Helgarpósturinn - 21.02.1985, Blaðsíða 10

HP
HELGARPÓSTURINN
Ritstjóri:
Ingólfur Margeirsson
Ritstjórnarfulltrúi:
Hallgrímur Thorsteinsson
Blaðamenn: Jóhanna
Sveinsdóttir, Sigmundur Ernir
Rúnarsson, Halldór Halldórsson
og Edda Andrésdóttir
Útlit: Elín Edda
Ljósmyndir: Jim Smart
Handrit og prófarkir:
Magnea Matthíasdóttir
Útgefandi: Goðgá h/f
Framkvæmdastjóri:
Hákon Hákonarson
Auglýsingar:
Steinþór Ólafsson
Innheimta:
Garðar Jensson
Afgreiösla: Ásdís Bragadóttir
Ritstjórn og auglýsingar eru
að Ármúla 36, Reykjavlk, sími
8-15-11. Afgreiðsla og skrifstofa
eru að Ármúla 36.
Sími 8-15-11
Setning og umbrot:
Leturval s/f
Prentun: Blaðaprent h/f
Góður standard
Efnameira fólk sem tekið er
að reskjast hefur tekið sig sam-
an og stofnað hlutafélag sem
nefnist Breiðablik um byggingu
glæsilegs fjölbýlishúss.
Helgarpósturinn skýrir frá
þessari nýjung I byggingarmál-
um þjóðarinnar I ítarlegri grein
í þessu tölublaði. í sambýli
þessara eldri heldri borgara er
að finna 34 íbúðir sem hver og
ein er 130 fermetrar að stærð.
Þarna verður einnig fjölbreytt
þjónusta í sameigninni.
Það nýstárlega við þessa
sameign er, að íbúarnir greiða
hana fullkomlega án nokkurra
styrkja eða fyrirgreiðslu frá
hinu opinbera. HP upplýsir I
dag, að greiðslubyrði íbúanna
sé um 80 þúsund krónur á mán-
uði auk þess sem þeir munu
greiða fyrir alla þjónustu I sam-
eigninni í framtíðinni þannig að
hún standi undir sér fjárhags-
lega. íbúðirnar verða fokheldar
I sumar og er áætlað að allur
hópurinn sem að byggingunni
stendur, flytji inn fyrir árslok
1986. Þetta byggingareinkafyr-
irtæki hefur farið hljótt. Leyndin
var slík að þegar HP hringdi í
einstaklinga þá sem að íbúðun-
um standa, neituðu allir sem
einn að láta hafa neitt eftir sér
undir nafni.
En hópurinn er ekki nafnlaus.
HP birtir lista yfir 29 nöfn sem
að Breiðabliki standa og verða
þetta fyrstu íbúar ellihallar
einkaframtaksins. Það liggur í
augum uppi, að ekki getur
hvaða ellilífeyrisþegi sem er
eytt ævikvöldinu á þann hátt
sem umræddur hópur mun
gera. Hér er um að ræða sam-
fylkingu hinna ríkustu, „að fólk
njóti efri áranna eins og fólk
hefur notið lífsins hingað til.
Meiningin er að lifa áfram í góð-
um standard," eins og einn við-
mælenda HP kemst að orði í
blaðinu í dag. Breiðablik verður
fyrsta íbúðarhúsið á islandi
sem sækir fyrirmynd sína til
íbúðarhótela Bandaríkjanna
hvað íburð og þjónustu snertir.
Gamla fólkið á skilið að-
hlynningu, þjónustu, mann-
sæmandi húsnæði og góða að-
stöðu í ellinni. En það skýtur
skökku við, að lítill hópur fjár-
sterkra aðila rjúfi sig gjörsam-
lega frá samneyslunni og reisi
einkahöll fyrir eigið fé syðst í
Kringlunni í Reykjavík. Þetta
fólk er rjóminn af verðbólgu-
kynslóðinni, sem fékk húsnæði
sitt á gjafakjörum og hefur
komið fjármunum sínum vel
fyrir. Á sama tíma berjast hús-
byggjendur í dag við verð-
tryggð lán og svikula loforða-
pólitík ráðamanna. Hvað verð-
ur um þá og þeirra börn? Eða
allan þann fjölda eldri þorgara
sem hvorki hefur bolmagn til
að stofna einkafyrirtæki um
ævikvöldið né nýtur skilnings
eða fyrirgreiðslu hins opinbera.
