Fram - 24.08.1918, Blaðsíða 2

130
FRAM
Nr. 32
nautin, á kotunum þar í kring. Svar-
ar hann því neitandi. Biðjum við
hann þá um leyfi til, að veia þar
undir húsþaki hjá honum, þó ekki
séu tök með rúmföt. Því neitar hann
einnig. Okkur er það minnisstætt, í
viðtali við bónda þennan, að ekki
virtist hann mjög viðkvæmur fyrir líð-
an nautanna þó þau væru höfð úti,
þreytt, í úrfelli og í kulda, en þetta
er samt annar maðurinn, Gísii Bjarn-
ason, sem greinarhöfundur kveóst
hafa sína frásögn eftir. Ekki er að
íurða, þó slíkur maður hafi getað
fylthr. H. J. meðaumkvun ogmannúð.
Við undum illa úrslitunum í Skarð-
dal og reikuðum fram og aftur milli
peningahúsa er við sáum, en engin
voru í því lagi, að nautin væru haf-
andi þar næturstund, utan einn kofa-
ræfill, en þar voru hestar inni. —
Við vorum því neyddir til að hafa
þau úti um nóttina, en gáfum þeim
í laut fyrir ofan Skarðcftl, úr hey-
poka er við höfðum haft með að
heiman. Héldum síðan ofan í kaup-
staðinnogbáðumst gistingar á tveim-
ur gistihúsum, en í báðum stöð-
um var svo fullskipað, að ekki þótti
ábætandi. Áttum við þá ekki meira
við, aó leita húsaskjóls.
Ress viljum við geta, að þrátt fyr-
ir alt og alt, var okkur mjög vel
tekið af mörgum í Siglufirði, og þökk-
um við þeim mönnum gestrisnina.
Snemma um morguninn vitjum viu
nautanna og eru þau þá stirð mjög
og köld, því enn þá var rigning.
Annað var svo, að ekkert fékst það
tit að fara, en það viljum við full-
yrða, að þá hafi það haft allar sín-
ar klaufir og við veittum ekki eftir-
tekt neinu sérstöku losi á þeim.
Fórum við því aðeins með annað
nautið ofan í bæinn og seldum það
strax hr. Blomkuist. Buðum honum
einnig nautið í Skarðdal og lýstum
því svo rétt, sem við gátum. Var
þá sendur þessi trúverðugi maður,
er hr. H. J. kvaðst hafa nokkuð af
sinni frásögn eftir, til að yfirvega
verðmæti eða þunga nautsins, en
að honum heimkomnum kvaðst hr.
Blomkuist ganga að því, að greiða
375.00 kr. fyrir nautið, án húðar-
innar. Geta menn fljótlega séð sam-
kvæmnina í því tvennu, að nautið
hafi átt við stórfeldar kvalir að búa,
en er þó, að dómi sama manns,
svo vænt, að það er kaupandi fyrir
375.00 kr. innan úr skinni. Kjötverð
á Siglufirði var sagt 85 — 90 aura
pundið. —
Hvað meðferð nauts þessa ann-
ars viðvíkur, munum við lítt deila
við hr. H. J. um, en láta nægja um-
sögn forðagæslumanns og þeirra
manna er best til þekkja, til að sýna
og sanna, hversu tilgátur hans og
hrakyrði eru algjörlega óverðskuld-
uð og án ábyrgðartiifinningar fyrir
réttum eða rönguui málstað.
Hitt viljum við taka fram, að naut-
inu var gefið inni í alt fyrra sumar.
Voru því klaufirnar orðnar mjög
stórar, eftir svo langan innistöðu-
tima og eðlilega ekki samfelt horn
í gegn, samkvæmt vexti og bygg-
ingu klaufanna, heldur meira og
Erlendar símfréttir.
Köfn 19. ágúst.
Sæti í herstjórnarráðinu fá nýlenduráðherrar Breta.
Nefnd Dana hefir verið boðið til Ameríku til að sjá
síðustu umbætur flotans.
