Helgarpósturinn - 25.02.1988, Blaðsíða 44

#í
li,
f
BÍÓ
Stjörnugjöf:
0 farðu ekki ★ sæmileg ★★ góð ★★★ ágæt ★★★★!
Regnboginn Síðasti keisarinn (The Last Emperor) ★★★★ Morð í myrkri (Mord i mprke) ★★★ Örlagadans (Slam dance) ★★
Háskólabíö Hættuleg kynni (Fatal Attraction) ★★★
Laugarásbió Öll sund lokuð (No Way Out) ★★★
Bíóhöllin Spaceball ★★★
Laugarásbíó Hrollur 2 (Creepshow 2) 0
Stjörnubíó Roxanne ★★★
UM HELGINA
Öllu má ofgera. Kannski einkum
og sér í lagi ágætis „ídeum". Þannig
er meö Friöu og dýriö, framhalds-
þættina á Stöö 2 á laugardags-
kvöldum. Þaö getur svosem vel ver-
iö að fólki finnist gaman aö horfa á
sama þráöinn aftur og aftur og aftur
og aftur. Persónulega þykja mér
þessir þættir orönir hundleiöinlegir.
En áfram skal haldið með þá þrátt
fyrir mína persónulegu skoöun og
þá þaö. Kannski hefur einhver aldrei
séð þessa þætti. Fyrir þann hinn
sama verður gaman á laugardags-
kvöldiö. Þegar Fríða hverfur af skján-
um kemur bíómyndin Fyrir vináttu
sakir. Hugmyndin í hana er ekki
langsótt, nokkuö sem er alltaf að
gerast (ho ho ho). Þar segir frá ung-
um dreng sem býr með einstæðri
móður sinni í vesturbænum. Eins og
örsjatdan gerist í slíkum tilvikum vill
stráksi fá aöra fullorðna manneskju
inn á heimiliö og gerir því sitt til að
koma mömmunni „út". Greyið barn-
iö. Hann ætti bara aö vita hvaö hann
getur átt í vændurn ef honum mis-
tekst aö velja rétt! Á sunnudaginn er
Nærmynd af Hafliða Hallgrimssyni
og á mánudagskvöldiö er góð
mynd á Stöö 2, í tæka tíö heitir hún.
Þar velta menn því fyrir sér hvort
einstaklingurinn eigi sama rétt á aö
binda enda á líf sitt og að lifa þvi.
Fjallað um viökvæmt mál sem marg-
ir ýta frá sér.
í síöustu viku opnaði Belinda
Hughes sýningu á grafík- og vatns-
litamyndum og myndum unnum
með blandaöri tækni í Liststofu
Bókasafns Kópavogs. Belinda hefur
haldiö sýningar í heimalandi sínu,
Englandi, og gerir myndir af mönn-
um og dýrum eftir pöntunum frá
einstaklingum. Á sýningunni eru 20
myndir, helmingur þeirra geröur hér
á landi á undanförnum mánuöum
undir áhrifum af íslenskri menningu
og persónulegri reynslu listamanns-
ins hér á landi. Hinar myndirnar eru
landslagsmyndir og annaö frá Eng-
landi og víöar. Sýning Belindu er op-
in á sama tíma og Bókasafn Kópa-
vogs, kl. 9—21 mánudaga til föstu-
daga og kl. 11—14 á laugardögum.
Sýningunni lýkur 11. mars.
Eyjólfur Einarsson listmálari opn-
ar níundu einkasýningu sína í FIM-
salnum á horninu á Garðastræti og
Ránargötu klukkan 14 á laugardag-
inn. Þar sýnir Eyjólfur vatnslita-
myndir og olíumálverk, sem flest eru
unnin á síðustu tveimur árum. Sýn-
ingin stendur yfir til 13. mars.
Nú stendur yfir Kopavogsvakan
1988 sem hófst á sunnudaginn var
og lýkur á laugardaginn. Kópavogs-
vakan er listaog menningarhátíö þar
sem leitast er viö aö hafa sem fjöl-
breyttasta dagskrá. Annaö kvöld
sýnir Unglingaleikhúsið leikritiö
Vaxtarverki (sjá nánari umfjöllun í
LP) og hefst sýningin klukkan 21. Að
lokinni sýningunni verður ungiinga-
dansleikur þar sem Tríó Jóns Leifs-
sonar leikur fyrir dansi. Vaxtarverkir
veröa sýndir, eins og önnur dag-
skráratriöi á Kópavogsvökunni, í
samkomusal Félagsheimilis Kópa-
vogs, 1. hæö. Það kostar 300 krónur
inn á sýninguna. Unglingaleikhúsiö
endurtekur síðan leiksýninguna á
laugardaginn klukkan 16.
