Helgarpósturinn - 02.08.1984, Blaðsíða 3
Taldi það eigingirni að allt
híbýlaskrautið væri innanhúss
og fáum til gleði:
VEGGFÓÐRAÐI OG
MYNDSKREYTTI
ÚTVEGGINA!
— Slunkaríki sunnan við álverið var reist
honum Sóloni ísfirðingi til heiðurs
Slunkaríki???, — hvað í veröld-
inni er það? Jú, það er dálítill kofi,
sem stendur ofcin i gíg nokkrum í
hrauninu skammt fyrir sunnan ál-
verið í Straumsvík. Og saga þessa
kofa er alveg einstök.
Þannig var mál með vexti að ís-
firðingur nokkur, Sólon í Slunkaríki
í Króknum á ísafirði, kom fram með
þá kenningu að það væri ekki ann-
að en sjálfselska að allt skraut
heimilanna sneri inn á við þannig
að aðeins fáir gætu notið.
Og hann gerði meira, þvi hann
lét veggfóðra hús sitt að utan,
hengdi þar myndir og skreytti eins
og flestir aðrir gera innan dyra!!
Þegar Sólon var allur, það mun
hafa verið á 3. áratug aldarinnar, —
þá kom einhver vinur hans til skjal-
anna hér syðra. Hann reisti hús
samkvæmt kenningum síns sér-
vitra vinar suður í Straumsvíkur-
landi, Slunkaríki.
Þetta furðulega mannvirki var
að sjálfsögðu skreytt fagurlega, —
að utan, og hefur að sögn Þórunn-
ar Þórðardóttur hjá Ferðafélagi ís-
lands staðist furðuvel tímans tönn
um áratuga skeið.
Sérstakar ferðir eru famar til að
skoða Slunkaríki. Þann 8. ágúst er
kvöldferð þangað og um næsta ná-
grenni, sem hefur upp á margt
óvænt að bjóða.
Mannvirkið í Svartsengi og hluti Bláa lónsins.
HOLLUSTULIND
í BLÁA LÓNINU
Á Krísuvíkurhringnum er grá-
upplagt að doka við í Svartsengi.
Þcir er að sjá orkubúskap þeirra
Suðumesjamanna, sem afsönnuðu
allar hrakspár um gufubúskap,
sem fylgdu í kjölfar Kröfluævintýr-
isins. Þeir náðu þeim varma, sem
ætlast var til, en auk þess fram-
leiða þeir ósköpin öll af rafmagni í
tiHegg.
En þeima er e.t.v. ekki síður at-
hyglisvert fyrir ferðafólkið að
skoða baðaðstöðuna í Bláa Lón-
inu. Félag psoriasissjúklinga kom
upp aðstöðu til búningsskipta á
staðnum, en öllum er frjálst að
nota hana að okkur skilst, enda
gangi menn þá prúðmannlega um
staðinn, en því miður hafa ein-
hverjir „gesta“ ekki séð ástæðu til
þess.
Nú er hinsvegar risið lítið hótel
og veitingahús á staðnum.Bláa
Lónið heitir það, og þaðan er fylgst
með mannaferðum. I hótelinu þyk-
ir gott að dvelja og veitingar eru
með allra besta móti.
Baðvatnið í lóninu, sem mynd-
ast af útfalli frá virkjuninni er þægi-
lega volgt, en á botninum er kísil-
leðja, sem flestum þykir afskaplega
þægilegt að maka utan á sig.
Margir em þeir sem stunda lón-
ið reglulega og telja það ótvírætt til
heilsubótar. Ef svo er, þá er það
enn eitt tillegg Svartsengisvirkjun-
ar til betra mannlífs, og það ekki
lítið.
NESTI
TÁLKNAFIRÐI
Gisting í i og 2ja manna herbergjum.
Sundlaug og heitur pottur í nágrenninu.
Grillréttir og heitur matur frá 9—23:30.
Ol, tóbak og sælgæti.
Alls konar vörur í ferðanestið
gasfyllingar á prímusa.
HELGARPÓSTURINN 3