Helgarpósturinn - 25.02.1988, Page 23

FRÉTTAPÓSTUR
Meira um ferðina sem aldrei var farin
Forseti íslands, Vigdís Finnbogadóttir, og Þorsteinn Páls-
son forsætisráðherra eru sammála um meðferð rikisstjórn-
arinnar á boði sovésku ríkisstjórnarinnar til forseta um
opinbera heimsókn. Ríkisstjórnin ákvað að þiggja boðið til
forseta, en óskaði eftir viðræðum um aðra dagsetningu en
29. febrúar. Sendiherra Sovétríkjanna á íslandi, Igor N.
Krassavin, taldi dagsetninguna ófrávíkjanlega i viðræðum
við Steingrim Hermannsson utanríkisráðherra. Steingrím-
ur lýsti sig andvígan niðurstöðu ríkisstjórnarinnar og vildi
að farið yrði að kostum Sovétmanna. Þorsteinn Pálsson
forsætisráðherra sagði hins vegar að það væri venja að ríkis-
stjórnin tæki afstöðu varðandi opinberar heimsóknir þjóð-
höfðingja. Að sögn forsætisráðherra var forseti strax reiðu-
búinn að gera það í þessu máli sem ríkisstjórnin teldi eðli-
legast.
Samið um vinnutíma og yfirvinnu
Samningamenn Verkamannasambands íslands og vinnu-
veitenda náðu samkomulagi um vinnutíma, greiðslur fyrir
yfirvinnu og tilfærslur frídaga á fundi sem lauk aðfaranótt
laugardags. Viðræðurnar höfðu gengið stirðlega vegna þess-
ara mála, enda um viðkvæma kerfisbreytingu að ræða, en
eftir að samkomulag tókst um þetta sneru menn sér af full-
um krafti að því að ræða launaliði kjarasamningsins. Sam-
komulagið gerir m.a. ráð fyrir að eftirvinna falli niður og
taxti fyrir yfirvinnu verði einn, greiddur með 80% álagi
ofan á dagvinnu. Vinnutimi verður sveigjanlegur, þannig að
dagvinna getur hafist klukkan sjö að morgni, en verkalýðs-
félögum gefst einnig kostur á að velja milli kerfa. Þá var sam-
ið um tilfærslu frídaga, þannig að unnið verði á sumardag-
inn fyrsta og uppstigningardag, en frí í þeirra stað tekin
næsta mánudag á eftir.
• í leynilegri atkvæðagreiðslu á fundi háskólaráðs í síðustu
viku var samþykkt með tólf atkvæðum gegn tveimur að
tannlæknaneminn, sem komst ekki áfram í námi eftir úrslit
teningakasts, fengi að halda námi sínu áfram. Háskólarekt-
or sagði af þessu tilefni að menn gerðú sér grein fyrir að það
vinnulag sem reglugerðir gera ráð fyrir, hlutkesti, sé ekki
lengur viðunandi.
• Ungur maður, sem handleggsbrotnaði í fangageymslum
lögreglunnar í Reykjavík fyrir skömmu af völdum lögreglu-
manna, hefur kært meðferðina til Rannsóknarlögreglu rik-
isins. Lögreglumennirnir, sem eru feðgar, hafa verið leystir
frá störfum meðan rannsókn fer fram.
• Samstarfsnefnd bifreiðatryggingafélaga telur að grunn-
taxtar lögboðinna ábyrgðartrygginga þurfi að hækka um
59,7% en tap á bifreiðatryggingum nam hundruðum millj-
óna í fyrra.
• Sparisjóðirnir ákváðu að lækka útlánsvexti um 5—5,6%
frá og með 21. febrúar og allir bankar, nema Samvinnubank-
inn, lækkuðu einnig vexti á sama tíma um 2—5%. Sam-
vinnubankinn hefur hins vegar ákveðið áð lækka vexti
óverðtryggðra lána í samræmi við breytta lánskjaravísitölu
um 3—6% frá 1. mars.
• Fjórir menn björguðust þegar vélbáturinn Ófeigur III frá
Vestmannaeyjum strandaði á laugardagsmorgun. Þyrla
landhelgisgæslunnar flutti áhöfnina í land og tók björgunin
skamman tíma. Stórstreymt var, vindur af suðvestri og
mjög hásjávað þegar báturinn strandaði og kastaðist hann
til í fjörunni og leki komst fljótt að honum.
• Aðfaranótt sunnudagsins gerðist sá hörmulegi atburður
i Keflavík að ungur maður varð konu sinni að bana með
byssu og svipti sig lífi að því búnu. Hjónin hétu Tryggvi Örn
Harðarson og Rósa Harðardóttir, en Rósa var grænlensk.
Þau voru bæði fædd árið 1961 og láta eftir sig tvær dætur, 5
og 10 ára gamlar.
• Kirkjuráð er sammála um að ekki sé hægt að breyta eða
færa til uppstigningardag, en eins og fram kemur hér að of-
an tókst samkomulag milli Verkamannasambandsins og
vinnuveitenda að fresta þeim frídegi fram að næsta mánu-
degi.
• Jóhanna Sigurðardóttir félagsmálaráðherra staðfesti á
mánudaginn deiliskipulag að miðbæ Reykjavikur, Kvos-
inni. Jafnframt beindi ráðherra þeim tilmælum til Davíðs
Oddssonar borgarstjóra að fram fari kynning á skipulagi
ráðhússreits og skuli henni lokið fyrir miðjan aprilmánuð.