Þaö er greinilega mikið hugsaö um
unglinga og börn á þessu landi
þessa dagana. Sem betur ferl Emil i
Kattholti er fyrir löngu orðinn vinsæl
söguhetja þeirra yngri. Þeir hinir
sömu eiga von á glaðningi því nú
standa yfir æfingar hjá Leikfélagi
Hafnarfjaröar á leikriti um þennan
ærslabelg. Þaö eru tveir hafnfirskir
krakkar, Haraldur Freyr Gíslason og
Katrín Sigurgeirsdóttir, sem fara
með aöalhlutverkin, hlutverk Emils
og ídu systur hans. Leikritið veröur
frumsýnt um miðjan mars og því um
aö gera að fylgjast vel meö dag-
blaðaauglýsingunum þá!
Hamlet verður á fjölunum hjá
Leikfélagi Reykjavtkur um páskana
og fram eftir vori og er þaö síðasta
verkiö sem LR setur upp á þessu
leikári. Leikstjóri er Kjartan Ragnars-
son sem fengiö hefur til samstarfs
við sig leikmyndahönnuöinn Grétar
Reynisson, en þeir félagar unnu síö-
ast saman eftirminnilegt starf í
Djöflaeyjunni Þaö er Þröstur Leó
Gunnarsson sem fer meö hlutverk
Hamlets og aðrir leikendur eru Sig-
urður Karlsson, Guðrún Ásmunds-
dóttir, Eggert Þorleifsson, Valdimar
Örn Flygenring, Sigrún Edda Björns-
dóttir, Jakob Þór Einarsson, Steindór
Hjörleifsson, Eyvindur Erlendsson
og Kjartan Bjargmundsson. Þá er
bara að bíöa páskanna, sem eru —
þrátt fyrir allt — alls ekki svo langt
undan.
Látum okkur nú sjá. Kíkjum aöeins
á dagskrá útvarpsstöðvanna. Byrj-
um á rótinni. Já Rót FM 1063 er til
dæmis meö fréttskýringaþátt á
dagskránni á sunnudaginn klukkan
13.30. Þátturinn heitir einfaldlega
Fréttapotturinn og þar er m.a.
fréttalestur, fréttaskýringar og um-
ræöur. Síðar á sunnudaginn, klukkan
hálfsjö, er svo barnatími svo
mömmurnar geta eldaö i friði. Eöa
þannig. Á Stjörnunni verður Jör-
undur Guömundsson í hjarta borg-
arinnar klukkan 14—16 og þegarfólk
hefur hlustað á hann, Örn Petersen
og annað getur þaö beöið meöan
börnin eru aö hlusta á barnatímann.
Þá hefur fólk hálftima til að borða,
þvo upp og koma sér fyrir í hæginda-
stól meö kaffibolla því klukkan hálf-
átta byrjar Þráinn Bertelsson aö
rabba viö hlustendur á rás 1, sem
heitir reyndar ríkisútvarpiö. Hann tal-
ar í hálftíma. Þá nennir varla nokkur
maður aö flytja sig á enn eina rásina,
nemaþeirsemekki vilja horfaásjón-
varpið. Þeir ætla að hlusta á Bylgj-
una. (Finn ekki dagskrárkynningu frá
þeim! Hlustið samt.) Nema hvað.
Snúum okkur aö sjónvarpinu —
ríkissjónvarpinu. Þar verða auðvitað
fréttir klukkan átta, síðan heldur
áf ram spurningaþáttur Ómars Ragn-
arssonar og núna verða það Árnes-
ingar og Vesfmanneyingar sem
„leiða saman hesta sína", eins og
segir í kynningu. Gaman veröur að
sjá þá hesta. Veröa sennilega eins og
hesturinn hennar Línu langsokks úr
þvi þeir ætla aö mæta i stúdió. En
þetta er náttúrulega bara bull. Þór
Tulinius les Ijóöið Æskuést eftir
Jónas Guölaugsson eftir aö níundi
þátturinn af Paradís skotiö á frest
hefur verið sýndur.
