Tíðindi Prestafélags hins forna Hólastiftis - 01.01.1984, Blaðsíða 62

66
TlÐINDI
Minnist ég þess þegar ég fékk þá bók í hendur á unglingsárum
mínum hve mér þótti hún skemmtileg. Framsetningin skýr og
frásögnin létt. Mikill fróðleikur í lítilli bók. Síðar eftir að hann
var hættur skólastjórn og tími var rýmri til ritstarfa komu út
fleiri bækur.
Fermingarkverið Líf og játning kom út f953. Sú bók var
mikið notuð hér Norðanlands a.m.k. og er enn kennd. Eg
minnist ritdóms sr. Friðriks Rafnars, vígslubiskups um þá
bók. Flann gaf henni góð meðmæli og hvatti presta til að nota
hana. Einnig foreldra að lesa hana. Bók handa yngri börnum
Guð leiðir þig, kom út 1954. Bókin Tómstundir eftir hann var
mikið notuð í skólum og æskulýðsfélögum. Þar er að finna
sögur og leikrit.
Þá skrifaði Valdimar þætti úr sögu þriggja kirkna í Svarf-
aðardal. Síðasta kirkjan að Upsum 1950. Vallakirkja í Svarf-
aðardal 90 ára. Kom út 1951 og Tjarnarkirkja í Svarfaðardal
sextug, kom 1952. Allt eru þetta merkar bækur um sögu
þessara kirkna og merkt framlag til sögu Svarfaðardals.
Margar greinar birtust eftir Valdimar í blöðum og tíma-
ritum, einnig erlendum. Einkum fjölluðu þær um uppeldis-
mál og kristindómsmál.
Valdimar kvæntist á Húsavík 19. nóvember 1905 Stefaníu
Erlendsdóttur. Hún var fædd 6. nóvember 1883 og því jafn-
aldri hans. Hennar er því minnst nú og hér einnig. Hún stóð
við hlið hans allt til enda og sýndi í starfi sínu öllu hvílíkum
mannkostum hún var búin. Hún var hlédræg og hafði sig ekki
mjög í frammi, en brást aldrei því sem henni var trúað fyrir.
Mildi og hjartahlýja var aðall hennar ásamt ósérplægni í
starfi öllu. Þau hjón voru samhent mjög.
Foreldrar Stefaníu voru hjónin Erlendur Árnason útgerð-
armaður og bóndi á Norðfirði og Stefanía Stefánsdóttir,
Sveinssonar frá Seldal. Stefanía og Valdimar eignuðust 6
börn og ólu upp eina fósturdóttur. Tvein synir dóu á ungl-
ingsaldri, Gunnsteinn og Gísli Sigurður. Árni Þorvaldur
verkfræðingur og ráðuneytisstjóri andaðist 1979. Laufey