•Kostnaðaráætlun fyrir ráðhús Reykjavíkur var lögð fram
á fundi borgarráðs á þriðjudag. Samkvæmt henni er gert ráð
fyrir að kostnaður við byggingu kjallara og yfirbyggingar
nemi samtals um 979 milljónum króna. í þeirri fjárhæð er
ekki reiknað með frágangi á 760 fermetra tjörn norðvestan
hússins, snyrtingu á bökkum Tjarnarinnar næst ráðhús-
inu og göngubrú frá Iðnó út í ráðhúsið. Tillaga frá fulltrúum
Alþýðuflokks, Kvennalista og Alþýðubandalags um að
fresta byggingu húsins og efna til almennrar atkvæða-
greiðslu um málið samhliða næstu sveitarstjórnarkosn-
ingum, 1990, var vísað frá. Tillaga sjálfstæðismanna um að
auglýsing á skipulagi ráðhússreits skyldi hefjast 26. febrú-
ar og standa til 25. mars var samþykkt.
• Tveir piltar, 14 og 17 ára, slösuðust i Hafnarfirði um sið-
ustu helgi þegar sprengja, sem þeir voru að búa til ásamt fé-
lögum sínum, sprakk í höndunum á þeim. Sprengjan var út-
búin með sama hætti og aðrar heimatilbúnar hafnfirskar
sprengjur, með því að rörbútur var fylltur með púðri og lok-
að vandlega, en kveik stungið í gat sem borað var í rörbút-
inn. Annar drengurinn handleggs- og fótbrotnaði og skarst
í andliti og á höfði. Hinn handleggsbrotnaði og skarst mikið
en tveir aðrir drengir sluppu ómeiddir.
Andlát:
Gísli Blöndal, fyrrum hagsýslustjóri, varð bráðkvaddur í
Bandaríkjunum á föstudaginn var.
Þjóðviljanum var á þriðjudag
bent á að Garðar Halldórsson
væri allt í senn, Húsameistari ríkis-
ins, hönnuður Listasafns íslands og
byggingarnefndarmaður Listasafns-
ins, og ætti sem slíkur að fara að
rannsaka kostnaðaráætlanir sjálfs
sín — hvers vegna þær brugðust.
Garðar gerði athugasemd við þetta
næsta dag í Þjóðviljanum og sagðist
bara alls ekki eiga sæti í byggingar-
nefnd safnsins. En Þjóðviljanum er
vorkunn, því heimildin virðist hafa
verið erkifjandinn Morgunblaðið!
Þar birtist 28. janúar „Ágrip af sögu
Listasafns íslands" og stendur þar
skýrum stöfum svart á hvítu að í
byggingarnefndinni hafi átt sæti
Garðar Halldórsson, arkitekt húss-
ins. Og auðvitað er þá ekki við Þjóð-
viljann að sakast, sem drýgði þá
einu synd að nota Moggann sem
heimild. . .
Þ
egar frelsi var veitt í útvarps-
málum voru ýmsar raddir uppi um
stofnun sjónvarpsstöðva en minna
hefur orðið úr en u m var rætt. Þó fór
í gang fyrirtæki á Akureyri sem átti
að verða vísir að svæðisbundinni
sjónvarpsstöð, Samver hf., og er
það mestan part í eigu KEA. Sam-
versmenn bundu lengi vonir við að
gera samninga við sjónvarpsstöðv-
arnar í höfuðborginni og vinna efni
fyrir þær. Til þess að vera klárir í
slaginn festu þeir svo kaup á heljar-
miklum upptökubíl. Starfsemin hef-
ur hins vegar ekki gengið sem
skyldi eftir þvi sem HP heyrir. Ríkis-
sjónvarpið keypti m.a. fyrirtækið til
að taka upp þættina Hvað held-
urðu, en eftir þann fyrsta sem Sam-
ver vann var snarlega ákveðið að
fela þeim ekki umsjá fleiri verkefna
og hafa síðan verið sendir menn frá
sjónvarpinu til að hafa umsjón með
upptöku þáttanna, þó svo Samvers-
menn hafi eitthvað komið nálægt
þeim. Að auki hefur þeirra eigin
dagskrárgerð stórlega dregist sam-
an eftir að Stöð 2 hóf beinar útsend-
ingar norður, enda engin göt í dag-
skránni lengur til að fylla upp í með
heimaunnu efni. . .
Kúplingsdiska og pressur
í allar algengar gerðir fólksblla, jeppa og vörubfla.
Gabriel höggdeyfa
ótal útfærslur I miklu úrvali.
Háspennukefli, kveikjuhluti og
kertaþræði
eins og það verður best.
Alternatora og startara
verksmiðjuuppgeröa eöa nýja, fyrir japanska,
evrópska og ameriska blla.
Spennustilla
landsins fjölbreyttasta úrval.
BILALEIGAN
Langholtsvegi 10 9
(í Fóstbræöraheimilinu)
Sækjum
og sendum
Greidslukorta
þjónusta
Sími 688177
HÁRTOPPAR HÁRTOPPAR
Bylting frá TRENDMAN
Hártoppur sem enginn sér nema þú. Komið, sjáið og sannfær-
ist. Djúphreinsa og fríska upp hártoppa af öllum gerðum.
Pantið tíma hjá Villa rakara í Aristókratanum, sími 687961.
Opið á laugardögum.
ARMKMDM
V-' Síðumúla 23
HÉLGARPÓSTURINN 47