Helgarpósturinn - 28.06.1984, Blaðsíða 8

yrði sem reglur um lóðaúthlutun í
Reykjavík kveða á um, að sögn
Hjörleifs. Þar segir m.a. að um-
sækjandi þurfi að vera fjárráða, ís-
lenskur ríkisborgari og skuldlaus
við gjaldheimtu. Umsækjendur
þurfa ennfremur að geta sýnt fram
á, að þeir geti fjármagnað bygg-
ingarframkvæmdir og staðið við
þá byggingæskilmála er gilda. Þó
hæpið sé að tala um úthlutun við
þessa kaupsamninga, hlýtur sú út-
hlutunarregla að gilda sem segir
að verði úthlutunarhafinn staðinn
að því að bjóða til sölu lóð eða
byggingarframkvæmdir áður en
lóðarsamningur er gerður skal út-
hlutun afturkölluð.
Inni í kaupverði lóðanna felast
gatnagerðargjöld, sem að sögn
Hjörleifs miðcist við rúmmál hvers
húss sem þar rís. Það er 627,50 á
hvern rúmmetra þannig að heild-
arhlutur þeirra í kaupverði hverrar
lóðar gæti verið á bilinu 5-600 þús-
und. Fyrir hvert hús er þá rúm-
metrafjöldinn á bilinu 8-900.
Hann segir okkur að við fram-
kvæmd útboðanna hafi verið fylgt
ákveðnum reglum, nu. þeirri, að
hver sá sem lagði inn tilboð hafi
boðið eina ákveðna tölu án vitn-
eskju um tilboð annarra og síðan
var hverjum sem bauðst lóð gefinn
sólarhringur til að ákveða sig.
Miklar getgátur hcifa verið uppi
um það hverjir það séu sem keypt
hafa þessar margumræddu millj-
ónaJóðir. Hverjir það séu, sem fjár-
ráð hafi til kaupa á sannvirðislóð-
um, einsog borgarstjóri nefnir
þær. Virðast ýmsir hafa búist við
að sá listi væri eingöngu þakinn
nöfnum þekktra „fjármálafursta",
einsog eitt dagblaðanna nefndi þá.
Athygli hefur þó vakið að fá þekkt
nöfn eru á þessum lista, og enn-
fremur hversu margar konur eru
meðal kaupenda, eða alls 6 af 21.
Eru þó konur ekki taldar meðal
þeirra best stæðu efnalega í þjóð-
félaginu.
Ýmis óþægindi hcifa fylgt þeirri
leynd, sem nafnalistinn er hjúpað-
ur, fyrir fjölda fólks, því aðeins er
getið nafna kaupendanna án frek-
ari auðkenna, og hafa margir al-
nafnctf lóðarhafa fengið að finna
fyrir forvitni almennings og upp-
hringingum fjölmiðla.
Við á HP höfum fundið að mikill
áhugi ríkir meðal fólks á því hverjir
það séu sem fest hafa fé sitt í Stiga-
hlíðarlóðunum, og hversu það mál
allt er umleikis. Hver er upphæð
einstakra lóða? Verður brciskað
með þessar lóðir? Ákveðið var að
reyna að hafa upp á lóðarhöfunum
sjálfum og athuga þeirra sjónar-
mið, hvort þeir væru reiðubúnir til
að gefa upplýsingar í fjölmiðlum
um kaupin. Við náðum tali af alls
12 kaupendum, og birtast svör
þeirra á öðrum stað hér á síðun-
um, en almennt fundum við það
sjónarmið ríkja meðal þessa fólks
að þetta væri alfarið einkamál þess
og kæmi fjölmiðlum ekkert við. „Vill
einhver tala um þetta við ykkur?"
spurði eiginkona mcinns úr hópi
þeirra lóðareigenda sem við náð-
Davíð Oddsson: ,,Nú er
loksins komið í veg fyrir
brask.“ Á uppdrættinum er
hið umdeilda hverfi vinstra
megin við Stigahlið.
um ekki tali cif. „Ég fatta ykkur
ekki,“ hélt hún áfram.
Innbyrðis tengsl
Við komumst fljótlega að því að
þetta svæði 21 einbýlishúsalóðar
virðist hafa sérstakt aðdráttarafl
fyrir fjölskyldur og ættingja á þann
hátt að nokkur hjón bjóða í - og fá
- sitthvora lóðina. Og eins fundum
við mæðgin sem fá hvort sína lóð.
