Helgarpósturinn - 26.03.1987, Blaðsíða 42
MATKRÁKAN
Fyrsta hanagal
STJÖRNUSPÁ
HELGIN 27.-29. MARS
Jœja, þaö þýdir víst ekkert annaö en reyna
ad vera hress þrátt fyrir þennan napra vor-
mánuð og byggja sig upp, ekki síst þar sem
kosningabaráttan er nú að haröna. . . Því
hljóöar pistill helgarinnar upp á kjarngóöan
morgunverð. Og hana nú!
,,A morgnana skaltu borða eins og kóngur,
í hádeginu eins og prins en eins og öreigi á
kvöldin," sagði eitt sinn vís kona. Því fæðan
er nú einu sinni eldsneyti okkar í erli dagsins
og því er t.d. miður skynsamlegt að borða
þungan kvöldverð að loknum vinnudegi, en
láta sér nœgja snarl í morgun- og hádegis-
mat.
Morgunverðurinn er að dómi heilsufræð-
inga mikilvægasta máltíð dagsins. Hann ætti
að innihalda eggjahvítuefni og kolvetni,
a.m.k. þriðjung þess sem líkaminn þarfnast
yfir daginn. En því er nú þannig farið með
mörg okkar, að nývöknuð höfum við tæpast
lyst á öðru en svo sem einum kaffibolla og
ristaðri brauðsneið. (Sumir láta jafnvel kaffi-
bollann nægja og slíkt getur haft fremur
óskemmtilegar afleiðingar fyrir maga og
taugakerfi, þegar til lengdar lætur . . .)
En til að geta notið þess að borða veru-
lega staðgóðan morgunverð, þurfa menn
helst að hafa verið á fótum í a.m.k. hálftíma
áður en þeir setjast að snæðingi. í kulda og
skammdegi getur reyndar verið erfitt að
drífa sig fram úr rúminu. Allir kannast sjálf-
sagt við freistinguna að „lúra aðeins lengur"
sem gjarna endar með því að menn stökkva
fram úr á síðustu stundu, tína á sig spjarirnar
á leiðinni fram í eldhús þar sem kaffivéiin er
sett í gang. Hún vinnur sitt verk á meðan
morgunsnyrtingin fer fram. Síðan er svolgr-
að í sig kaffið á meðan rennt er yfir miður
upplífgandi blaðafyrirsagnir.
Það getur vel verið að bíllinn ykkar fari í
gang þrátt fyrir þetta sleifarlag og komist
jafnvel í þriðja gír, en það er bókað að þið
verðið í fyrsta gír fram að hádegi. Einhverjir
eiga þá til með að afsaka sig í gríni með því
að segjast hafa fari með vitlausan fót fram úr
rúminu um morguninn. f þessum orðum felst
reyndar hálfgildings viðurkenning á þeirri
staðreynd, að dagurinn ákvarðast af því
hvernig þú byrjar hann.
Lýsingin hér að ofan átti víst bara við barn-
laust fólk. Eða það ætla ég að vona. Foreldr-
ar skyldu hins vegar hafa hugfast að blessuð
börnin hafa ólíkt betri matarlyst á morgn-
ana, ef maður gefur sér tíma til að borða
með þeim í rólegheitum, í stað þess að þeyt-
ast argur og úfinn á milli ísskáps, brauðristar
og kaffivélar meðan á morgunverðinum
stendur.
Brjótið klafa vanans niður með svart kaffi;
og ristað franskbrauð fyrir fullorðna, „coco-
puffs" fyrir börn, upp með hafragraut og
heilhveitipönnukökur fyrir alla! Þótt það
kunni að kosta ykkur ögn lengri tíma, þá
endurgreiðist það margfalt í léttari lund og
betri vinnuafköstum.
Samsetning morgunverðar
Æskilegast er að morgunverðurinn inni-
haldi eftirfarandi;
— kornmat (t.d. gróft brauð eða musl);
— dýraeggjahvítu (mjólk, ost, jógúrt eða
egg), í hófi þó;
— ávexti og/eða ávaxtasafa;
— örlitla fitu og sykur.
