Tíðindi Prestafélags hins forna Hólastiftis - 01.01.1984, Qupperneq 12

16
TÍÐINDI
Stúdentsprófi lauk ég frá Menntaskólanum á Akureyri
vorið 1940. Menntaskólaárin eru minnisstæð og yfir þeim
blær gleði og fegurðar. — Erfið voru þau þó að ýmsu leyti.
Atvinnuleysi og kreppa i landi. En þeir erfiðleikar sem ég og
fleiri urðum að takast á við áttu þátt í að þroska okkur og
dýpka lífsskilning okkar. — Samferðin með góðum félögum í
menntaskóla og vinum er vissulega eitt af því sem aldrei
gleymist. Alltaf er gott að hitta gömlu félagana og blanda geði
við þá. — Eftir stúdentspróf var aðeins um eitt að ræða að lesa
guðfrœði og verða prestur.
Haustið 1940 hófum við sex stúdentsbræður frá M.A. nám í
Guðfræðideild Háskóla Islands og skólabróðir okkar, núver-
andi biskup, sem verið hafði með okkur í M.A. allt fram á
vetur í fimmta bekk, kom nú aftur í hópinn. — Við urðum
allir samrýndir mjög og hefur sú vinátta ekki rofnað til þessa.
— Guðfræðipróf tókum við vorið 1944. — Ég varð að fá
aldursleyfi til vígslu og var það gefið út á Þingvöllum 17. júni
á fyrsta ríkisráðsfundi forseta Islands. — Biskup Islands, herra
Sigurgeir Sigurðsson, vígði okkur níu þann 18. júní 1944.
Það var mikilvægt spor sem þá var stigið. Sigurgeir biskup
var okkur ljúfur og góður. Hann leiðbeindi og styrkti af
áhuga. — Fyrsta heimilið sem ég kom á, er ég sem ungur
stúdent kom til Reykjavíkur var biskupsheimilið. Þar var mér
tekið af hinni alkunnu ljúfmennsku þeirra hjóna frú Guð-
rúnar og herra Sigurgeirs. Æ síðan var hús þeirra opið fyrir
mér og á ég þeim sannarlega mikið að þakka. —
Ég var vígður til Grenjaðarstaðar, sem settur prestur þar.
— Var það fyrst og fremst sr. Friðrik Rafnar, sem réð þar
mestu um. Ég ætlaði til Vestfjarða, en sr. Friðrik sagði: Þú
skalt verða prestur á Norðurlandi. — Það varð — og í 38 ár
hefi ég þjónað Grenjaðarstaðarprestakalli.
Þann 12. febrúar 1944 steig ég eitt mitt mesta gæfuspor.
Þann dag gekk ég að eiga Aðalbjörgu Halldórsdóttur frá
Öngulsstöðum í Eyjafirði. Við vorum gefin saman af sr. Sig-
urbirni Einarssyni síðar biskupi.