Það fólk hefur aldrei, né mun
sennilega nokkurn tíma „lifa í
góðum standard".
BRÍF TIL RITSTJORNAR
Fréttafalsanir
leiðréttar
Ingólfur,
skelfing þykir mér leiðinlegt að
þið HP-menn skulið hafa gert ykkur
seka um grófar falsanir í viðtali Sig-
mundar Ernis við Ámunda
Ámundason í seinustu viku. Stað-
reyndirnar tala samt sínu máli, og
segja ljóta sögu:
I seinustu viku auglýstuð þið þrá-
faldlega í útvarpi viðtal við „fram-
kvæmdastjóra" Alþýðuflokksins.
í inngangi viðtalsins kynnir Sig-
mundur Ernir Rúnarsson Ámunda
sem „framkvæmdastjóra" Alþýðu-
flokksins — og það í tvígang.
í texta viðtalsins er Ámunda lagt
í munn alls 6 sinnum, að hann gang-
ist við því að vera nýráðinn „fram-
kvæmdastjóri" Alþýðuflokksins.
í hvert einasta skipti er um að
ræða hreina og klára fölsun blaða-
mannsins.
Staðreyndirnar eru þessar:
(1) í símtali við undirritaðan (kl.
23:10 þriðjudagskvöld) segist
blaðamaður HP hafa fengið
upphringingu frá meðlimi
framkvæmdastjórnar Alþýðu-
flokksins, sem vildi _ „leka“
þeirri frétt, að Ámundi
Ámundason hefði verið „ráð-
inn framkvæmdastjóri Alþýðu-
flokksins í stað Kristínar Guð-
mundsdóttur". Blaðamaður
segir það hafa verið kveikjuna
að viðtalinu.
(2) Miðvikudagskvöld 13. feb.
hringir blaðamaður í Ámunda,
þar sem hann er staddur á fundi
í Glaðheimum, Vogum á Vatns-
leysuströnd, og spyr ÁÁ hvort
rétt sé, að hann sé orðinn fram-
kvæmdastjóri Alþýðuflokks-
ins.
{ vitna viðurvist svarar ÁÁ
að það sé rangt. Starf fram-
kvæmdastjóra hafi verið lagt
niður, en hann hafi verið ráð-
inn útbreiðslustjóri.
Þar með var það leiðrétt.
(3) Undirritaður hefur nú hlustað
á segulbandsupptöku af viðtal-
inu (einnig í vitna viðurvist).
Upptakan leiðir óvefengjan-
lega í ljós, að alls staðar, þar
sem orðið „framkvæmda-
stjóri" kemur fyrir í hinum
birta texta viðtalsins, hefur það
verið falsað. Á segulbandsupp-
tökunni er talað um „út-
breiðslustjóra", „ráðningu",
„starf“, „embætti" o.s.frv. Orð-
ið „framkvæmdastjóri" heyrist
ekki af vörum ÁÁ allt viðtalið
á enda.
í öllum tilvikum er það
blaðamaðurinn sem setur orð-
ið „framkvæmdastjóri" í stað
annarra orða, og falsar þar
með viðtalið út í gegn. Þar
með er blaðamaðurinn að
leggja ÁÁ orð í munn, en ekki
að hafa eftir honum, sem við-
tal, tekið á segulband, snýst
um.
(3) Viðleitni blaðamannsins til að
koma höggi á viðmælanda
sinn, sýna hann í spaugilegu
ljósi, er ljós af fleiri dæmum.