Tökum nú nokkur dæmi:
— mjólkurglas, linsoðið egg, 2 heilhveiti-
brauðsneiðar, önnur með hunangi, hin
með osti, epli;
— sítrónute, súrmjólk með heimatilbúnu
musli og bananasneiðum, heilhveiti-
brauðsneið með ávaxtamauki;
— svo verður maður fjári sprækur af kúfuð-
um diski af ávaxtastyrktum hafragraut,
hrökkbrauðsneið með osti og eigum við
kannski að bæta kaffibolla við upptalning-
una í þetta skipti?
— á tyllidögum er ekki úr vegi að breyta til
og framreiða heilsupönnukökur með
ávaxtamauki...
Piássins vegna verður heimatilbúið musl
að bíða betri tíma, en varið ykkur á pakka-
musli kjörbúðanna, það er oft óhemju sætt
og auk þess nokkuð dýrt.
Styrktur hafragrautur
Mig langar rétt að minna á gamla góða
hafragrautinn sem því miður sést hér æ
sjaldnar á borðum. Það er þó fjandakornið
ekki mikið seinlegra að laga hafragraut en
kaffi: skutla í pottinn 1 lítra af vatni, 125 g af
hafragrjónum og ögn af salti: að vísu þarf að
hræra aðeins í pottinum meðan suðan er að
koma upp, en síðan er grauturinn látinn
sjóða við vægan hita í nokkrar mínútur.
Hafragrautur er óhemjuhollur því við suðu
minnkar ekkert næringargildi kornsins (sum
B-vítamín í kornmat rýrna hins vegar um
15—30% t.d. við ristun). Og nýlagaður hafra-
grautur er sannkallað lostæti, bæti maður út
í hann bananasneiðum, rúsínum eða döðlu-
bitum, þurrkuðum apríkósum eða hnetum.
Að ég tali nú ekki um blessaða kotasæluna.
Hver fúlsar t.d. við bananastyrktum og kota-
sæluprýddum hafragraut.
Heilsupönnukökur
Áður en að uppskriftinni kemur skulu
helstu eiginleikar kornmetis rifjaðir upp:
— Kornmatur inniheldur kolvetni, eggja-
hvítuefni, örlitla fitu, vítamín, einkum ým-
is B-vítamín, trefjar og vatn.
— Trefjarnar eru ómeltanlegar, en þær auka
þarmahreyfingarnar og eru því mjög
gagnlegar.
— Gróft mjöl, s.s. heilhveiti og rúgmjöl, er
ríkara að eggjahvítuefni, söltum, vítamín-
um og trefjum en fínt mjöl, þ.e. hvíttað
hveiti.
Hér kemur svo pönnukökuuppskrift, sem
ætti að duga í 18 kökur:
Vi bolli hveitikím
2 bollar heilhveiti
2 tsk. lyftiduft
1 msk. púðursykur
1 tsk. salt
2 stór egg
2 'h bollar mjólk
2 msk. matarolía
Blandið saman öllum þurrefnunum með
gaffli.
Þeytið eggin og hrærið síðan mjólkinni
saman við. Samlagið blönduna þurrefnunum
og hrærið að lokum olíunni saman við með
nokkrum sleifarstrokum.
Hitið pönnuna en setjið ekki feiti á hana
fyrr en hún er orðin svo heit að vatnsdropar
dansi, sé þeim stökkt á hana. Bakið pönnu-
kökurnar við miðlungs hita, snúið þeim þeg-
ar loftbólur myndast á yfirborðinu og jaðr-
arnir eru orðnir þurrir.
Og að lokum koma uppskriftir að tvenns
konar ávaxtamauki sem gera þessar pönnu-
kökur hreint ómótstæðilegar. Eplamaukið
geymist vel í kæliskáp, en bananamaukið
verður að hesthúsa strax.
Ferskt ávaxtamauk
Þessi uppskrift gerir 11/2—2 bolla af mauki.
Síst er það áhyggjuefni að maukið geymist
ekki því það er svo ljúffengt að það hverfur
óðar en það er komið á borðið.
