Helgarpósturinn - 15.11.1984, Blaðsíða 2

Engar ákvarðanir frá ríkisstjórninni
Engar ákvarðanir hafa enn borist frá ríkisstjórninni um
aðgerðir í efnahagsmálum. Stefnuræðu forsætisráðherra
á þingi sem flytja átti i dag hefur verið f restað um óákveðinn
tíma og jafnf ramt hefur fjárlagaræðu fjármálaráðherra ver-
ið fresta. Ákvörðun um gengisfellingu vofir nú yfir og er tal-
ið að vænta megi hennar í kringum helgina.
BSRB-samningar samþykktir
Um 64% þeirra sem þátt tóku í atkvæðagreiðslu BSRB
samþykktu nýgerðan kjarasamning við ríkið. Kosninga-
þátttakan varð tæp 82%.
Sjómenn vilja launahækkun
Á sjómannaþingi er lauk um helgina var samþykkt ein-
róma að krefjast tvöfalt hærri kauptryggingar en er í dag.
Síldin bjargar í Eyjum
Mikil síldarsöltun hefur verið undanfarið í Vestmanna-
eyjum. Mikið atvinnuleysi hefur verið undanfarið í bænum
en þegar síldin kom skyndilega svamlandi nánast upp í
fjöru gjörbreyttist ástandið og listi yfir atvinnulausa tæmd-
ist. Er sögð ríkja mikil síldarstemmning í Vestmannaeyjum
um þessar mundir.
Spenna fyrir flokksþing
Flokksþing Alþýðuflokksins verður haldið um næstu
helgi. Mikil spenna ríkir meðal flokksmanna vegna for-
mannskjörs. Formaðurinn, Kjartan Jóhannsson, sækir
endurkjör en Jón Baldvin Hannibalsson er einnig i kjöri til
formanns. Magnús H. Magnússon núverandi varaformaður
gefur ekki kost á sér áfram og í það embætti býður Jóhanna
Sigurðardóttir sig fram.
Meiri loðna
Stækkun loðnukvótans, sem ákveðin var um seinustu
helgi, er talin geta skilað þjóðarbúinu allt að 600 milljóna
króna aukningu í útflutningsverðmætum.
Flugleiðir fá undanþágu
Flugmálayfirvöld og samgönguráðuneyti Bandaríkjanna,
hafa óformlega veitt Flugleiðum undanþágu frá nýjum regl-
um um hávaðamengun flugvóla, sem ganga eiga í gildi í
Bandaríkjunum um næstu áramót. Er talið að formlega fá-
ist þetta staðfest innan skamms.
Kröfluvirkjun enn til vandræða
Til stendur að Landsvirkjun kaupi Kröfluvirkjun. Hún er
nú eign ríkis og sér RARIK um reksturinn en talið er að ef
hún verði keypt á kostnaðarverði, 3.000 milljónir, muni
rafmagnsverð i landinu þurfa að hækka um nálægt 25%.
Framfærsluvísitala hækkar
í yfirliti sem viðskiptaráðherra lagði fram i siðustu viku
kemur fram að á fyrstu 9 mán. þessa árs hækkaði fram-
færsluvísitalan um 11%. Þeir liðir hennar sem háðir eru
verðlagsákvæðum hækkuðu um 12% en aðrir um 9%.
Fiskiþing
Miklar umræður urðu á fiskiþingi fyrir síðustu helgi. Var
m.a. deilt um leiðir i stjórnun fiskveiða og lögðu nokkrir
fulltrúar á þinginu til að aflamarksleiðin yrði farin. Var
hún samþykkja með 14 greiddum atkvæðum en aðrir sátu
hjá. Einnig var samþykkt að leggja til að hámarksafli á
þorski á næsta ári yrði 270.000 lestir.
Valda sólarlampar húökrabba?
Bjarki Magnússon meinafræðingur hefur unnið að at-
hugunum á tíðni og ástæðum aukningar á húðkrabbameini
á undanförnum árum. Hafa vaknað upp spurningar hvort
einhverjar ástæður þessarar aukningar megi rekja til auk-
innar notkunar sólarlampa undanfarið. r
Lá vifl flugslysi?