Þegar ÁÁ talar (á segulband-
inu) um aðsókn á „öllum okkar
fundum" breytist það í: „hjá
okkur Jóni". Þegar ÁÁ segir
„við“ (við alþýðuflokksmenn,
eins og ljóst er af samhenginu)
breytist það í „við Jón“. Þegar
ÁÁ segir: „Okkur vantar bara
tíma“ — skýtur blm. Jóni inn í,
og virðist ekki kunna að fall-
beygja algengasta mannsnafn á
íslandi.
Annað er eftir þessu. Blaðamað-
urinn bætir inn í á nokkrum stöðum
hvers kyns kauðsku (sem ekki heyr-
ist á segulbandsupptökunni) til þess
að koma höggi á viðmælanda sinn.
Hann sleppir hins vegar skárstu
pörtunum úr viðtalinu — og er það
trúlega gert í Ijósi „fréttamats"
blaðamanns eða ritstjórnar.
Fórnarlamb þessarar „frétta-
mennsku" sá ekki viðtalið fyrr en í
blaðinu fullprentuðu kl. 16:00 síð-
degis á fimmtudag. Þá var skaðinn
skeður — ef fórnarlambið skirrðist,
við að gera þá kröfu, að upplagi
blaðsins yrði fleygt, sem þó hefði
verið verðugt eins og með hverja
aðra skemmda vöru.
í inngangsorðum blaðamannsins
tekst honum að koma fyrir þreföld-
um ósannindum í tveimur setning-
um. Mega lesendur Helgarpóstsins
hafa það sem sannara reynist: Það
er þetta:
(1) Framkvæmdastjórn Alþýðu-
flokksins samþykkti sunnu-
daginn 10. feb. (ekki á þriðju-
dag) að ráða ÁÁ sem út-
breiðslufulltrúa — ekki fram-
kvæmdastjóra. Samningurinn
er til 5 mánaða til reynslu, og
sama gildir um öll þau störf
sem ráðið var í. Helstu verk-
efni hans eru: Undirbúningur
og skipulagning funda, stjórn á
happdrætti og öflun auglýs-
inga fyrir svokölluð „þema-
blöð“.
(2) ÁÁ tekur ekki við starfi Krist-
ínar Guðmundsdóttur. Skv.
samþykkt framkvæmdastjórn-
ar var það lagt niður.
(3) KG var ekki „sparkað úremb-
ættinu af nýjum formanni
flokksins, JBH“ (orð blm. HP).
í framkvæmdastjórn Alþýðu-
flokksins eiga sæti 11 einstakl-
ingar. Tillaga um að leggja
starf framkvæmdastjóra niður
og um nýjar mannaráðningar
og verkaskiptingu starfsmanna
var lögð fram af 3ja manna
framkvæmdaráði (sem for-
maður á ekki sæti í) og sam-
þykkt mótatkvæðalaust af
framkvæmdastjórn. (2 stjórn-
armanna lýstu sérstöðu með
bókun.)
Þannig er allt á sömu bókina lært
hjá blm. Helgarpóstsins. Hann fer
rangt með allar staðreyndir, sem
máli skipta.
Hafi tilgangur Helgarpóstsins
verið sá að koma höggi á viðmæl-
anda sinn, efna til úlfúðar milli sam-
herja, gera lítið úr merkilegu póli-
tísku starfi og selja Helgarpóstinn —
þá hefur það sýnilega tekist.
En það hefur tekist á kostnað
heiðarleika í mannlegum samskipt-
um og grundvallaratriða í ærlegri
blaðamennsku. Það hryggir mig.
Ég lifi í þeirri von, Ingólfur, að þú
reynist maður til að biðja fórnar-
lamb þessarar blaðamennsku afsök-
unar, sem og alþýðuflokksfólk, sem
Helgarpósturinn fiutti ósannindi ,í
stað staðreynda um mannaráðning-
ar á vegum flokksins.
Reykjavík, 19. feb.
Jón Baldvin
(fyrrum riddari Hringbordsins).
Fórnarlömb
Amunda
Jón Baldvin (fyrrum riddari
Hringborösins)!
