Helgarpósturinn - 30.08.1984, Blaðsíða 7
I
HVAÐ ER NÝTT Á
SKÓLABÓKAMARKAÐI
Fulltrúar forlaganna hafa orðið
Það er ótölulegur fjöldi bóka í
brúki í hinum ýmsu skólum landsins
eins og gefur að skilja. Stöðugt eru
gefnar út nýjar bækur en margar
verða þó ansi lífseigar. Þess eru
dæmi að grunnskólanemar séu að
lesa bækur í dag sem voru orðnar
úreltar fyrir tugum ára. Náms-
gagnastofnun er langstærsti bóka-
útgefandinn á skólamarkaðinum.
Sú stofnun þarf eins og svo margar
aðrar að búa við stöðugt fjársvelti
og gengur því illa að bæta úr brýn-
um skorti. Þegar svo eru teknar
djarfar ákvarðanir um myndarlegt
átak í ýmsum greinum er eins víst
að afturhaldsöflin rísi upp á aftur-
lappirnar, líkt og gerðist með sam-
félagsfræðina á s.l. vetri. Mörg
einkafyrirtæki berjast um fram-
haldsskólamarkaðinn, enda geta
skólabækur verið ærið feitir bitar;
nægir þar að nefna sígild rit eins og
Njálu. Kennarar í hinum ýmsu
.greinum hafa á síðari árum reynt að
hafa aukin áhrif á útgáfupólitíkina
og er það vel. Fagkennarafélögum
vex einnig stöðugt fiskur um hrygg
og þau hafa mörg hver tekið upp
samvinnu við útgáfufyrirtæki. Þessi
þróun er að mínu viti af hinu góða
og ætti í tímans rás að útrýma sér-
viskunni og stefnuleysinu sem um
of hefur markað skólabókaútgáfu á
liðnum árum.
HP hafði samband við ýmis bóka-
forlög og falaðist eftir fréttum um
nýjar bækur til skólanota.
Mál og menning
Silja Aðalsteinsdóttir var kampa-
kát yfir afrekum M&M á skólabóka-
sviðinu nú í haust; 5 bækur eru á
leiðinni. Fyrst nefndi hún afrakstur-
inn af smásagnasamkeppni Sam-
taka móðurmálskennara á s.l. ári.
Sá hluti sagnanna sem kemur út nú
á næstu dögum er einkum ætlaður
unglingum. Bókin ber heiti verð-
launasögu Olgu Guðrúnar Árna-
dóttur, Vertu ekki með svona blá
augu. Aðrir höfundar eru m.a. Jón
Dan, Ólafur Haukur, Andrés
Indriðason, Elías Snæland Jónsson
og Guðjón Sveinsson. Þessi bók ætti
að koma í góðar þarfir þar sem til-
finnanlegur skortur hefur verið á
vönduðu unglingaefni fyrir skól-
ana. Sögur úr sömu samkeppni ætl-
aðar börnum munu koma út næsta
haust.
Þá kemur út Líffræði fyrir fram-
haldsskóla. Bókin er eftir Englend-
inginn Colin Clegg og alls munu um
20 líffræðikennarar hafa unnið að
þýðingu bókarinnar, en ritstjórn
var í höndum tveggja líffræðinga og
eins íslenskumanns. Jarðfræði Þor-
leifs Einarssonar kannast margir
við. Sú bók kemur nú út í 5. útgáfu,
breytt og endurskoðuð. Eitt bók-
menntakver M&M bætist í safnið.
Það er eftir Silju Aðalsteinsdóttur
og fjallar um barnabækur og tekur
fyrir helstu greinar þeirra, s.s. ævin-
týri, dæmisögur, myndabækur,
teiknimyndasögur og skáldverk.
Kverið er í raun drög að námskeiði
í þessari bókmenntagrein. Að lok-
um nefndi Silja að Edda Snorra
Sturlusonar kæmi út í nýrri útgáfu
sem Heimir Pálsson hefur búið til
prentunar. Þessi útgáfa er liður í
stóraukinni kiljuútgáfu sem forlagið
er að hefja og bókin mun verða
mjög ódýr.
Bjallan
Fríða Haraldsdóttir tjáði okkur að
þær í Bjöllunni kæmu út með tvær
bækur í ár. Önnur er Þjóðlífsmynd-
ir, sem hefur að geyma myndir úr
gömlum ferðabókum og birtir
þannig menningarsögu þjóðarinnar
í hnotskurn. Árni Björnsson þjóð-
háttafræðingur samdi textann og
valdi myndir ásamt Halldóri Jóns-
syni Ijósmyndara Þjóðmynjasafns.
Þessi bók ætti að nýtast við kennslu
í samfélagsfræði, einkum í efri
bekkjum grunnskóla.
Þa gefur Bjallan út frægar drauga-
sögur sem Þorsteinn frá Hamri hef-
ur þýtt. Meðal höfunda eru H.G.
Wells, Bradbury og Edgar Allan
Poe. Þorsteinn bætir einnig við nýj-
um íslenskum draugasögum.
ísafold
Leó Löve tjáði okkur að forlagið
gæfi nú út tvær nýjar kennslubæk-
ur. Það er norsk stærðfræðibók
(Mathematikk 2MN) er Halla Björg
Baldursdóttir þýðir og Efnafræði
eftir þau Sigríði Theódórsdóttur og
Sigurgeir Jónsson sem bæði kenna
við MH. Þessar bækur eru báðar
ætlaðar til framhaldsskólanota.
