Helgarpósturinn - 29.11.1984, Blaðsíða 5
Sex sovéskar
í Regnboganum
Sovéska sendiráðið í Reykjavík er
ólatt við að sýna okkur kvikmyndir
sínar að austan. Sovésk kvikmynda-
vika í borginni hefur verið árlegur
viðburður í rúman áratug og næst-
komandi laugardag verður ellefta
festivalið sett í Regnboganum við
Hverfisgötu. Á hátíðinni verða
sýndar sex um margt ólíkar myndir,
nema að því leyti að allar eru þær
nýjar og hafa hlotið almennt lof
gagnrýnenda.
Fyrst er til að taka kvikmyndina
,,Anna Pavlova" sem fjallar um
þessa heimsfrægu rússnesku baller-
ínu sem lést 1931, aðeins fimmtug
að aldri. Þetta verk leikstjórans
Emil Lotianu mun vera miklu víð-
tækara en rammi hefðbundinnar
ævisögu. Sjálfur segir leikstjórinn:
„Anna Pavlova er hetja. Örlög
hennar eru lík sögu um mannlegt
hugrekki. Hetjulund í listinni er mér
að skapi.“ Síðastliðið haust fékk
þessi kvikmynd ein af aðalverð-
laununum á kvikmyndahátíðinni í
Oxford.
Kvikmyndin ,,Vassa“ er gerð eftir
sígildu leikriti Gorkís, „Vassa
Zheleznova". Leikstjóri myndar-
innar, Gleb Panfilov, á að baki
margt ágætra og sumt frábærra
Úr „Stríðssögu".
verka þar sem hann brýtur kven-
ímyndina til mergjar, og er myndin
„Vassa“ þar engin undantekning.
,,Vassa“ er kvikmynd tekin með
glæsibrag, sígild og þaulhugsuð
samsetning," segir gagnrýnandi
franska blaðsins „Coutien de Paris".
Eldar Rjazanov gerir kvikmynd
upp úr öðru sígildu rússnesku bók-
menntaverki, „Án heimanmundar"
eftir Alexej Ostrovskí, einn mesta
leikritahöfund Rússa á nítjándu öld.
Rjazanov nefnir þessa mynd sína
„Grimmilegur mansöngur" og ef
tekið er mið af þema verksins, sam-
spili góðs og ills, ástar og kulda,
ómældrar gleði og hörmulegra ör-
laga, þá er það heiti réttnefni.
Kvikmyndin „Óskastundin", sem
er eftir einn elsta leikstjóra Sovét-
ríkjanna, Júlí Raizman, gerist á okk-
ar dögum. Þar eru á ferðinni vanda-
Atriði úr „Óskastundin".
mál sem persónur samtímans takast
á við. Konuna í aðalhlutverki mynd-
arinnar ættu íslendingar að þekkja
úr titilhlutverki myndarinnar
„Moskva trúir ekki tárum“, en aðal-
karlhlutverkið er i höndum Anatólí
Papanov, sem með réttu má segja
að sé meða! eftirlætisleikara sov-
éskra áhorfenda um þessar mundir.
„Stríðssaga" er saga úr síðari
heimsstyrjöldinni, gerð af Pjotr
Todorovskí, en þráður frásagnar-
innar nær fram á sjötta áratuginn.
Nafn kvikmyndarinnar „Snúið
„Grimmilegur
mansöngur".
heim úr geimnum" segir allt um efni
þeirrar myndar. Hún fjallar um
geiminn, þó ekki um neitt stjörnu-
stríð eða verur utan úr geimnum
eins og Vesturlandabúa væri von og
vísa, heldur eru söguhetjurnar
venjulegir geimfarar sem vinna
mánuðum saman fyrir ofan jarðar-
tetrið, svo sem við fáum að heyra í
fréttum annarslagið.
Þetta eru þær sex kvikmyndir
sem eru á hátíðinni að þessu sinni.
Hún byrjar sem fyrr segir á laugar-
dag, og lýkur annan föstudag.
r§:BlJNAÐARBÁNKl
Vfy ÍSLANDS
Heiðraði viðskiptavinur.
Nýja bókin okkar heitir á einföldu íslenzku máli
SPARIBÓK
með séwöxhm
Hún á að fullnægja þörfum þeirra, sem vilja hafa
vaðið fyrir neðan sig. Þetta er bók sem hentar
þeim, sem ætla að spara til langs tíma, en vilja
þó hafa aðgang að fé sínu fyrirvaralaust.
Þessi bók gefur hærri ávöxtun því lengur sem
innstæðan er óhreyfð eða allt að 28?ó á ári.
í bókina er skráð innstæða og vextir, hér þarf
ekki stofnskírteini eða vfirlit. Hún kemur
samt ekki í stað gömlu góðu almennu sparisjóðs-
bókarinnar, en sameinar ýmsa kosti hennar
annars vegar og bundinna reikninga hins vegar.
Þetta er einfalt kerfi og vel skiljanlegt og
þarfnast ekki upphrópana.
Verið velkomin í afgreiðslustaði bankans til
að kynna ykkur þessa nýju sparibók og aðrar
sparnaðarleiðir Búnaðarbankans. Við teljum,
að bankinn geti nú sinnt hinum margvíslegu
þörfum viðskiptamanna með beztu ávöxtun
sparifjár.
BÚNAÐARBANKI ÍSLANDS
<
2
Nýr þáttur hvern fimmtudag
HELGARPÓSTURINN 5