Það er í sjálfu sér ekkert athuga-
vert við að ættingjar vilji halda
saman og búa í nábýli, en að hjón
hafi efni á að kaupa sér tvær dýrar
lóðir vakti forvitni okkar.
Við eftirgrennslan fundum við
þrenn hjón sem tengjast kauptil-
boðum á sex lóðum. Indriði Páls-
son, forstjóri Skeljungs, og kona
hans Elísabet Hermannsdóttir, ss.
fram hefur komið í blöðum. Jón
Gunnar Zoega, lögfræðingur, og
kona hans Guðrún Björnsdóttir
eru með tvær lóðir, en samkvæmt
upplýsingum Jóns er það í umboði
fyrir aðra aðila. Jón kaupir lóð fyrir
Gest Jónsson, lögfræðing, en Gest-
ur vildi þó ekki staðfesta það í
samtali við HP. En að sögn Jóns,
kaupir Guðrún lóð fyrir Gunnar
Jónsson, bónda á Ásmundarstöð-
um í Ásahreppi, Rangárvallasýslu.
Ekki fékk HP þetta þó staðfest hjá
Guðrúnu sem sagði að enn sem
komið væri keypti hún lóðina að-
eins fyrir sig sjálfa. Ekki náðist í
Gunnar til að fá hans staðfestingu
á lóðakaupunum, né fengust yfir-
leitt nokkrar upplýsingar um það
af hverju fólk léti aðra standa að
þessum kaupsamningum fyrir sig.
Eiginkona Gunnars er hinsvegcir
með lóð í Stigahlíðinni, en sagði
það vera fyrir þau hjón bæði.
Strax í endursölu
í viðtölum HP kom ekkert fram
um það hvort fólk ætlaði sér lóð-
irnar til annars en húsbygginga fyr-
ir sjálft sig. Umboðsmennska getur
átt sér fullnægjandi skýringcir og er
á engan hátt óheimil, einsog fram
kom hjá Hjörleifi Kvaran, en þær
skýringar fengum við ekki. Ekki
fengum við heldur upplýsingar um
það hver stæði á bak við sölu
þeirrar lóðar sem fasteignasalan
Húsafell fékk til sölu strax tveimur
dögum eftir að hún var seld af
hendi borgarinnar. Samkvæmt
heimildum HP er þó hér um að
ræða tengda aðila sem hlutu tvær
lóðir en vildu selja aðra sem fyrst.
„Við máttum svo sem eiga von á
raðtilboðum," segir Hjörleifur
Kvaran aðspurður um samsetn-
ingu kaupendahópsins sem fram
kemur hér að ofan, „svo eina leiðin
fyrir okkur var að láta ekki tilboðs-
gjafa vera viðstadda opnun þeirra.
Þetta gekk mjög vel því 17 af efstu
21 bjóðendum tóku allir lóð,“ heldur
hann áfram. Hann segir þetta allt
raunar hafa gengið eftir áætlun.
Lóðirnir verði tilbúnar til fram-
kvæmda í næsta mánuði. Kaup-
samningar setji svo lóðareigend-
um það skilyrði að þeir hafi lokið
við að steypa sökkul inncin árs, og
að húsin verði gerð fokheld innan
tveggja ára.
Svo sem fram kemur hér í grein-
inni eru dæmi þess að kaupendur
lóða séu ekki að kaupa fyrir sjálfa
sig heldur fari með umboð fyrir
aðra. Eins hefur komið fram í fjöl-
miðlum gagnrýni á lóðasöluað-
ferðina; hún bjóði upp á brask með
lóðirnar. Aðspurður um þetta segir
Hjörleifur ekkert vera sem banni
það að menn kaupi fyrir aðra; „en
við stöndum að sjálfsögðu í réttar-
sambandi við tilboðsgjafann sjálf-
an, og það er hann sem verður að
standa við skilyrði kaupscimnings-
ins,“ segir hann og upplýsir okkur
um að lóðakaupendurnir verði að
greiða fjórðung kaupverðsins fyrir
15. júlí. Hafi þeir samþykkt víxil fyr-
ir þeirri fjárhæð, en eftirstöðvam-
ar séu svo á skuldabréfi sem greið-
ist á einu ári. Ef ekki verði staðið í
skilum, áskilji borgin sér rétt til
riftunar og verði öðrum tilboðs-
gjöfum þá boðin lóðin.
