunngerð kemur í gildi dagin eftir, at hon
er kunngjørd. Samstundis fer úr gildi kunngerð nr.
144 frá 16. oktober 1997.
Fiskimálastýrið, 14. november 1997
John Petersen (sign.)
landsstýrismaður
/ Ulla Svarrer Wang (sign.)