Helgarpósturinn - 15.08.1985, Qupperneq 9
Brottrekstrarmálið á Keflavíkurflucfvelli
lykilvitnið
Helgarpósturinn hafdi sam-
band viö Valborgu Einarsdóttur,
sem kvartadi yfir framkomu
Jónasar M. Gudmundssonar í
sinn garð föstudagskvöldið 21.
júní s.l. Valborg vildi ekkert láta
hafa eftir sér um málið.
Eftir ýmsum leiðum og mjög
áreiðanlegum heimildum mun
Valborg hins vegar hafa komið
að máli við staðgengla starfs-
mannastjórans, Þórð Einarsson
og Rebekku Ingvarsdóttur, eftir
þessa helgi, og óskað eftir að fá
flutning í starfi — fá að losna úr
fjármálastofnuninni, en fá ann-
að starf hjá hernum. Þegar ósk-
að var eftir skýringum á þessari
ósk Valborgar, þá mun hún hafa
greint frá viðskiptum sínum og
Jónasar í leigubifreið að aflokn-
um dansleik í KK — húsinu í
Keflavík. Var Valborg þá beðin
um þessa kvörtun skriflega og
varð hún við þeirri ósk.
I skýrslu sinni ber Valborg að
Jónas hafi ekið henni heim í
leigubifreið að afloknum dans-
leik. Hann hafi viljað fara með
henni inn á heimili hennar, en
þegar hún hafi neitað því, þá
hafi hann reiðst heiftarlega og
hótað henni öllu illu, þar á með-
al uppsögn í starfi.
Þetta hefur HP frá mjög áreið-
anlegum heimildum, en eins og
fram kemur annars staðar í
blaðinu, þá neitar Jónas þessari
frásögn staðfastlega og segir at-
burðarásina hafa verið aðra.
Lykilmaðurinn í þessu máli er
því umrœddur leigubílstjóri.
Jónas kveðst ekki þekkja þann
mann, en aðspurð neitaði Val-
borg að tilgreina leigubifreiða-
stjórann. Sagðist ekkert um mál-
ið vilja tala. Það vœri úr sögunni
frá hennar hendi.
Þrátt fyrir ítrekaðar tilraunir
tókst Helgarpóstinum ekki að
hafa uppi á huldumanninum,
umrœddum leigubílstjóra, sem
varð vitni að hinum afdrifaríku
samskiptum og orðrœðum milli
Valborgar Einarsdóttur og Jón-
asar M. Guðmundssonar, sem
beint eða óbeint leiddu til tafar-
lausrar uppsagnar þess síðar-
nefnda. Bíllinn mun ekki hafa
verið pantaður af stöð.
Samkvœmt athugunum HP
ber kunnugum ekki saman um
það hvort leigubílsmálið hafi
verið eina orsök uppsagnarinn-
ar eða hvort það hafi aðeins ver-
ið mál af því tagi, sem yfirmenn
Jónasar hafi beðið eftir að geta
notað, til að koma honum úr
starfi. Allt að einu er Ijóst að
samkvœmt íslenskum lögum
gœti kvörtun eða skýrsla stúlk-
unnar ekki réttlœtt uppsögn
starfsmanns, nema annað og
meira lœgi fyrir í málinu; gamlar
syndir starfsmanns og fleira.
eftir Guðmund Árna Stefónsson myndir Jim Smart o.fl.
Jónas M. Guðmundsson segir Ijóst að hann hafi verið látinn fara vegna ósannrar og tilbúinnar sögu ungrar stúlku, sem hafi
fárra mánaða starfsaldur að baki og að auki ótrygg í sessi (starfi sínu; yfirmenn hennar höfðu rætt möguleikann á að segja
henni upp vegna vanhæfni í starfi, að sögn Jónasar.
„Ekki rétt
á skýringum"
— segir Friðþór Eydal
blaðafulltrúi hersins
„Herinn hefur mjög ákveðnar
reglur í málum af þessu tagi,“
sagði Friðþór Eydal, blaðafull-
trúi bandaríska hersins. „Starfs-
menn eiga ekki rétt á skýring-
um, þegar um uppsögn er að
ræða eins og í tilfelli Jónasar
Guðmundssonar, þar sem hon-
um voru greidd laun út allan
uppsagnarfrestinn, þótt nær-
veru hans hafi ekki verið óskað
allan þann tíma. Þetta vita menn
þegar þeir ráða sig til starfa hjá
hernum. Um það er ekkert
meira að segja."
„Ekki óstæða til
andmæla"
— segir Sverrir Haukur
Gunnlaugsson
hjá varnarmálaskrifstofunni
„Ég hef farið ofan í þetta mál;
skoðað fyrirliggjandi gögn í því
og mitt mat er það að ekki sé
ástæða til að andmæla ákvörð-
un yfirmanna hersins," sagði
Sverrir Haukur Gunnlaugsson,
deildarstjóri hjá varnarmála-
skrifstofu utanríkisráðuneytis-
ins. Sverrir sagðist hafa fengið
gögn í hendur vegna þessa máls,
þegar fulltrúar frá FISK hefðu
óskað eftir að varnarmálaskrif-
stofan tæki á málinu. „Ég hef
rætt við fulltrúa frá FISK og lagt
spilin á borðið. Mitt mat er það,
að ekki sé grundvöllur til að-
gerða í málinu og yfirlýsing FISK
gengur í sömu átt. Það koma
stundum mál af þessu tagi inn á
mitt borð, þótt sjaldnast verði
þau að blaðamáli. Ég met hvert
og eitt þeirra eftir eðli þeirra og
afstaða mín byggist á fyrirliggj-
andi upplýsingum. Svo er einnig
í þessu tilfelli “
„ FISK fær
ekkert að vita"
— segir Theódór Magnússon
„Við höfum ekkert fengið að
sjá og engar upplýsingar fengið,
hvorki hjá starfsmannahaldi
hersins og þaðan af síður hjá
varnarmálaskrifstofu utanríkis-
ráðuneytisins," sagði Theodór
Magnússon, sem hefur rekið mál
Jónasar með öðrum fyrir FISK,
Félag íslenskra stjórnunarstarfs-
manna á Keflavíkurflugvelli.
„Hjá starfsmannahaldi var að-
eins sagt við okkur að löglega
væri að uppsögninni staðið og
að engar skýringar þyrftu að
fylgja, og hjá varnarmáJaskrifstof-
inni aðeins að málið væri búið
og afgreitt."
Theódór sagði að yfirlýsingu
FISK bæri ekki að skilja þannig,
að félagið sættist á niðurstöður
málsins, heldur væri þar einung-
is lýst staðreyndum, þ.e. að FISK
kæmist ekkert áfram með málið,
þrátt fyrir vilja félagsmanna til
að fá fram skýrar línur og svör.
„Okkar staða er einfaldlega ekki
nægilega sterk, enda ekki verka-
lýðsfélag á ferðinni," sagði Theó-
dór. „Þess vegna teljum við til-
raunir okkar fullreyndar — því
rniður."
HELGARPÓSTURINN 9