Tíðindi Prestafélags hins forna Hólastiftis - 01.01.1984, Page 10

SR. SIGURÐUR GUÐMUNDSSON:
Æviágrip (Vita)
Lesið við biskupsvígslu
Eg, Sigurður Guðmundsson, er fæddur 16. apríl 1920 að
Naustum við Akureyri. Foreldrar mínir voru hjónin Guð-
mundur Guðmundsson frá Syðra-Hóli í Kaupangssveit og
Steinunn Sigríður Sigurðardóttir frá Geirhildargörðum í
Öxnadal, en alin upp í Kálfagerði í Eyjafirði. Þau bjuggu á
Naustum en faðir minn stundaði einnig verkamannavinnu á
Akureyri. Móðir mín dó er ég var rúmlega fjögra ára. Við
vorum tveir bræður og var ég yngri. — Eru minningar mínar
um móður mína óljósar nema einstöku myndir. Vel man ég er
hún var að kenna mér bænir og vers. Síðan hefur versið —
Vertu Guð faðir, faðir minn, —verið mér í minni og heilagt.
Faðir minn kvæntist aftur Herdísi Finnbogadóttur frá
Kvium í Grunnavík í Jökulfjörðum. Þau eignuðust fimm
börn, eru fjögur þeirra á lífi. Stjúpmóðir min var trúkona og
lagði áherslu á að kenna okkur bænir og lesa í heilagri ritn-
ingu. Hún er látin fyrir mörgum árum. En faðir minn lést
háaldraður fyrir fáum árum. Hvatti hann mig til náms og
studdi mig eftir getu.
I Barnaskóla Akureyrar voru margir ágætir og mikilhæfir
kennarar sem lögðu áherslu á trú og siðgæði. Nefni ég þar
helstan skólastjórann Snorra Sigfússon, sem kenndi kristin-
fræði. Var hann kröfuharður að biblíusögurnar væru lærðar
vel og lagði ríka áherslu á að kenna sálma. Hann útskýrði
efnið vel og ræddi við okkur um þýðingu kristindóms og um
starf kirkjunnar. Ég er honum mjög þakklátur fyrir þá
kennslu er ég naut hjá honum. Hann varð háaldraður en
hafði alltaf samband við mig eins og fleiri nemendur sína.