Sefjun?
Tvímælalaust má segja að verð-
mæti byggingarhæfra lóða á höf-
uðborgarsvæðinu sé mjög mikið.
Þó er það mjög mismunandi eftir
svæðum, og það er ekki kostnað-
urinn við að gera landið byggingar-
hæft sem ræður, ss. gatnagerð,
holræsalögn o.s.frv„ heldur eftir-
spurnin eftir lóðunum sem getur
haft mjög mikil áhrif til hækkunar.
Á verðbólgutímum þótti ein væn-
legasta fjárfestingin að setja pen-
inga í lóðir. Nú er ekki óðaverð-
bólga. Hvað ræður þá þessu háa
Hvað segja kaupendurnir- ekki?
Hvað er það við Stigahliðina
sem veldur því að fólk er reiðu-
búið til að leggja fram fé í millj-
ónavís, aðeins til að fá þar aðset-
ur til húsbygginga? Eins var fólk
spurt um þá söluaðferð sem
borgin notar, og hvort það vœri
reiðubúið til að gefa upp kaup-
verð lóðanna því þœr upplýsing-
ar hafa ekki legið á lausu afborg-
arinnar hálfu. Okkur á HP tókst
að hafa uppá nokkrum hinna
nýju lóðareigenda.
Eins og fram kemur í við-
tölunum voru viðmœlendur okk-
ar tregir á allar upplýsingar.
Elísabet Hermannsdóttir, eig-
inkona Indriða Pálssonar sem
einnig er lóðarkaupandi, Safa-
mýri 16. 56 ára. Starfsstaða
óþekkt:
„Við höfum oft sótt um lóð en
ekki fengið. Með þessari aðferð er
boðið í ióðir á sama hátt og gert
er í nágrannasveitarfélögunurn?
— Dýrar lóðir?
„Nei, mér finnst þetta ekki dýr-
ar lóðir."
— Þið hjónin eruð með tvær
lóðir. Á að selja aðra?
„Það þarf ekki að óttast að
verslað verði með lóðir okkar
hjónanna."
Indriði Pálsson, eiginmaður
Elísabetar Hermannsdóttur sem
einnig er lóðarkaupandi, Safa-
mýri 16. 54 ára, lögfrœðingur og
forstjóri Skeljungs hf.:
„Þetta er sama aðferð og notuð
er í nágrannasveitarfélögunum."
—Ætlið þið hjónin að byggja
þarna innan þess tímafrests sem
borgin setur?
„Það er okkar mál.“
— Finnst þér þetta ekki vera
dýrar húsalóðir?
„Upphæð lóðanna er mats-
atriði hvers og eins.“
— Viltu gefa upp verð ykkar
lóða?
..Það er okkar mál.“
Guðbjörg Antonsdóttir, Hraun-
bœ 174. 27 ára. Starfsstaða
óþekkt:
„Ég vil ekkert ræða þetta mál.
Það er alveg útrætt."
Guðlaug Þórarinsdóttir, sem er
móðir Þórs Ingvarssonar sem
einnig er lóðarkaupandi en ekki
náðist í. Drápuhlíð 17. 58 ára.
Starfsstaða öþekkt:
„Við erum mjög ánægð með að
hafa fengið þarna lóð, því mér er
mikið í mun að geta verið í Hlíð-
unum, en það var númer eitt hjá
okkur að komast í eitthvað nýtt,
svo ég er ánægð að þurfa ekki að
skipta um hverfj."
— Viltu gefa upp kaupverð?
„Nei, en get þó sagt þér að ég
var ekki nærri því hæst.“
— Sonur þinn kaupir þcirna
líka lóð?
„Þau mál eru alveg óskyld."
Ekki náðist i Þór Ingvarsson.
Hörður Þorgeirsson, Stuðlaseli
21. 66 ára. Starfsstaða: Trésmið-
ur:
„Ég get sagt þér það fyrirfram
að ég gef engar upplýsingar í
þessu máli.“
Jón G. Zoéga, Reynimel 29. 41
árs. Starfsstaða: Lögfræðingur.
