Helgarpósturinn - 22.11.1984, Blaðsíða 2
FRÉTTAPÖSTUR
Gengið fellt.
Ríkisstjórnin samþykkti sl. mánudag að fella meðalgengi is-
lensku krónunnar um 12% miðað við skráö gengi á föstudag. í til-
kynningu Seðlabankans segir að meginástæða þessa sé hin mikla
hækkun launakostnaðar að undanförnu. Farið var að gæta ört vax-
andi eftirspurnar eftir gjaldeyri og annarrar spákaupmennsku svo
ekki var talið unnt að halda uppi eðiilegum gjaldeyrisviðskiptum
að óbreyttu gengi.
Hörð viðbrögð við gengisfalli.
Forystumenn verkalýðshreyfingarinnar og samtaka launafólks
hafa brugðist hart við gengisfellingunni. Hefur miðstjórn ASÍ for-
I dæmt málflutning þann sem forsvarsmenn gengisfellingarinnar
* hafa haldið uppi til rökstuðnings henni og formaður BSRB segir
■ hana vera óhæfuverk. Þingmenn stjórnarandstöðunnar héldu og
uppi harðorðri gagnrýni á fundi sameinaðs þings á þriðjudag.
Áhrif gengisfellingarinnar.
Á aðalfundi LÍÚ sem hófst í gær kom fram í máli Kristjáns Ragn-
arssonar formanns að gengisfellingin væri ekki nægileg til að hafa
áhrif á rekstrarstöðu útgerðarinnar. í fljótu bragði áætlar Kristján
að skuldir hækki um 800 til 1000 milljónir vegna gengisfellingar-
innar. Meðal annarra áhrifa hennar hefur verið talið að skuldir
Hitaveitu Borgarfjarðar og Akraness hækki um 160 milljónir. Að
mati hagfræðings VSÍ má búast við að verðbólga fari yfir 40% á
næstu mánuðum en fari siöan aftur lækkandi.
Ný forysta Alþýðuflokks.
Á flokksþingi Alþýðuflokksins um seinustu helgi var Jón Bald-
vin Hannibalsson kjörinn formaður í stað Kjartans Jóhannssonar
og hlaut hann 142 atkvæði en Kjartan 92. Jóhanna Sigurðardóttir
var kjörin' vara.formaður flokksins.
Fangar brjótast út.
Mikil leit var gerð sl. mánudag að fjórum strokuföngum af betrun-
arheimilinu Kvíabryggju. Fljótlega gaf einn þeirra sig þó fram við
lögregluna i Reykjavík og voru hinir handsamaðir skömmu síðar.
Loðnan veiðist vel.
Mikil loðnuveiði hefur verið undanfarið fyrir austan land. Jakob
Jakobsson fiskifræöingur segir ástæðuna sennilega vera þá að
loðnan hafi vaxið vel í sumar vegna óvenjulegra aðstæðna í sjónum
og sé því fyrr á ferðinni en venja er á þessum árstíma.
Uppsagnir kennara.
• NT hefur gert könnun á því hve margir kennarar við grunnskóla
Reykjavíkur ætla að senda inn uppsagnarbréf. 70% þeirra sem af-
I stöðu tóku í könnuninni hafa ákveðið að senda inn uppsagnarbréf
• fyrir 25. nóv.
Flokksráðsfundur Alþýðubandalags.
Um seinustu helgi var flokksráðsfundur Alþýðubandalagsins
haldinn og var m.a. kjörið í miðstjórn flokksins. Komust konur þar
i meirihluta eftir kjörið.
Meiri þorskafli.
Á aðalfundi LÍÚ kynnti Halldór Ásgrímsson hugmyndir um að
leyfður hámarksafli á þorski á næsta ári yrði 260 þús. lestir. Það
er verulega meira magn en Hafrannsóknastofnun hefur mælt með.
Eldur i togara.
Á þriðjudagskvöld kviknaði í togaranum Gídeón VE 104 þar sem
hann var staddur 6 sjómílur vestur af Portland. Mannbjörg varð,
en skipið er míkið skemmt og viðgerð talin vara a.m.k. 6 mánuði.