Maximalistar lýsa yfir að Eystrasaltslöndin séu sér
óviðkomandi.
Ameríkumenn rannsaka verslunarmöguleika í fram-
tíðinni í Evrópu.
Khöfn 20. ágúst.
Mál er risiö gegn „Aftenbladet“ fyrir móðgandi orð
um Ameríkumenn.
Bretar nálgast Bapaume, hafa tekið járnbrautina
milli Albert og Arras.
Khöfn 21. ágúst.
Nefnd frá Finnlandi er farin til Þýskalands til þess
að biðja um konung.
Frakkar hafa ekki enn rofið herlínu Pjóðverja milli
Oise og Aisne.
Eftir skeytum til Rvík.
minna holar sérstaklega framan til,
sem þó alls ekki kom í Ijós, fyren
á leiðinni, er klaufirnar slitnuðu.
Kemur svipaður klaufnavöxtur og
einnig fyrir á innigjafa sauðfé og
hefði hr. H. J. ekki verið vorkun að
veita þessu eftirtekt.
Anrlars má gleðjast yfir því, að
eiga mann, sem virðist láta sér
jafn ant um meðferð dýranna og hr.
H. J. — Má ætla, að hann láti eigi
óátalið, ef húsakynni þau, er bænd-
ur í grend við hann bjóða skepn-
um sínum, eru ófullnægjandi og svo
léleg, að ekki sé hægt fyrir lang-
ferðamenn, að fá þar skýlt einum
eða tveimur nautgripum hvað sem
á liggur. Viijurn við fullvissa hr. H.
J. um það, að ef 3ja vetra naut, frýs
til skaða í fjósinu á Framnesi, þá
eru líkur til, að skepnum líði illa í
Skarðdalskofununi.
Pá mætti ekki gleymast, að þakka
hr. H. J. velvildina og mannkærleik-
ann, þar sem hann kvaðst rita þetta
öðrum til viðvörunar og til þess, að
láta okkur vita, að eftir þessu hafi
verið tekið.
Til endurgjalds viljum við ráð-
leggja honum sem rithöfupd, að
hlaupa ekki um of eftir því sem
sagt er, hvorki um Skagfirðinga né
aðra menn, og leggja ekki út í, að
rita níð um einn né annan, með
jafn lélegum heimildum fyrir hendi
og í þetta skifti
Hofsstöðum 7. ágúst Í918.
Jóhannes Björnss., Jón Sigtryggss.
Vér undirritaðir, sem erum nágrannar
hr. Jóns Sigtryggssonar á Framnesi, og
nákunnugir heimili hans, vottum hér með
að naut það, er hann ól upp og seldi til
Siglufjarðar í sumar, hefir alt af verið vel
með farið, eis og aðrar skepnur hans,
bæði hvað fóður og aðra aðhlynningu
snertir, og ætíð haft sama hús og mjólk-
urkýrnar. Tvo síðastliðna vetur, var það
notað sem þarfanaut frá allmörgum bæj-
um, svo vér erum því kunnugri meðferð
nautsins. Síðari veturinn var nautið aldrei
leitt burt af heimilinu. en kýrnar jafnan
heim til þess.
Framnesi 8. ágúst 1918
Þorvaldur Jónsson forðagæðslum. í Akrahr.
Sveinn Benediktsson (forðagæslum.)
Magnús H. Gíslason, Eiríkur Magnússon,
Björn Jónasson, Konráð Arngrímsson.
* *
*
Athugasemd við grein þessa kem-
ur í næsta blaði. —
Sjávarnargarðurinn
þarf viðhald.