Spurningin er: Hver er fórnar-
lamb hvers? Þú sakar Helgarpóstinn
um fréttafalsanir og óheiðarleik.
Það eru alvarlegar ásakanir. Og
þeim ber vitaskuld að svara.
Lítum nánar á ákæruatriðin þín.
1) Það er rétt að við fengum
ábendingu frá háttsettum alþýðu-
flokksmanni að Ámundi hefði verið
ráðinn framkvæmdastjóri Alþýðu-
flokksins. Að sjálfsögðu fannst okk-
ur þetta forvitnileg frétt og höfðum
tal af Ámunda Ámundasyni.
2) Það er einnig rétt að Ámundi
var staddur á fundi í Glaðheimum,
Vogum á Vatnsleysuströnd, þegar
HP náði af honum tali. Blaðamaður
segir Ámunda hafa sagt að hið nýja
starfsheiti hans væri útbreiðslu-
stjóri. Þegar blaðamaður spurði
Ámunda hvort útbreiðslustjórastarf-
ið væri það sama og framkvæmda-
stjórastarf, sagði Ámundi að hann
ætti erfitt með að tala í símann,
vegna þess að það væri mannmargt
í kringum hann. Hann samþykkti
hins vegar að koma á ritstjórn HP
eftir fundinn og láta hafa við sig við-
tal. Ámundi Ámundason birtist á rit-
stjórn blaðsins eftir miðnætti, þar
sem blaðamaður beið eftir honum.
Áður en segulbandsupptaka hófst,
töiuðu blaðamaður og Ámundi sam-
an í ca. 20 mínútur. Eftir segul-
bandsupptökuna ræddu þeir enn-
fremur saman í u.þ.b. stundarfjórð-
ung þar sem ýmis atriði voru punkt-
uð niður af hálfu blaðamanns og
segulbandsviðtalið fullkomnað.
Segulbandsviðtalið er því ekki end-
anlegt heimildargagn sem blaða-
maður vinnur úr við gerð viðtalsins,
heldur studdist hann ennfremur við
minnisblöð. Þegar Jón Baldvin
hafði samband við mig og bað um
að fá að heyra segulbandsupptök-
una, leyfði ég það umsvifalaust en
með þeim formáia að upptakan
væri ekki endanleg heimild.
3) 1 samtölum við blaðamann fyr-
ir og eftir segulbandsupptöku sagði
Ámundi Ámundason beint og
óbeint að hann færi með fram-
kvæmdastjórastarf Alþýðuflokks-
ins. Á ritstjórn var einnig staddur
Halldór Halldórsson blaðamaður og
áttu þeir Ámundi tal saman og stað-
festir Halldór að hann hafi einnig
skilið Ámunda á þann veg að þarna
væri nýr framkvæmdastjóri Alþýðu-
flokksins á ferðinni. Það er því í
góðri trú að blaðamaður HP skrifar
út viðtalið við Ámunda Ámunda-
son, framkvæmdastjóra Alþýðu-
flokksins. Næsta morgun (fimmtu-
dag 14. feb.) mætir Ámundi
Ámundason aftur á ritstjórn HP í
Norður gefur og suður trompar.
Norður settur inn á spaða og ann-
að hjarta trompað með ásnum.
Trompi spilað tvisvar. Suður kast-
myndatöku og átti stutt samtal við
undirritaðan sem ekki gat túlkað
hina nýju stöðu viðmælanda síns á
annan veg en að um starfssvið fram-
kvæmdastjóra væri að ræða. Hér er
því ekki um fölsun að ræða heldur
útskrift á þeim orörœöum sem
bladamaður átti við Ámunda
Amundason. Tveir aðrir starfsmenn
blaðsins lögðu einnig sama skilning
í tal Ámunda á ritstjórn.
