Helgarpósturinn - 28.06.1984, Blaðsíða 26
Akureyrarkirkja
HUNDRAÐ OG TÓLF
TRÖPPUR
AÐ KIRKJUNNI
OG ÞAR ERU MÖRG LISTAVERKIN
Tvö spursmál komu upp i sam-
bandi við kirkju þeirra Akureyr-
inga, þegar það mikla mannvirki
var rœtt á ritstjórn Helgarpóstsins á
dögunum. Hvað eru kirkjutröpp-
urnar margar? Hvað heitir kirkj-
an?
HP sló á þráðinn til séra Péturs
Sigurgeirssonar biskups, en hann
þjónaði Akureyrarprestakalli um
34 ára skeið við miklar og almenn-
ar vinsældir.
„Tröppumar eru 112 talsins, frá
Kaupvangstorgi að kirkjudymm.
Margir ganga tröppumar til að
skoða kirkjuna, en aðrir fara með
bíl upp að kirkjudyrum, enda ekki
fyrir alla að fara um tröppumar.
Hvað nafni kirkjunnar viðvfkur, þá
heitir hún Akureyrarkirkja. Matt-
hícisarkirkja heitir hún ekki, enda
þótt margir hafi viljað láta hana
heita því nafni. Vera má að hún fái
það nafn, þegar fleiri kirkjur rísa á
Akureyri, hver veit?“
Við báðum biskup að segja okk-
ur sögu kirkjunnar og hvað þar
væri að skoða.
Guðjón Samúelsson teiknaði
kirkjuna, og var hún reist á ámnum
1938 til 1940 og vígð 17. nóvember
1940. í kirkjunni er margt að skoða,
m.a. stærsta pípuorgel landsins, 45
radda hljóðfæri frá frægri verk-
smiðju í Austur-Þýskalandi.
Það sem án efa vekur mesta at-
hygli ferðafólks, sem skoðcir kirkj-
una, em steindir gluggar hennar.
Fyrsti giugginn barst kirkjunni að
gjöf frá heiðursborgara Akureyrar,
Jakobi Frímannssyni. Saga þessa
glugga, sem nú þjónar sem altaris-
tafla kirkjunnar yfir miðju altarinu
er merkileg.
Helgi Zoega, sá kjarkmikli og
dugmikli versluncirmaður, vair með
gluggann til sölu í búð sinni í
Reykjavík. Þar sá Jakob gluggcinn
og sá að hann mundi passa í kirkj-
una þeirra á Akureyri og keypti
hann. Myndin sýnir Jesú 40 daga
gamlan í faðmi Símonar gamla.
Glugginn var upphaflega frá dóm-
kirkjunni í Coventry á Englandi, en
barst hingað gegnum Helga og
þykir mönnum mikill fengur í
myndinni í dag.
Síðar komu fleiri steindar mynd-
ir í glugga kirkjunnar, 17 myndir í
jafnmörgum gluggum. Þar má lesa
sögu Jesú Krists frá frumbemsku
til uppstigningar. Þessar myndir
voru gerðæ í Exeter í Englandi.
í neðri hluta gluggcirúðcmna má
lesa kirkjusögu Islands. Bæklingur
mun vera til í kirkjunni þar sem
fræðast má um söguna sem mynd-
irnar segja, auk þess sem kirkju-
verðir kunna söguna utanbókar og
munu án efa hjálpa áhugasömu
ferðafólki.
í Akureyrarkirkju eru lágmyndir
Ásmundar Sveinssonar, sjö mynd-
ir, þættir úr sögu Krists.
Þama er og skímarfontur, engill
sem heldur á hörpudisk, ílalskur
marmari, nákvæm eftirgerð verks
Bertels Thorvaldsens sem er að
finna í Frúarkirkjunni í Kaup-
mannahöfn, mikið listaverk sem
Bcúdvin konsúll og Gunnhildur
Ryel gáfu kirkjunni.
Sóknarprestamir, þeir sr. Birgir
Snæbjörnsson og Þórhallur Hösk-
uldsson í Akureyrarprestakalli og
sr. Pálmi Matthíasson í Glerár-
prestakalli, messa í kirkjunni alla
sunnudaga og stórhátíðardaga. Að
sjálfsögðu er ferðafólk velkomið.
Sagði biskup að margir ferðamenn,
innlendir sem útlendir, stilltu tíma
sínum á þann veg að þeir gætu sótt
messur í kirkjunni og væri það vel.
.2 HELGARPÓSTURINN