Tíðindi Prestafélags hins forna Hólastiftis - 01.01.1984, Blaðsíða 98

102
TlÐINDI
ins kom séra Árni Björnsson. Hann ásamt séra Jóni Hallssyni,
prófasti beittu sér fyrir sameiningarmálinu og Sauðkrækingar
mynduðu þögulan þrýsting. Þeir sóttu lítt helgar tíðir til
Sjávarborgarkirkju en sóknarprestur brá á það ráð að messa i
barnaskólanum og í Sýslumannshúsi, enda var Sjávarborg-
arkirkja langt of lítil og Fagraneskirkja næsta hrörleg. Hinn
21. júní 1891 ritar landshöfðingi biskupi hið langþráða bréf
um að nefndar kirkjur skulu niður lagðar en ein reist í þeirra
stað á Sauðárkróki.
Kirkjan á Sauðárkróki var vígð árið 1892 hinn 18. desem-
ber. Sjávarborgarkirkja varð geymsla eða skemma, svo sem
títt var um aflagðar kirkjur. Hún var sem slík allgott hús því
að viðir kirkjunnar voru góðir. Árið 1904 er hún virt á 750
krónur, sem jafngiltu verði góðs timburhúss á Sauðárkróki í
þann tíð.
Segir nú ekki af kirkjunni fyrr en eftir 1960. Skal þess þó
getið að Skarðshreppingar voru ekki of hrifnir af því að missa
báðar kirkjur sínar til einnar á Sauðárkróki. Hefur í hreppn-
um jafnan verið áhugi fyrir því að þar væri ein kirkja. Með
tilliti til forsögu málsins er ekki óeðlilegt að svo sé.
Frú Heiðbjört Björnsdóttir á Sjávarborg var lengi hvata-
maður þess, að gamla kirkjan á Sjávarborg yrði tekin til
upphaflegra nota, sem kirkja safnaðar. Er séra Þórir Step-
hensen kom til kallsins þótti honum Skarðshreppsbúar sækja
dræmt kirkju á Sauðárkróki. Varð hann hvatamaður þess,
ásamt Heiðbjörtu, að kirkjan á Sjávarborg yrði lagfærð og
tekin í notkun á ný. Töluðu þau þessu máli og fengu þjóð-
minjavörð til að huga að hinu gamla húsi. Stefán Jónsson,
arkitekt fékk persónulegan áhuga á kirkjunni og varð ein-
lægur fylgismaður þess að hún yrði endurbætt. Á siðastliðnu
sumri varð þetta að veruleika þar sem kirkjan var endurvígð
af vígslubiskupi Hólastiftis, Sigurði Guðmundssyni, 21. ágúst
1983. Vígsluvottar voru þjóðminjavörður, Þór Magnússon,
arkitektinn, Stefán Jónsson og frú Heiðbjört Björnsdóttir á
Sjávarborg. Voru skagfirskir prestar viðstaddir og séra Þórir