Kvæntur Guðrúnu Björnsdóttur
sem einnig er lóðarkaupandi:
„Þessi lóðasöluaðferð leysir
margan vanda og gefur borginni
tekjur. Ekki veitir af. Það er mikil
ásókn í lóðir núna og þetta er
gróið hverfi með mikla þjónustu í
næstu nálægð."
— Viltu gefa upp kaupverð?
„Það vil ég ekki því ég er að
kaupa þetta fyrir annan. Það er
Gestur Jónsson, lögfræðingur, þú
getur spurt hann."
— Konan þín er líka að kaupa
lóð þarna?
irJá, það er fyrir Gunnar Jó-
hannsson, stórbónda, með
Holtabúið á Ásmundarstöðum í
Rangárvallasýslu."
— Það hefur verið gagnrýnt að
lóðir fari í endursölu...
„Það er alveg eðlilegt að versl-
að sé með þetta."
Gestur Jónsson, Grófarseli 28.
33 ára. Starfsstaða: Lögfrœðing-
ur. Er orðaður við lóðakaup
gegnum Jón G. Zoéga, lögfrœð-
ing'.
„Ég hef akkúrat ekkert um mál-
ið að segja"
Guðrún Björnsdóttir, Reynimel
29. 33 ára. Starfsstaða óþekkt.
Eiginkona Jóns G. Zoéga, sem
einnig er lóðarkaupandi og
kaupir að hans sögn fyrir Gunnar
Jóhannsson:
„Þetta er á góðum stað og mið-
svæðis þar sem stutt er í alla
þjónustu. Gróið og gott hverfi"
— Þú ert að kaupa fyrir annan
ekki satt?
„Það stenst ekki. Enn sem
komið er er þetta fyrir mig sjálfa
og annað verður þá að koma í
ljós síðar."
Jón Ólafsson. Starfsstaða:
Verslunarmaður í Skífunni Rv.:
„Ég er ekki tilbúinn til að ræða
neitt um þetta mál.“
Sœvar Sigurgeirsson, Ból-
staðahlíð 52. 44 ára. Starfsstaða
Löggiltur endurskoðandi:
„Eg held að ég vilji ekkert láta
hafa eftir mér um þetta."
— Hvað finnst þér um lóða-
verðið?
„Það er mat hvers og eins.“
Vigdís Þórarinsdóttir, Ásmund-
arstöðum, Ásahreppi i Rangár-
vallasýslu. 31 árs. Starfsstaða
óþekkt. Er eiginkona Gunnars
Jóhannssonar, sem orðaður er
við lóð gegnum kaup Guðrúnar
Bjarnadóttur:
„Nei, ég vil ekki gefa upp kaup-
verð.“
— Er maðurinn þinn að kaupa
þarna aðra lóð gegnum umboðs-
mann?
„Við eigum aðeins eina lóð.“
— Og á að hefja byggingar-
frcunkvæmdir nú inncin þess
frests sem borgin setur?
„Við munum fara eftir þeim
skilmálum sem borgin setur í
kaupsamningnum."
Þórður Óskarsson, Furugerði
10. 44 ára. Starfsstaða: Flugum-
sjónarmaður:
Vildi ekki láta hafa neitt eftir
sér um þessi mál.
Ekki tókst að ná í aðra lóða-
kaupendur þrátt fyrir leit, en þeir
eru: Bragi Ragnarsson, Eggert
Atlason, Hafsteinn Sigurðsson,
Helgi Þ. Jónsson, Hörður Jóns-
son, Jón Zalewski, Jóncis Sigurðs-
son, Kristín Árnadóttir, Olafur
Björnsson og Þór Ingvarsson. Að
sögn Hjörleifs Kvaran, skrifstofu-
stjóra hjá borgarverkfræðingi,
má vænta að frekari upplýsingar
en fram hafa komið í biöðum
verði birtar á borgarráðsfundi á
morgun, föstudag. Hann segir
lóðakaupendur hafa þurft að
leggja inn upplýsingar um heim-
ilisföng og nafnnúmer með til-
boðum sínum og megi vænta að
þær verði birtar. Lesendur HP
verða þá að láta sér ofangreindar
upplýsingar lynda fram að því, en
vonandi verða þær til að draga
eitthvað úr þeim leiðindaorð-
rómi sem ætíð vill fara af stað
þegar leynd er yfir málum af
þessu tagi og valdið getur mönn-
um ónæði, og jafnvel spillingar-
aðdróttunum af ýmsu tagi.