Tíðindi Prestafélags hins forna Hólastiftis - 01.01.1984, Blaðsíða 64
68
TÍÐINDI
aði í málum af kærleika og trúartraust hans kom ætíð fram.
Gamanyrði hafði hann oft á vörum. Hressilegur og vinsam-
legur í hvívetna þó aldraður væri. Við minnumst þeirra hjóna
með virðingu og þakklæti á aldarafmæli þeirra. A þessu ári
kom út bók eftir Valdimar, Ljóðþrá, ljóð og sálmar. Þar
skrifar Pétur Sigurgeirsson biskup formála og rekur æviferil
þeirra hjóna, Valdimars og Stefaníu. Bókin er vönduð að
útliti. Útgefandi er sonarsonur hans, Gunnlaugur Valdimar
Snævarr frá Dalvík. Margir fagrir sálmar birtast þarna.
Sumir kunnir fyrr og eru víða sungnir við guðsþjónustur.
Einnig eru veraldleg ljóð og þýdd ljóð eru mörg.
Tíðindi Prestafélags Hólastiftis birtir hér á eftir stutta
endurminningu frá Húsavík, sem Valdimar ritaði á efri árum.
Þessi stutta frásögn sýnir nokkuð hvernig hugur Valdimars
var til nemenda og samtíðarmanna. Hann vann alltaf að því
að liðsinna, vernda og efla kærleika meðal manna.
Ég þakka, að ég átti kost að þekkja manninn Valdimar V.
Snævarr og þiggja af honum góð ráð. Og gott er að eiga
sálmana hans.
Valdimar andaðist á Sjúkrahúsinu á Akureyri 18. júlí 1961
og Stefanía kona hans lést 11. desember 1970.
Blessuð sé minning þeirra.
Að lokum vil ég birta sálmvers Valdimars um kirkjuna sem
hann unni svo mjög. Vers sem ég læt svo oft syngja í kirkjum
mínum.
„Vor dýra móðir, kristin kirkja,
svo kærleiksrík og blíð,
vill hvetja, laða, styðja, styrkja
til starfa Drottins lýð.
Hún leitar, kallar, líknar, fræðir
og ljóssins trú í hjörtum manna glæðir.
Hún lætur hljóma lífsins mál,
sem lífgað getur hverja sál.“