Tíðindi Prestafélags hins forna Hólastiftis - 01.01.1984, Blaðsíða 41

PRESTAFÉLAGS HINS FORNA HÖLASTIFTIS
45
Að svo mæltu vil ég fyrir hönd hátíðarnefndar, bjóða yður
öll velkomin í Húnaþing til þessarar hátíðar. Ég vil sérstak-
lega þjóða velkomna hingað í dag 70 manna hóp þátttakenda,
er dvalið hafa á móti Kristniboðssambandsins hér norðan-
lands undanfarið. — Hátíðarsamkoman er sett.
Gerum kirkjugarðana að menningarreitum!
Á héraðsfundi Eyjafjarðarprófastsdæmis 1979 var kosin nefnd til að fjalla
um málefni kirkjugarðanna. Nefndin aflaði ýmissa gagna og leiðbeininga
fyrir sóknarnefndir og lagði fram á héraðsfundi 1980. Jafnframt boðaði hún
til fundar í kapellu Akureyrarkirkju 8. nóvember 1980 þar sem mál kirkju-
garðanna voru tekin til umræðu. Á þessum fundi kom fram áhugi á auknu
samstarfi sóknarnefnda til að koma ýmsu í verk, einkum þar sem fjárskortur
og fámenni hefur valdið þvi að garðarnir eru umhirðulitlir. Rætt var um að
ráða vinnuflokk til starfa yfir sumartímann, sem unnt yrði að fá til tíma-
bundinna verkefna, svo sem við lagfæringar girðinga, upphleðslu leiða,
viðgerðir á minnismerkjum o.fl. Sumstaðar hafa ekki enn verið gerðir upp-
drættir af görðunum og legstaðaskrár. Einnig var rædd sú hugmynd að
sameinast um tækjakaup.
Á þessum fundi var kirkjugarðavörður, Aðalsteinn Steindórsson, einnig
mættur. Kynnti hann starf sitt og sýndi fróðlegar myndir. Sumarið eftir,
eða 1981, skipulagði nefndin svo skoðunarferð hans um allt prófastsdæmið
og kom á fundum með honum og sóknarnefndum. Sérstaklega var lögð
áhersla á að hann kannaði eftirtalin atriði á hverjum stað: Skipulagsupp-
drætti og legstaðaskrár, hirðingu og frágang leiða, minnismerki, girðingar
og sáluhlið, trjágróður og runna, áhöld og tæki garðanna svo og heima-
grafreiti og aflagða garða í sóknunum.
Eftir þessa skoðunarferð sendi kirkjugarðavörður sóknarnefndum og
prófasti skýrslu um ferð sína og tillögur um úrbætur þar sem ástæða þótti til.
Þessi skoðunarferð varð upphafið að hliðstæðum ferðum kirkjugarða-
varðar í fleiri prófastsdæmum og er ástæða til að vænta að slík vinnubrögð
verði til hvatningar og leiði til þess að garðarnir fái þann aðbúnað og
umhirðu sem þeim sæmir. Vel búnir og hirtir kirkjugarðar segja meira en
margt annað um virðingu okkar og ræktarsemi við minningu forfeðranna.
Þ. H.