Tíðindi Prestafélags hins forna Hólastiftis - 01.01.1984, Page 55
PRESTAFÉLAGS HINS FORNA HÓLASTIFTIS
59
Kristinn söfnuður stofnaður.
Kristinn söfnuður var formlega stofnaður 1958 í nóvember,
dótturkirkja íslenzkrar kristni og kirkju, — ávöxtur af hlýðni
kristinna einstaklinga og safnaðar á Islandi, sem tók orð Jesú
alvarlega: „Allt vald er mér gefið á himni og jörðu. Fariðþví og
gjörið allar þjóðir að lœrisveinum, skírið þá í nafni föður, sonar
og heilags anda, og kennið þeim að halda allt það, sem ég hef
boðið yður. Sjá, ég er með yður alla daga allt til enda verald-
arinnar.“ (Matt. 28.18-20).
Á stofnfundinum voru 6 einstaklingar, 3 Eþíópíar og 3
íslendingar. Ekki leið samt á löngu, þar til hver skírnarhóp-
urinn af öðrum var tekinn inn í söfnuðinn og hann stækkaði
jafnt og þétt. 1 dag, 25 árum síðar, telur söfnuðurinn um 11
þúsund einstaklinga.
Kristniboðsstarfið í Konsó hefur alla tíð verið þríþætt, eins
og reyndar kristniboðsstarf um allan heim: 1. Boðunarstarf, 2.
Skóla- og fræðslustarf og 3. Sjúkrastarf. Boðun fagnaðar-
erindisins er aðaluppistaðan, innihaldið og markmiðið og
fléttast inn í allt annað, sem gert er.
Verkamenn í víngarðinum.
„Biðjið þvi Elerra uppskerunnar að hann sendi verkamenn
í víngarð sinn,“ var hvatning Jesú, einnig til ísl. kristniboðs-
vina, „Því uppskeran er mikil, en verkamennirnir fáir. Og
Guð kallaði menn og konur til að fara —og ísl. kristniboðsvini
til að senda þá.
Árið 1960 komu kristniboða- og læknishjónin, Áslaug
Johnsen og Jóhannes Ólafsson, með elsta son sinn, Ólaf Árna,
til Eþíópíu. Þau byrjuðu starf í Gídóle, sem er nágrannastöð
Konsó, aðeins 55 km fjarlægð, en fluttu síðan til staðar, sem
nefnist Yrgalein, en þar hafa Norðmenn rekið stórt sjúkrahús
sem margra ára skeið. Nokkrum árum síðar áttu þau eftir að
koma aftur til Gídóle, og störfuðu þá þar í mörg ár. Þá gat
Jóhannes komið reglulega til Konsó og innt ýmsa læknis-
þjónustu af hendi, svo sem uppskurði.