Tíðindi Prestafélags hins forna Hólastiftis - 01.01.1984, Blaðsíða 75

SR. HJÁLMAR JÓNSSON:
Sumarbúðir á Hólum í Hjaltadal
Margir Norðlendingar hafa kynnst sumarbúðastarfinu á
Vestmannsvami og hafa á ungum aldri dvalið þar stutt
tímabil en eftirminnileg og dýrmæt. Nú um skeið hefur verið
áhugi á því að starfrækja sumarbúðir einnig hér á Norðvest-
urlandi. Það hefur enda verið gert þótt ekki hafi það verið til
frambúðar nokkurs staðar. Á Húnavöllum hafa verið starf-
andi svonefndar ungmennabúðir undanfarin ár á vegum
USAH. Þar kynntist ég fyrst sumarbúðum með þátttöku í
starfsemi þeirra. Áhugi á ungmennabúðunum smá jókst og sá
þröngi stakkur sem þeim var skorinn vegna starfrækslu sum-
arhótels á Húnavöllum varð of litill. Sumarbúðastjóri var
Karl Lúðvíksson íþróttakennari á Skagaströnd. Höfðum við
hug á að reyna starfrækslu sumarbúða annars staðar. Jón
Bjarnason, skólastjóri Bændaskólans á Hólum hafði sama
áhugann og tók málið upp á sína arma. Án forystu hans og
velvilja og þátttöku starfsmanna á Hólum hefði hugmyndin
ekki orðið að veruleika. Þá skal þess og getið að séra Sighvatur
B. Emilsson á Hólum kom til liðs við okkur og starfaði ásamt
okkur hinum við búðirnar.
Hólar eru mjög ákjósanlegur staður fyrir sumarbúðir.
Vitaskuld er margt verið að vinna þar við búið á sumrin og
einnig voru þar hús í smíðum, en ekkert rak sig á annars horn
þótt 40 börn væru í hverjum hópi um þriggja vikna skeið á
Hólum. Upphaflega var hugmyndin að vera með tvo hópa,
annan fyrir 12-14 ára börn en hinn fyrir 9-11 ára. Vegna
mikillar eftirspurnar var ákveðið að bæta við öðrum hópi
yngri barnanna.
Aðbúnaður á Hólum var til mikillar fyrirmyndar. Heima-
vist skólans var vistarvera sumarbúðabarnanna og mötu-
neytið gengu þau um svo sem aðrir þar á staðnum.