4) Blaðamaður leitast hvorki við
að koma höggi á Ámunda né sýna
hann í spaugilegu ljósi. Hann hefur
aðeins meira og minna orðrétt eftir
honum. Eftir segulbandsupptökuna
spurði blaðamaður Ámunda hverjir
þessir „við“ væru, sem hann talaði
um gegnum allt viðtalið. „Við Jón,“
svaraði Ámundi. Þarafleiðandi var
því eðlilega bætt inn í viðtalið.
Blaðamaður sleppir engan veginn
skárstu pörtunum úr viðtalinu. Hins
vegar hlífir hann Ámunda við
ýmsu. Þannig segir t.d. Ámundi orð-
rétt á segulbandinu að „Ég er búinn
að sanna að ég kann þetta (að auka
fylgi Alþýðuflokksins), og get orkað
miklu í mínu starfi, og þarafleiðandi
rökrétt framhald af því sem er búið
að ske, sem er algjörlega mitt verk,
að ég fái þetta starf." Þessu sleppti
blaðamaður þar eð honum fannst
Ámundi gera fulllítið úr hlut Jóns
Baldvins í fylgisaukningunni.
í framhaldi af þessu skal tekið
fram að Ámunda Ámundasyni var
boðið að lesa yfir viðtalið í handriti
en hann afþakkaði. Hann kom hins
vegar í prentsmiðjuna fimmtudag-
inn 14. febrúar, er blaðið var íprent-
un og lasyfir viðtalið í viðurvist Sig-
mundar Ernis Rúnarssonar blaða-
manns, sem skrifaði umrœtt viðtal,
Hákonar Hákonarsonar, fram-
kvœmdastjóra HP og Guðrúnar
Hasler, skrifstofumanns HP.
Ámundi hafði ekkert við viðtaliö að
athuga, né lét frá sér fara neinar at-
hugasemdir varðandi viðtalið.
Hann og blaðamaður kvöddust með
virktum. Það var fyrst um kvöld-
matarleytið að meðlimur í fram-
kvæmdastjórn Alþýðuflokksins
hringdi heirn til undirritaðs og tjáði
honum að Ámundi færi alls ekki
með starf framkvæmdastjóra
flokksins, að einhverjar efasemdir
um hið nýja starf Ámunda Ámunda-
sonar fóru að skjóta upp kollinum.
Ámundi mun með réttu vera út-
breiðslufulltrúi (hann kallaði sig út-
breiðslustjóra í umræddu símavið-
tali við HP) en ekki framkvæmda-
stjóri flokksins. Ámundi Ámunda-
son hefur hins vegar ekki enn haft
samband við ritstjórn blaðsins til að
leiðrétta þann misskilning. Hús-
bóndi hans, Jón Baldvin Hannibals-
son hefur hins vegar beðið um upp-
lýsingar í málinu og hef ég af heiðar-
leik og velvild látið honum í té öll
gögn sem blaðið hefur yfir að ráða.
Þannig hefur hann m.a. fengið að
hlusta á segulbandsupptökuna að
viðtalinu og fengið að hafa með sér
vott (Helga Gunnlaugsson, fram-
kvæmdastjóra Alþýðublaðsins) við
þá hlustun.
Að framangreindu samanlögðu,
stendur Helgarpósturinn á því föst-
um fótum að þær upplýsingar sem
Ámundi Ámundason gaf blaðinu í
viðtalinu séu rétt túlkaðar af blaða-
manni að um framkvæmdastjóra-
starfhafi verið að rœða. Vika er nú
liðin síðan viðtalið birtist og það er
fyrst nú sem formaður Aiþýðu-
flokksins telur sér fært að hrekja
fréttina.
Og þá komum við enn einu einni
að fórnarlambinu, Jón Baldvin: Var
Ámundi fórnarlamb HP? Eða var
Jón Baldvin fórnarlamb Ámunda
Ámundasonar?
Með kveðju,
Ingólfur Margeirsson
ritstjóri HP.
ar tígli og austur fær slaginn. Út-
spil austurs orsakar að suður losn-
ar við ás og kóng í tígli.
LAUSN Á SPILAÞRAUT
10 HELGARPÓSTURINN