Helgarpósturinn - 15.08.1985, Blaðsíða 15
Edda Erlendsdóttir hefur verið
önnum kafin við æfingar að undan-
förnu, því að framundan er fjöldinn
allur af einleikstónleikum — og allir
erlendis. Hún hóf framhaldsnám ár-
ið 1973 og lærði í ein fimm ár, en
settist síðan að i Frakklandi og býr
nú í París ásamt fjölskyldu sinni. Við
forvitnumst aðeins um hvað er á
döfinni hjá Eddu.
,,I september fer ég til Berlínar og
verð með tvenna tónleika þar. Eg
spila verk eftir Schönberg, Alban
Berg, Webern, Schubert og Schu-
mann; prógramm sem ég kem til
með að spila meira í haust en hef
ekkert spilað s.l. ár. Staður sá sem ég
leik á í Berlín er rekinn af konu
nokkurri frá Vín en þar er alls konar
tónlist leikin, bæði klassísk, framúr-
stefnutónlist og þjóðlagatónlist.
Mjög opinn og skemmtilegur staður.
í október leik ég svo í Kúltúrhús-
inu í Stokkhólmi og spila eingöngu
moderne verk. Þar tek ég þátt í lista-
hátíð þar sem aðaltema hátíðarinn-
ar er Vínarskólinn síðari. Ég er með
stórt prógramm með músík frá þess-
um skóla sem tengist honum bæði-
beint og óbeint, eiginlega í kringum
Schönberg. Ég spila þrjú af siðustu
verkum Liszts, sem eru mjög nú-
tímaleg miðað við þann tíma sem
mynd Jim Smart
„Kœri mig
ad vera á
ekkert um
þeytingi“
— Edda Erlendsdóttir heldur samt einleikstónleika víöa um lönd á nœstunni
þau eru samin á. Ennfremur spila ég
verk eftir Hans Eisler sem hann
samdi þegar hann var ennþá nem-
andi Schönbergs og æskuverk Alb-
an Bergs, sem er nýkomið út í fyrsta
skipti og verður frumflutt í Stokk-
hólmi, og svo verk eftir Webern og
Schönberg.
Eftir þessa ferð verð ég með sex
tónleika í Suðvestur-Frakklandi, í
kringum Toulouse, en það er eitt af
verkefnum frönsku stjórnarinnar í
tilefni af evrópsku tónlistarári. Tem-
að er Alban Berg og ég leik sama
prógramm og í Berlín."
— Þú ert kannski að sérhæfa þig í
Vínarskólanum?
,,Ég hef verið beðin um að spila
eftir þá en hef sjálf ekkert ætlað mér
að fá stimpil; hann hefur kannski
komið til vegna þess að fyrir einu og
hálfu ári gaf ég út plötu með þessum
verkum og út frá því hafa komið
beiðnir um þessi verk sérstaklega."
— En ertu ekki að fara eitthvað
lengra?
„Það stendur til að ég fari til Rúss-
lands í vetur, í fjórtán daga ferðalag.
En á þessu stigi málsins vil ég ekkert
segja nánar um það.“
— Sú tónlist sem þú spilar á tón-
leikum ; er það þín uppáhaldstón-
list?
„Mín uppáhaldstónlist er yfirleitt
sú tónlist sem ég er að æfa og hef
æft en það getur alveg eins verið
eitthvað allt annað. Það er svo mikið
til af góðri tónlist frá misjöfnum
tíma.“
— Er einhver sem skipuleggur
tónleikahaldið hjá þér?
„Nei, nei, eitt leiðir að öðru og
þetta hefur smám saman hlaðið ut-
an á sig. Það er ýmislegt á döfinni
hjá mér en ég kæri mig ekkert um
að vera á þeytingi. Ég er með fjöl-
skyldu og vil ekki verða farandpían-
isti, þótt það sé auðvitað ágætt
svona öðru hverju."
— JÞ.
„Eyrarbakki er
hrífandi staður“
Tolli opnar sýningu þar
á laugardaginn
„Ég sýni 30—40 verk, þjóðleg
málverk, fjöll og firnindi og bækur í
bruna eða frosnar í ís,“ segir Þorlák-
ur Kristinsson um leið og hann snar-
ar sér inn til hægri og býður Helgar-
póstinum á myndlistarsýningu sína
á Eyrarbakka sem verður opnuð á
laugardaginn kl. 16.
— Á Eyrarbaka?
„Já, Eyrarbakki er hrífandi staður
og ég hef verið að sýna svolítið úti
á landi, reyna að hafa dálítil tengsl
við veruleikann; svo er ég ekki frá
því að Eyrarbakkafélagið hafi átt
drjúgan þátt í vali mínu á staðnum,"
bætir Tolli við og glottir út í annað
og er um leið farinn að tala um allt
annað og með naumindum að mér
tekst að ná því út úr honum að hann
sé á leiðinni til Berlínar þar sem
hann hefur verið viðloðandi í tvö ár,
þar af eitt í skóla, rétt svona til að
klóra í múrinn, eins og hann orðar
það, en Tolli ætlar að halda sýningu
í Berlín frá 4. október til 2. nóvemb-
er ásamt kóreönskum listamanni,
Bong Kyu Im, og halda þeir sýning-
una — sem ber yfirskriftina Treff-
punkt im Berlin — í Gallery Roho.
Við sem ekki komumst þangað get-
um fengið forsmekkinn að verkum
Tolla í Samkomuhúsinu á Eyrarbaka
dagana 17. til 25. ágúst . Sýningin
verður opin um helgar kl. 14—22 og
virka daga kl. 18—22.
-JÞ
HELGARPÖSTURINN 23