Þær fréttir hafa borist frá Noregi að fyrir nokkru hafi
legið við að DC-9 þota SAS-flugfélagsins og þota frá Flugleið-
um rækjust saman í lofti yfir Osló. Er enn allt á huldu um
hvort svo hefur raunverulega verið og af hvaða ástæðum.
Hafa talsmenn Flugleiða fordæmt fréttaflutning norskra
blaða af málinu.
Færri en dýrari bækur í ár
í ár munu um 100 færri bækur koma út en komu á mark-
að síðastliðin3 ár. Verð bókanna hækkarum 10—15% milli
ára og verður meðalverð hverrar bókar á bilinu 600—800 1
krónur.
Fréttamolar
• Tollverðir í Reykjavík hafa fundið mikið smygl i togar-
anum Arinbirni RE 54 er hann kom úr söluferð frá Cux-
haven. Meðal góssins voru 830 flöskur af víni.
• Samkvæmt skýrslum útlendingaeftirlitsins komu til
landsins í október 7.913 farþegar, sem eru nokkru færra en
á sama tíma í fyrra.
• Bandarískir bílaframleiðendur vilja fjárfesta fyrir 12
milljónir dollara í bílaverksmiðju hér á landi. Loraine-verk-
smiðjan sem hér um ræðir er nú gjaldþrota en einhverjir
aðilar þykjast ætla að rífa fyrirtækið upp á ný.
• Ríó-tríó kom fram á Broadway um síðustu helgi eftir
langt hlé og mun skemmta borgarbúum og öðrum um helg-
ar eitthvað fram eftir vetri.
• Allir flokkar á þingi hafa endurflutt frumvarp um end-
urmat á störfum láglaunahópa.
• Alþýðubandalagið heldur flokksráðsfund um næstu
helgi. Það er æðsta stofnun flokksins milli landsfunda.
• Islenskir námsmenn í París hafa sent frá sér mótmæli
vegna lánamála námsmanna og segja að bankastjórar eigi
ekki að ráða því hverjir stunda nám í framtíðinni.
• 50 þús. manns hafa séð kvikmyndina Dalalíf
íþróttir
Ómar Ragnarsson hefur hlotið íslandsmeistaratitilinn í
ralli í ár.
Wales sigraði ísland
Landslið Wales sigraði íslenska landsliðið í knattspyrnu
2—1 á Ninan Park i Cardiff, Englandi, í landsleik sem leik-
inn var sl. miðvikudagskvöld. Pétur Pétursson skoraði eina
mark íslands í síðari hálfleik. Landsleikurinn var liður í
Heimsmeistarakeppninni í knattspyrnu.
FRETTAPOSTUR
ItMDtiESTUnE
Öryggisins vegna!
Nú eru fyrirliggjandi hjá hjólbarðasölum um land allt
Bridgestone radial og diagonal vetrarhjólbarðar.
Sérlega hagstætt verd.
BÍLABORG HF
Smiðshöföa 23 sími 812 99
Hér sést Jón Þorsteinsson lögfræðingur og kunnur
skákmaður óska Guðlaugi til hamingju með tímamótin.
Af
sextugsafmæli
sáttasemjarans
Fjölmargir félagar úr öllum herbúðum vinnumarkaðarins mættu
í veisluna ásamt öðrum kunningjum Guðlaugs. Var ekki að sjá annað en vel
færi á með mönnum og allt launaþjark væri víðs fjarri, svo sem vera ber
við slík tækifæri.
★ Það var margt um manninn
í veitingahúsinu Hrafninum í
Skipholti sunnudaginn 11. nóv.
sl. þegar Guðlaugur
Þorvaldsson ríkissáttasemjari
hélt þar síðdegis upp á
sextugsafmæli sitt. Að vísu er
afmælisdagur Guðlaugs í
október, en öllum ætti að vera
kunnugt hvað hann þurfti þá
að fást við. Nú hefur
verkfallsöldur lægt og
samningar eru í höfn svo að í
herbúðum samningamanna
hafa menn slíðrað sverðin og
gátu því af stakri friðsemd glatt
sáttasemjarann í tilefni
afmælisins. Voru það og ekki
eingöngu vinir og kunningjar af
kjaramálavettvanginum sem
mættu til veislunnar heldur bar
fjölda annarra gesta að garði
svo sem meðfylgjandi myndir
Jims Ijósmyndara HP bera með
sér.tir
2 HELGARPÓSTURINN