Helgarpósturinn - 26.03.1987, Blaðsíða 23
var tekið fyrir á aðalfundi Banda-
lags ísl. leikfélaga og var sam-
þykkt að taka okkur inn.“ Skiptir
það einhverju máli að vera aðili
að þessu bandalagi? „Já, það
skiptir miklu máli. Nú erum við
til dæmis að fara á alþjóðlega leik-
listarhátíð í Hollandi þar sem ein-
göngu barnaleikfélög sýna. Okkur
var boðið að koma í gegnum
Bandalagið. Svo getum við keypt
smink hjá Bandalaginu og þar
fáum við líka handrit og margt
annað. Þau standa einnig fyrir
námskeiðum og ég hef sótt eitt
slíkt í „sminki".
FÓR Á FUND DAVÍÐS
OG SVERRIS
En hver borgar svo ferðina tif
Hollands, varla hópur 13 ára
barna? „Nei, nei. Eg fór bæði til
Davíðs borgarstjóra og Sverris
Hermannssonar og bað um styrk
svo við gætum tekið þátt í þessari
hátíð," segir Magnús Geir. — Og
þú hefur alveg þorað á fund þess-
ara ráðamanna? ,,Já, ég rriátti ekki
vera að því að kvíða fyrir," segir
hann brosandi. „Við höfðum svo
mikið að gera að ég skrapp bara
yfir til þeirra milli æfinga. Þeir
tóku mér vel báðir tveir og við
förum í ferðina 17. apríl og verð-
um í eina viku. Það verða fimm
leikarar og einn fararstjóri."
í samtalinu kemur fram að
Magnús Geir er orðinn þrautþjálf-
aður leikari. Hann hefur leikið í
tveimur verkum hjá Þjóðleikhús-
inu, Ríkharði III og Tyrkja-Guddu,
og í kvikmyndunum „Hrafninn
flýgur“ og „Reykjavík — Reykja-
vík“. Hann segist enda vera með
allan hugann við leiklist og hafi
varla komið heim til sín síðan þau
fóru að æfa í Galdra-Loft. „Ég
hugsa varla um annað en leikrit,"
segir hann. „Þegar við frumsýnd-
um „Gilitrutt" var ég varla kominn .
heim þegar ég var byrjaður á nýju
handriti."
Hann segist lesa fjöldann allan
af handritum áður en hann taki
ákvörðun um hvaða leikrit skuli
flutt. „Þannig las ég tuttugu hand-
rit í haust, valdi þrjú úr og bar
það undir stjórn á aðalfundi
Gaman Leikhússins hvaða leikrit
við ættum að velja. „Brauðsteikin
og Tertan" varð fyrir valinu.
Hann segir þau hafa haldið
frumsýningarveislu að frum-
sýningu lokinni á Galdra-Loftinu:
„Við vorum með snittur og kók og
fórum svo öll saman út að borða,
— reyndar bara á Tomma-borgara
í Lækjargötunni því þangað var
styst að fara,“ segir hann og hlær.
„Það var enginn í veislunni nema
við leikararnir hjá Gaman Leik-
húsinu enda var þetta okkar
dagur."
Gaman Leikhúsið mun halda
áfram næsta vetur, á því segir
hann engan vafa. „Við eigum bara
eftir að finna gott leikrit og við
finnum það örugglega á leiklistar-
hátíðinni í Hollandi," segir hann.
Þegar ég spyr hann hver vélriti
leikskrár kemur í ljós að einnig
það verk er í höndum Magnúsar
Geirs: „Ég var alltaf að fá lánaða
ritvél eldri bróður míns og þegar
hann var búinn með Hagaskólann
kom hann bara með hana inn í
mitt herbergi. Þar er hún núna og
herbergið mitt er orðið að skrif-
stofu!“ Varðandi framtíðina er
engin spurning: „Ég ætla að verða
leikari, það er alveg öruggt,“ segir
hann. „Fyrst ætla ég í Menntaskól-
ann og ljúka stúdentsprófi og svo
ætla ég beint í Leiklistarskólann.
— Nei, ég ætla ekki að reyna að
verða Hollywood-leikari. Það er
miklu betra að vera heimsfrægur
á íslandi," sagði þessi bráðhressi
strákur og hló.
Svo fékk hann að sitja í bílnum
með mér á leiðinni heim. „Það er
svolítið vont að vera ekki kominn
með bílpróf," sagði hann. „Stund-
um er erfitt að þurfa að fara allt
með strætisvagni." Þegar hann var
að fara út úr bílnum bætti hann
við: „Viltu svo gjöra svo vel að
leyfa mér að heyra viðtalið áður
en þú skilar því?" Og þar með
kvaddi formaðurinn, leikhússtjór-
inn, leikstjórinn, leikarinn,
sminkarinn, höfundur leikskrár og
dugnaðarstrákurinn Magnús
Geir...
EÖvarÖ Þór Eðvarðsson, íþróttamaöur ársins:
„Æfi 6 tíma á dag
bortaréttog
d\ék niikió af mjóE“
„Þú kemst ekki á heimsafrekslista og seturekki vel á annað hundrað
íslandsmet eða Norðurlandamet eins og Eðvarð án þess að hugsa um hvað þú
lætur ofan í þig“, segir þjálfari Eðvarðs, Friðrik Ólafsson. Með eftirtektarverðri
samvinnu og skipulegri uppbyggingu hefur þeim tekist að ná stórkostlegum
árangri og stefna enn hærra. Veigamikill þáttur þjálfunarinnar er heilbrigt
mataræði. Það hefur áhrif á alla starfsemi líkamans, hvort sem um er að ræða
skaphöfn, taugaviöbrögð, styrk eða annað.
Mjólkin er ómissandi uppistaða í daglegu fæði allra þeirra sem hugsa um
andlegt og líkamlegt heilbrigði. Hún er ótrúlega auðug uppspretta af fjölbreyttum
bætiefnum. Úr mjólkinnifáum við kalk, magníum, zink, A og B vítamín,
steinefni, amínósýrur og fjölmörg önnur efni, sem eru líkamanum
lífsnauðsynleg.
Vegna þessa mikilvægis mjólkurinnar verður aldrei of oft brýnt fyrir ungum
sem öldnum að tryggja líkamanum nægilegt magn af mjólk eða
mjólkurmat á hverjum degi.
MJÓLKURDAGSNEFND
íþróttamaður ársins, Eövarð Þór
Eðvarðsson, sem hefur skipað sér
sess á meðal besta sundfólks í heimi
er vel meðvitaður um mikilvægi
mjólkur í alhliða líkamsuppbyggingu.
Engir sætudrykkir geta komið í stað
mjólkurinnar. Mjóik eða mjólkurmatur
er sjálfsagður hluti af hverri máltíð.
Hvað er hæfileg mjólkurdrykkja?
eftir dr. Jón Óttar Ragnarsson
Ráðlagður Hæfilegur
Aldurshópur dagsskammtur mjólkurskammtur
(RDS)afkalkiímg (2,5dlglös)
Bom1-10
Unglingar 11-18
Fullorönir karlar
og konur*
800
1200
800________________
I * Margir sérfræöingar telja aö kalkþörf kvenna eftir
sé mun hærri eöa 1200-1500 mg/dag. Reynist þaö rétt er
hæfilegur mjólkurskammtur ekki undir 3 glösum á dag.
HELGARPÓSTURINN 23
* (Með ffijólk er átt við nýmjólk, léttmjólk og undanrennu).