Idunn
Sigurður Ragnarsson tjáði okkur
að forlagið gæfi nú út tvær nýjar
bækur til skólanota. Gagnavinnsla
og tölvukynni er ný bók eftir Stefán
Briem. Þetta er almennt rit fyrir
byrjendur í tölvunámi og það verð-
ur einkum notað í framhaldsskól-
um. Þá kemur 10. smáritið í ritröð
KHÍ og lðunnar. Það ber heitið
Nokkrar hugmyndir um móður-
málskennslu fyrir byrjendur og er
eftir Þóru Kristinsdóttur. Móður-
málskennurum ætti að verða feng-
ur í þessu riti sem sett er fram á
kennslufráeðilegan hátt.
Auk þessa mun vera nokkuð um
endurútgáfur hjá lðunni sem nú
státar af um 100 titlum námsbóka.
Idnskólaútgáfan
Þetta er vaxandi fyrirtæki sem
heldur hljótt hefur verið um á und-
anförnum árum en fékk byr undir
báða vængi"Við tilkomu fjölbrauta-
skólanna. Björn Bergsson, fráfar-
andi framkvæmdastjóri, sagði að
forlagið hefði nú þegar gefið út um
80—100 titla sem flestir væru fil sér-
hæfðra iðnskólanota en stöðugt
væri gefið út meira af bókum til
almennra framhaldsskólanota. Hér
á eftir fylgja þær helstu er Björn
nefndi:
Eðlisfræði eftir Kollerud og Myg-
land í þýðingu Sigurðar Guðna Sig-
urðssonar. Bókin er ætluð í
byrjunaráfanga í eðlisfræði og
henni fylgir tilraunakver. Ritgerðir
eftir þá Baldur Sigurðsson og
Hjálmar W. Árnason geymir fjölda
smárra ritæfinga og leiðbeiningar
um alls slags ritgerðasmíð, t.d.
heimildaritgerðir. Þessi bók er
einkum ætluð í byrjunaráfanga í
íslensku á framhaldsskólastigi.
Bókfærsla 102—103 eftir Bernharð
J. Kristinsson, Sigríði Bílddal og
Valdísi Tómasdóttur. Líffræði fyrir
byrjunaráfanga í framhaldsskólum
sem á ensku heitir Biology — a
modern introduction. Það eru líf-
fræðikennararnir Hannes Þor-
steinsson og Ólafur Hjörtur
Sigurjónsson sem þýða. Þa kemur
út bók um forritun á Apple tölvur
eftir Sigurð Richardsson og þrjár
stærðfræðibækur, 1. hefti, 2. hefti A
og 2. hefti B, sem allar eru eftir
Sigurð Guðna Sigurðsson
Námsgagnastofnun
Þessi stofnun gefur að sjálfsögðu
út fjölda bóka í ár sem endranær
þótt flestir geti verið sammála um
að gera þurfi mun betur við þá
stofnun ef allt námsefni á að stand-
ast kröfur tímans. Ragnar Gíslason
vildi einkum nefna tvær nýútkomn-
ar bækur sem ættu að vekja áhuga
almennings. Önnur heitir Lífið fyrir
fæðingu og er unnið upp úr sam-
nefndum skyggnuflokki sem
Breska náttúrufræðisafnið lét gera.
Hrólfur Kjartansson og Stefán H.
Brynjólfsson þýddu bókina. Lífið
fyrir fæðingu er litprentuð og í
handhægu broti, alls 48 síður. Bók-
in nýtist bæði skólanemum og al-
menningi og á erindi til allra þeirra
sem vilja vita hvað gerist þegar fóst-
ur vex og þroskast og verður að full-
burða barni. Hin bókin heitir Mats-
atriði, nánismat og áhrif þess og er
eftir Derek Rowntree. Stefán Jök-
ulsson íslenskaði. Bókin er einkum
ætluð kennurum og kennaranem-
um en á erindi til alls áhugafólks um
uppeldis- og skólamál, enda varpar
höfundur fram mörgum áleitnum
spurningum varðandi nám og
kennslu.
Forlagið
Það er hið nýja forlag Jóhanns
Páls Valdimarssonar sem ber hið
látlausa nafn hér að ofan. Jóhann
Páll tjáði HP að Forlagið væri með
tvær bækur til skólanota. Á næstu
dögum er væntanleg skólaútgáfa af
Önnu frá Stóruborg eftir Jón
Trausta, með formála, ritaskrá, ætt-
artöflum, tímatali og orðskýring-
um. Það eru þær G. Svandís Sig-
valdadóttir og Heiðdís Þorsteins-
dóttir sem sáu um útgáfuná. Þær
tóku einnig saman kennsluhefti fyr-
ir kennara, þar sem fjallað er um
söguna, gerðar uppástungur um
verkefni o.fl. Áætlað er að Anna frá
Stóruborg verði eitt þeirra verka
sem nemendur í 9. bekk geti valið
að lesa.
Um áramót er síðan væntanleg
fornbókmenntasaga eftir Heimi
Pálsson. Heimir hefur áður gefið út
bókmenntasögu frá siðaskiptum til
nútímans, Strauma og stefnur og
fornbókmenntasagan mun ná til
siðaskipta. Þannig hefur Heimir full-
komnað verk sitt.
Allt
til
skólans
Bókabúð Fossvogs
Efstalandi 26, s. 686145
HELGARPÓSTURINN 19