Tíðindi Prestafélags hins forna Hólastiftis - 01.01.1984, Blaðsíða 18
SR. STEFÁN SNÆVARR, prófastur:
Hátíðarmessa að Tjörn
í Svarfaðardal 18. júlí 1982
I sunnan golu og hlýviðri með smá skúrum var 90 ára
afmælis Tjarnarkirkju minnst, sunnudaginn 18. júlí árið
1982, með hátíðarguðsþjónustu í kirkjunni. Fólk streymdi til
kirkjunnar, sóknarfólk úr heimahögum og ýmsir burtfluttir
Tjarnarsóknarbúar. Meðal gesta við kirkjuna þennan dag má
nefna fyrrverandi forseta okkar, dr. Kristján Eldjárn, og konu
hans frú Halldóru Eldjárn. Þá má nefna nývígðan vígslu-
biskup hins forna Hólastiftis, síra Sigurð Guðmundsson á
Grenjaðarstað, og konu hans frú Aðalbjörgu Halldórsdóttur,
Sesselju Eldjárn, sem er árinu yngri en kirkjan og trúlega
meðal fyrstu skírnarbarna í kirkjunni. Þar að auki má nefna
hóp 50 orlofskvenna frá Selfossi, sem dvöldust í sókninni um
þessa helgi. Þá má tilnefna síra Hannes Örn Blandon frá
Ólafsfirði og móður hans. Kirkjan var yfirfull og sátu margir
úti, ýmist á stólum eða grængresinu kring um kirkjuna, en
magnarakerfi var í kirkjunni og heyrðist vel, það sem þar fór
fram.
Hátíðarguðsþjónustan hófst kl. 2. Bæn i kórdyrum las
Hjörtur Eldjárn, hreppstjóri og bóndi á Tjörn, en þau voru
öll systkinin mætt við messuna. Söngstjórn annaðist Jakob
Tryggvason, organisti og söngstjóri á Akureyri í fjarveru org-
anista kirkjunnar, Ólafs bróður hans Tryggvasonar frá
Ytra-Hvarfi. Sóknarpresturinn, síra Stefán Snævarr prófast-
ur, þjónaði fyrir altari en kirkjukór Svarfdæla annaðist söng.
Hinn nývígði vígslubiskup, síra Sigurður Guðmundsson pró-