Tíðindi Prestafélags hins forna Hólastiftis - 01.01.1984, Qupperneq 27

PRESTAFÉLAGS HINS FORNA HÖLASTIFTIS
31
urhús, þá þarf ekki að leggja í neinn umtalsverðan kostnað við
það næstu áratugina. Og nú er svo komið hér í sveit, og það er
endanlega undirstrikað hér í dag, að ekki þarf lengur að tala
hér um neitt niðurrif gamalla kirkna. Þeim er öllum borgið.
Og það er sannfæring mín og mun fljótlega verða skoðun allra
ef það er það ekki nú þegar, að það hafi verið happ og heilla-
ráð að fara ekki að leggja hendur á þessa gömlu helgistaði
sveitarinnar. Ég er viss um að flestir munu hafa tekið eftir því
að gömul vel með farin kirkja er prýði í hverri sveit og á
hverjum bæ. Þó er enn meira vert um hitt, að kirkjan með
sínum kirkjugarði geymir helgustu minningar okkar, minn-
ingar um feður og mæður og þá menn alla sem á undan okkur
eru farnir af þessum heimi, minningar um mestu gleðistund-
irnar en einnig um sorgarstundirnar, sem hvorar tveggju eru
snar þáttur í tilfinningalífi hvers einasta manns.
Ég fyrir mitt leyti, sem er þó ekki annað en brottfluttur
sonur þessarar sveitar, fagna því af heilum huga að sjá
Tjarnarkirkju svo vel til hafða og um leið friðhelga, að sjá
sömuleiðis Vallakirkju viðgerða til framtíðar og vita Urða-
kirkju vel á sig komna og í engri hættu hér fram í dalnum. Ég
skal segja ykkur eitt, sem ég tel mig vel dómbæran um, og það
er það að margir munu öfunda Svarfdælinga af að þessar
gömlu kirkjur skuli allar vera hér enn og muni verða. Víða
hefur í fljótræði verið rokið í að rífa gamla kirkju og byggja
nýja og síðan von bráðar slegið í baksegl og allir orðið sam-
mála um að orðið hafi herfileg mistök. Heyrt hef ég mörg
harmakvein manna út af sinni eigin skammsýni. Af þeirri
reynslu má læra, og ég gleðst yfir því að slíkt hefur ekki gerst
hér. Afi minn skírði mig í þessari kirkju, og í öllum kirkjunum
þremur hafa nánustu frændur mínir starfað og átt sínar stóru
stundir, og í öllum kirkjugörðunum þremur hvíla nánustu
forfeður mínir og frændur. Og vissulega geta margir þeir sem
hingað sækja í dag, og miklu miklu fleiri, sagt hið sama eða
svipað. Þess vegna ætti okkur öllum að vera það gleðiefni að
þessi gömlu minnismerki sveitarinnar, kirkjurnar, fá að