Tíðindi Prestafélags hins forna Hólastiftis - 01.01.1984, Page 112
116
TlniNDI
Vigdísar Finnbogadóttur, sem þar var komin ásamt föru-
neyti. Við það tækifæri flutti sóknarprestur ávarp og rakti
sögu kirkju og staðar en afhenti forseta að lokum þjóðsagna-
safn Ólafs Davíðssonar frá Hofi, en faðir hans, séra Davíð
Guðmundsson, þjónaði í Möðruvallakirkju í áratugi og sjálfur
tengdist Olafur Möðruvöllum á skólaárunum.
Möðruvallakirkja var þéttsetin þennan góðviðrisdag og
bjart yfir eldri sem yngri er þeir fögnuðu þjóðhöfðingja sín-
um. I ræðu sinni rakti forseti ýmsa söguatburði frá liðinni tíð
sem sameinuðu Möðruvelli og Bessastaði og þakkaði góða gjöf
og hlýjar móttökur. Því næst var gengið um kirkjugarðinn og
að legsteinum margra þjóðkunnra manna er þar hvíla áður en
forseti hélt að Fagraskógi ásamt fylgdarliði sínu.
A síðasta áratug var mikið átak gert til að fegra og prýða
Möðruvallakirkju. Mest var þó að gert fyrir 110 ára afmæli
kirkjunnar en þess var minnst við hátíðarguðsþjónustu hinn
13. nóvember árið 1977. Þar prédikaði þáverandi vígslu-
biskup, séra Pétur Sigurgeirsson, en sóknarprestur rakti sögu
kirkjunnar, lýsti viðgerðum og skýrði frá gjöfum er kirkjunni
höfðu borist. Að lokinni athöfninni í kirkjunni var haldið
kaffihóf að Freyjulundi.
Möðruvallakirkja var reist á árunum 1865-1867 og sá hinn
kunni athafnamaður, Þorsteinn Daníelsson á Skipalóni, um
smíði hennar. Kirkjan var vígð hinn 5. ágúst 1866, en 23.
september 1867 var hún tekin út og afhent söfnuðinum sem
albyggð og hefur afmæli hennar jafnan verið miðað við það
ár. — Kirkjunni hefur alla tíð verið haldið mjög vel við og
margir tekið höndum saman við að hlúa að henni. Af helstu
framkvæmdum sem getið var um á afmælishátíðinni og átt
höfðu sér stað á næstliðnum árum má nefna: Nýjar útihurðir
(af sömu gerð og þær eldri sem áfram standa sem innri hurð-
ir), nýir hlerar í kirkjuturni og turninn þéttur, raflögn kirkj-
unnar endurnýjuð svo og rafmagnstafla, lagfærðar undir-
stöður undir þverbitum í gólfi og kirkjan rétt af en nokkuð