4 bananar
1 appelsína, afhýdd og skorin í smátt
safi úr einni sítrónu
'A bolli rúsínur
'A bolli sjóðandi vatn.
Hellið sjóðandi vatni yfir rúsínurnar og lát-
ið standa þar til þær eru orðnar meyrar.
Hrærið vel saman með einhvers konar þeyt-
ara.
Eplamauk
6 epli
handfylli af rúsínum
'/2 bolli vatn eða eplasafi
sítrónusafi (má sieppa)
Afhýðið eplin, fjarlægið kjarnana og rífið
þau niður eða skerið í smáa bita. Setjið í pott
ásamt rúsínum og eplasafa, hleypið upp suð-
unni og látið malla þar til maukið hefur sam-
lagast vel. Bragðbætið með sítrónusafa ef
verkast vill.
Uppskriftin gerir 3—4 bolla af mauki.
Vonandi hefur ykkur ekki þótt hanagalið
láta of hvellt í eyrum. Þetta var nú allt vel
meint... Og hvers vegna skyldu svo margir
íslendingar þjást af magasjúkdómum?!
HVAÐ ÆTLAR ÞÚ AÐ GERA UM HELGINA?
MAGNÚS V. PÉTURSSON
KNATTSPYRNUDÓMARI OG UMBOÐSMAÐUR
Ég œtla með fjölskyldunni austur að Flúðum
og vera þar um helgina í litlum kofa, en slíkir
eru leigðir þar út og hefég oft nýtt mér það áður.
Mér finnst þetta stórsniöugt og gaman að vera
þarna innan um framsóknarmennina, sem eru
þarna út um allt. Það er alltafgott að komast af
og til úr skarkalanum í borginni, kannski finnst
mér svona gott að komast í sveitina þar sem ég
var aldrei í sveit á yngri árum, komst ekki einu
sinni í Vatnaskóg. Nú, svo verður gott aö hvíla
sig í sveitinni fyrir átökin á Wembley 5. apríl, en
þangaö fer ég að sjá úrslitaleikinn á milli
Arsenal og Liverpool. Þetta verður sennilega í
tólfta skiptið sem ég fer á Wembley, en mér er
boðið af fyrirtœkinu Mitre sem framleiöir hina
frábœru Mitre-bolta, sem ég hef umboð fyrir.
Þetta eru bestu boltarnir og alltaf notaöir á
Wembley!
Föstudagurinn er einn af þessum sjaldgæfu, rólegu
dögum í vinnunni og þú munt því geta lokið verkefnum,
sem setið hafa á hakanum og gengið frá ýmsum hlutum.
Þú getur hæglega móðgað fólk um helgina, ef þú gætir
ekki að þér og ert of hreinskilinn. Mundu að sumir eru
auðsæranlegir. Og í guðanna bænum láttu alla vinnu eiga
sig á sunnudaginn.
Nýverið varð eitthvað til þess að þú þurftir að endur-
meta stöðuna og skoðanir þínar. Þessar breytingar verða
til þess að þú losnar úr aðstöðu, sem hefði annað hvort
tekið of mikinn tima eða ruglað þig í ríminu. Á laugardag
ættir þú að vera móttækilegur fyrir nýjum áhrifum og
fólki, því það á eftir að verða þér stuðningur sfðar. Sýndu
þó ekki of mikla trúgirni.
TVIBURARNIR (22/5-21/6]
Reyndu að horfa á llf þitt úr svolítilli fjarlægð í stað þess
að einblína á erfiðleika og trega, sem þú átt við að etja
í augnaþlikinu. Það sem nú virðist tapað spil, gæti breyst
þér f hag. Komandi vikur gætu reynst erfiður tfmi, en nú
verður þú að opna augun f stað þess að leiða erfiðleikana
hjá þér.
Þú ættir að geta skemmt þér ágætlega á föstudag, ef
þú ert í félagsskap vina eða kunningja f ævintýraleit. Ást-
vinur þinn gæti hins vegar reynst erfiður viðureignar. Ein-
hvers misskilnings gætir á laugardag, en allt batnar þó
þegar á líður. Á sunnudag verður mun bjartara og ýmsir
möguleikar koma f Ijós.
