Tíðindi Prestafélags hins forna Hólastiftis - 01.01.1984, Side 85

PRESTAFÉLAGS HINS FORNA HÓLASTIFTIS
89
úr alabastri. Er hún talin komin frá Nottingham á Englandi á
15. öld og einu minjarnar er varðveitst hafa frá hinu forna
klaustri.
Predikunarstóll í barokstíl, líklega hollenskur að uppruna
með ártalinu 1696. Áttstrendur skírnarfontur með himni yfir
og þykkri silfurskál. Á honum er ártalið 1697 og áletrun með
nafni Lárusar Gottrups, lögmanns að Norðan og Vestan og
Katrínar konu hans, en hann sat á Þingeyrum á árunum
1685-1721. Margt annarra dýrmætra gripa prýða kirkjuna frá
fyrri öldum, svo og síðari tímum.
Kirkjan var vígð þann 9. september árið 1877, 15. sunnu-
dag eftir Trin. og framkvæmdi sr. Eiríkur Briem, prófastur
Húnvetninga vígsluna.
Sjálf kirkjubyggingin er næsta lítið breytt frá upphaflegri
gerð. En nokkrar endurbætur hafa farið fram á kirkjunni á
undanförnum 100 árum. Upphaflega var á kirkjunni hellu-
þak og var svo fram undir árið 1960, en þá fauk hluti af
hellunum af þakinu í ofsaveðri. Var þak kirkjunnar þá kop-
arlagt.
Árið 1966 var steingirðing sett umhverfis kirkjuna og
kirkjugarðinn. Drýgsta þáttinn í þeirri framkvæmd átti
Ólafur Jónsson frá Brekku í Þingi, en hann lagði fram mikið fé
til framkvæmdarinnar. Ólafur fluttist ungur til Vesturheims
og býr nú í hárri elli í borginni San Fransiskó í Bandaríkjun-
um.
Nú hefir kirkjan verið máluð öll að innan, og loft einangr-
að. Einnig hefir rafmagnshitun verið sett upp í kirkjunni. Auk
þess hefir upphaflegum ljósahjálmum verið komið fyrir á sinn
fyrri stað og ljósaskildir hreinsaðir og fægðir.
Var Guðrún Jónsdóttir, arkitekt ráðin til þess að hafa um-
sjón með verkinu. Naut hún m.a. aðstoðar þjóðminjavarðar,
Þórs Magnússonar. Hlaut kirkjan nokkurn styrk úr Þjóð-
hátíðarsjóði og Húsfriðunarsjóði til verksins.
Hátíðarguðsþjónusta fór fram í tilefni aldarafmælis
kirkjunnar þann 10. júní sl. er hófst með skrúðgöngu presta og