Eg býst við að flestum Siglfirð-
ingum sé það Ijóst, hve mikils virði
sjávarnargarðurinn er fyrir kaupstað-
inn, en þeim þarf líka að vera það
full-ljósf, hversu mikil nauðsyn ber
til þess að hann ekki verði látinn
eyðileggjast fyrir hirðuleysi og hand-
vömm, en það tel eg vafalaust að
hann geri, verði honum ekki haldið
við. Mannvirki eins og hann, sem
ekki er meira í borið, en liggur stöð-
ugt undir áföllum af sjó og grjóti
þarf auðvitað eftirlit og viðhald, og
þess þarf líka stranglega að gæta
að hann ekki verði fyrir ágangi'af
mannavöldum, og þyrfti meða! ann-
ars að banna að taka möl eða grjót
nálægt honum. Eg veit að stjórn-
endum kaupstaðarins er ljóst að eg
fer hér með rétt mál, en eg hefi bara
heyrt að þeir álíti kaupstaðnum ekki
bera að kosta viðhaldið og skal eg
ekki dæma um hverjum ber skylda
til þess, en vil bara vekja athygli á
því, að Siglfirðingar verða í tíma að
hlutast til um að sá er það dæmist
á geri tafarlaust það er gera þarf til
tryggingar því að garðurinn ekki á
parti eyðileggist, því að geri þeir
ekki þær ráðstafanir geta þeir treyst
því að þær verða ógerðar, og væri
þá illa farið ef að þao kostaði stór-
skemdir eða alvarlega bilun ágarð-
inum.
Eg get búist við að einhverjum
detti í hug að mér komi þetta mál
ekki við, en eg verð að álíta að það
snerti mig ekki alllítið, því svo vel
þekki eg mennina orðið, að eg teldi
vafalítið að nógir yrðu til að kenna
þeim er bygðu garðinn um ef bilun
ætti sér stað þótt að þeir ættu enga
sök á því. Svo taldi eg mér líka skylt
að benda á þetta sérstaklega, þar
sem eg álít að hann þurfi viðhald
strax í sumar.
pt. Siglufirði 5. ágúst 1918.
Felix Guðmundsson.
Fréttir.
Seglskip er nýkomið til Rvík með
saltfarm til »Kol og Salt.«
»Jón Forseti« seldi síðasta fisk-
farminn í Englandi fyrir 3500 ster-
lingspund.
Influenza gengur í Rvík en frem-
ur væg.
Landsféhirðisstarfinn er laus frá
1. sept. n. k. Árslaun 3000 kr.
Hlutaveltu
hélt Sjúkrasamlag Siglufjarðar á
sunnudagskvöldið var. Fór hún þann-
ig fram, að ástæða virðist til að
minnast á hana með örfáum orðum.
Eyrst og fremst var fullur helming-
ur af dráttunum núll, og meginið af
því sem átti að heita drættir var lít-
ils eða einkis virði. T. d. voru marg-
ir drættirnir eitt bréfspjald. og það
auðvitað eyðilagt með því að líma
á það númerið. Inngangurinn var
seldur á 25 aura. Vitanlega getur
enginn ætlast til þess, að almenn-
ingur græði á þvf að draga á hluta-
velturn, sem haldnar eru til þess að
styrkja þarfleg fyrirtæki, en áreiðan-
legt er, að full-langthefirnefnd sjúkra-
samlagsins farið, með því að bjóða
upp á slíka hlutaveltuómynd, oger
henni það síst til sóma, að ná í
peninga með slíku móti, og það
hefði hún átt að vita að svo langt
má fara í þessu sem öðru, að til-
gangurinn helgi ekki meðalið.
S. K.
FuIItrúi Svíþjóðarvið síld-
arkaupin.
Síldar og fiskistórkaupmaður Andr.
Hövík frá Prándheimi, er væntan-
legur hingað til bæjarins í kvöld #
frá útlöndum. Er hann hingað send-
ur af sænsku stjórninni til þess að
taka á móti þeim 50 þús. síldartn.
sem Svíar hafa fengið leyfi til að
kaupa hér.
Hr. Hövík er kunnur hér í Siglu-
firði, hefir verið hér yfir síldveiði-
tímamn nokkur sumur, (1913 — 1916)
og keypt hér síld og látið veiða í
stórum stíl.