Kynferðisafbrot að aukast?
Um helgina voru tvær nauðganir kærðar til Rannsóknarlögreglu
ríkisins og tilraun var gerð til hinnar þriðju en þeirri ungu stúlku
sem fyrir henni varð tókst að komast undan árásarmanninum.
Fréttamolar.
• Bandalag jafnaðarmanna greiddi atkvæðl með álsamningnum á
Alþingi í vikunni.
• Borgarráð hefur mælt með lóðum i Vatnsmýrinni, í Öskjuhlíö og
í Laugardal, sem koma til greina fyrir bygglngu nýs tónlistarhúss
í Reykjavík.
• Herra Pétur Sigurgeirsson biskup og kona hans, frú Sólveig Ás-
geirsdóttir, hafa verið boðin til Póllands. Um sama leyti mun Hjálp-
arstofnun kirkjunnar dreifa um 20 tonnum af síld i landinu.
• Forsætisráðherra hefur skýrt frá hugmynd um að breyta Fram-
kvæmdastofnun og gera hana að þróunarstofnun.
• Ráðstefnur hafa staðið nú í vikunni um fjármál og hlutverk
sveitarfélaga í atvinnulífinu. Þar hefur m.a. komið fram að hagur
sveitarfélaga hefur vænkast nokkuð á þessu ári.
• Bankamenn undirrituðu kjarasamning á mánudagskvöld upp á
24% launahækkun.
• Félag starfsfólks í veitingahúsum hefur fellt nýgerða kjara-
samninga.
• Kvenréttindafélag íslands hefur skipt um skoðun á málum er
varða skattlagningu hjóna.
I íþróttir.
* íslenska karlasveitin er nú komin í eitt af efstu sætunum á
, Ólympíuskákmótinu.
FH er í fyrsta sætl i 1. deild íslandsmótsins í handknattleik.
( Andlát.
Haraldur Á. Slgurðsson leikari er látinn. Haraldur varð 82 ára
I gamall.
2 HELGARPÓSTURINN
Borgin vakin
til lífs
★ Gamla góða Borgar-
stemmningin verður vakin til
lífs í vetur. Orator, félag laga-
nema við Háskóla Islands,
hefur gert samning við eig-
endur hótelsins um samvinnu
um dansleikjahald frá
síðustu helgi allt fram til
fyrsta apríl á næsta ári. Þetta
framtak laganemanna er ætlað
til fjáröflunar Norræna laga-
nemamótsins, sem næst fellur í
hlut Islendinga að halda, en
mótið hefur verið fastur liður í
starfi norrænna laganema allar
götur síðan 1918.
Forráðamenn Orators segja
HP að líkast til eigi þessar
skemmtanir eftir að höfða mest
til háskólafólks og annarra á
framhaldsskólastigi, rétt eins
og var þegar Borgin var upp á
sitt besta fyrir fáeinum miss-
erum. Þeir benda ennfremur á
að undirtektir annarra deilda í
Hi og nemenda ýmissa sér-
skóla borgarinnar séu afar
góðar við þessu framtaki og sé
orðið nokkuð Ijóst að allir ætli
að leggja sitt af mörkum við að
gera Borgina að þeim sjarmör
sem hún var í skemmtanalífinu.
Orator leigir Borgina á föstu-
dags- og laugardagskvöldum
og verður miðaverð bundið við
rúllugjald. Diskótekið Dísa
hefur verið fengið til að annast
tónlistarflutning, þið vitið; lög
eins og Lóla og aðra ópusa
hússins. . .☆
FULL
VERÐ-
TRYGGING
SPARISKÍRTEINI RÍKISSJÓÐS
• FYRIRHAFNARLAUS
• ÁN ALLRAR ÁHÆTTU
•8%FASTIRVEXTIR
•RÍKULEG ÁVÖXTUN
Með spariskírteinum í 3. flokki 1984 sem
nú eru til sölu býður Ríkissjóður betri
ávöxtun en flestir aðrir á markaðinum.
KYNNIÐ YKKUR VEL
KJÖR SPARISKÍRTEINA ,
RÍKISSJÓÐUR ÍSLANDS t