Tíðindi Prestafélags hins forna Hólastiftis - 01.01.1984, Side 29

Jóna og sr. Stefán Snœvarr - aðfangadagskvöld 1983 að loknum aftansöng. Mynd:
Heimir Kristinsson.
Prófastur Eyjafjarðarprófastsdæmis
lætur af störfum
Á þessu ári lætur séra Stefán Snævarr af störfum fyrir aldurs sakir. Hann
hefur verið sóknarprestur í Vallaprestakalli frá 1941, vígður þangað 15. júní
það ár, og prófastur Eyjafjarðarprófastsdæmis frá 1967. — Séra Stefán
Snævarr hefur notið trausts og vinsælda jafnt sóknarbarna sinna sem sam-
starfsmanna. Störf sin öll hefur hann rækt af alúð og trúmennsku og þeirri
góðvild sem skapar trúnað og skilur eftir einlæga þakkarkennd.
Slíka hugi eina munu prófastshjónin á Dalvík eiga nú þegar líður að
starfslokum. Ritnefnd Tíðinda árnar þeim allra heilla og blessunar Guðs.
Þ. H.
3