Þú hefur mjög mikla þörf fyrir tilbreytingu þessa dag-
ana, eins og þú gerir þér fyllilega grein fyrir, og gætir vel
hugsað þér að fara í lengra eða skemmra ferðalag. Láttu
til skarar skrfða I vinnunni og hættu ekki fyrr en þú færð
þá viðurkenningu sem þér ber. Eitthvert verkefni sem þú
ert að fást við, er algjör tímaeyðsla. Ekki láta ótrausta aðila
hafa þig að leiksoppi.
Hættu að syrgja fortfðina og láta hugann dvelja við eitt-
hvað, sem hefði getað orðið. Óorðnir atburðir og fólk, sem
þú átt eftir að kynnast, eiga eftir að koma í stað þess sem
þú saknar. Lærdómur síðastliðins hálfs árs mun skila sér,
en einungis svo fremi að þú gerir þetta tímabil upp í hug-
anum áður en tekist er á við nýja hluti og aðstæður.
Föstudagurinn verður einn af þessum ofurvenjulegu
hvunndögum og þú ættir að taka það eins rólega og
mögulegt er, enda muntu fá óvenju gott næði. Það er hins
vegar engin lognmolla yfir laugardeginum, á hvaða
vettvangi sem er, og samspil við annað fólk getur reynst
erfitt. Láttu ekki ýta þér út f neitt, án þess að tfmi gefist til
að athuga allar hliðar málsins.
SPORÐDREKINN (23/10—22/11
Eins og fólk I ýmsum öðrum merkjum muntu eiga afar
Ijúfan föstudag. öll samskipti við börn verða mjög farsæl
og rómantfkin ætti að vera á þægilegu nótunum, þó hitinn
komist ekki beinlfnis yfir suðumark f þeim efnum. Þú
munt lenda fóvæntum útgjöldum á laugardag, sem í heild
verður fremur óarðbær dagur. Mundu svo að dæma fólk
ekki eftir útlitinu, eins og þér hættir til.
BOGMAÐURINN (23/11-21/12
Það er bara hreint ágætt að vera Bogmaður þessa dag-
ana. Kostir þfnir hljóta nú almenna viðurkenningu, án
mikillar áreynslu af þinni hálfu. Þetta er góður tfmi til að
gera breytingar f einkalffi og vinnu, en gættu þess bara að
særa ekki annað fólk með tillitsleysi. Mundu Ifka að hugsa
þig um áður en þú stingur þér til sunds.
STEINGEITIN (22/12-21/1
Allt f rólegheitunum á föstudag og þvf muntu eiga auð-
velt með að einbeita þér sökum lítils ónæðis. Þá máttu
heldur ekki falla I þá gryfju að láta hugann reika um of.
Húsnæðisleit ber Iftinn árangur þessa dagana og þú munt
verða fyrir vonbrigðum, ef þú ætlast til þess að aðrir þegi
yfir leyndarmáli. Reyndu að vera svolítið hagsýnn og horf-
ast í augu við vandann á sunnudag.
VATNSBERINN (22/1-19/2
Megináhersla hjá þér er á vinnuna og Iftið um skemmt-
anir og áhyggjuleysi. Það sýnir sig núna, að það sem þú
áleist varanlegt og öruggt, er það kannski ekki. Þú sérð
hlutina hins vegar I vfðara samhengi þegar hér er komið
sögu og það er töluverð huggun. Fjárhagserfiðleikar
verða til þess að þú neyðist til að fresta ákveðinni fyrirætl-
un, eða gera hana einfaldari.
FISKARNIR (20/2-20/3'
Þú verður hreint og beint að gera eitthvað f fjármálun-
um. Og líttu ekki á það of neikvæðum augum. Framtfðin
ber ýmislegt nýstárlegt og spennandi f skauti sínu og
strax á laugardag mun eitthvað gerast, sem hefur langvar-
andi afleiðingar I för með sér fyrir þig. Getur verið að þú
þurfir að skera á bönd, sem binda þig við persónu eða at-
vik? Það getur verið erfitt að burðast með sllkt í gegnum
Iffið.
42 HELGARPÓSTURINN