Á laugardaginn 27. febrúar klukk-
an 14 verður háö keppni í handknatt-
leik þarsem mætast KA og Víkingur
á Akureyri. KA-menn eru i neöri
hluta deildarinnar og berjast fyrir
veru sinni þar en Víkingar sigla lygn-
an sjó um miðja deild. Á sama tíma
sama dag leika i Kópavogi Stjarnan
og Þór frá Akureyri, en Þórsarar hafa
enn ekki hlotið stig. Sunnudags-
kvöldið fara siðan fram tveir leikir í
Laugardaishöll. Sá fyrri hefst klukk-
an 20 og þá leika Fram og FH, en FH
er eins og kunnugt er í efsta sæti
deildarinnar. Strax á eftir leika svo
KR og ÍR, en þau eru bæði í fallbar-
áttu.
Sýningum á Degi vonar hjá Leik-
félagi Reykjavíkur fer nú fækkandi
og nú þýðir ekki lengur aö fresta
ferðinni á þessa leiksýningu. Þaö er
sem sé aö fara eöa fara ekki. Litli
sótarinn, sem sýndur er hjá ís-
lensku óperunni, veröur næst á fjöl-
unum þar á morgun og sunnudag og
hefjast sýpingar klukkan 16 báöa
dagana. islenski dansflokkurinn
sýnir nú fjögur ballettverk eftir John
Wisman og Henk Schut, Ég þekki
þig, þú ekki mig, og verða næstu
sýningar á morgun, sunnudag og
þriöjudag. Bílaverkstæði Badda,
sem Þjóðleikhúsleikarar sýna á
Litla sviðinu, Lindargötu 7, verður
sýnt um helgina, en uppselt erá þær
sýníngar. Næstu sýningar veröa 6., 8.
og 9. mars nk. (þaö er nú ekki langt í
aö mars komi, muniöi þaö). Leikhús-
ið Frú Emílía sýnir Kontrabassann í
kvöld og annað kvöld, föstudags-
kvöld, kl. 21 og er leikritið sýnt á
Laugavegi 55B. „Á sama stað'' —
leikritiö sem Egg-leikhúsið sýnir, er
flutt í Mandarínanum við Tryggva-
götu í hádeginu á laugardaginn, en
þessum sýningum fer senn aö Ijúka.
Ás-leikhúsið sýnir ...farðu ekki á
Galdralofti, Hafnarstræti 9, í kvöld,
sunnudag og fimmtudag í næstu
viku. Sýningarnar hefjast kl. 20.30,
nema hvað sunnudagssýningin er
eftirmiðdagssýning og hefst kl. 16.
Sýninaum á þessu verki fer fækk-
andi. I Islensku óperunni er veriö að
sýna — eins og kunnugt mun vera —
Don Giovanni og veröa næstu sýn-
ingar annað kvöld og á sunnudags-
kvöldið kl. 20.00.
Eyjólfur Einarsson listmálari
„Fuglarnir úr fyrri verkum flognir á brott."
Mála minn-
ingar mínar
Eyjólfur Einarsson listmálari opnar níundu
einkasýninguna á laugardaginn
„Já, það er sjór í flestum myndum hjá mér núna,“ sagdi
Eyjólfur Einarsson listmálari, sem á laugardaginn opnar
sýningu á verkum sínum í sal Félags íslenskra myndlist-
armanna, FIM, við Gardastræti.
„Einhvern tíma var ég spurður
hvers vegna ég málaði ekki sjóinn,
maður sem hefði verið á sjó. Ég
svaraði því til þá, að kannski væri
hann of nærri mér til að ég treysti
mér til að takast á við hann. Núna er
eins og minningarnar frá sjónum
séu að koma upp, enda er ég löngu
búinn að afskrifa söknuð til sjávar-
ins."
Sýnir.g Eyjólfs í FÍM-salnum er
níunda einkasýning hans, en síð-
ustu einkasýninguna hélt hann í
Listmunahúsinu haustið 1985. Þá
hafði Eyjólfur dvalist um tveggja
mánaða skeið í Amsterdam og unn-
ið að myndum sínum og nú í vetur
dvaldi hann á Ítalíu, aðallega í Róm
en einnig í Flórens. Finnur hann
mun á vinnubrögðum sínum eftir
því hvort hann er hér heima eða
erlendis? ,,Já, mér finnst munur þar
á,“ svarar Eyjólfur eftir örlitla um-
hugsun. „Einbeitingin verður betri
þegar maður er svona einn með
sjálfum sér og ég hef haft tök á að
einangra mig frá öllu öðru en vinn-
unni í dvöl minni erlendis. Þar skipti
ég deginum milli vinnu og þess að
heimsækja söfn. I rauninni er þetta
meinlætalíf sem maður lifir útiseg-
ir hann hlæjandi. „Það er í raun ein-
kennilegt hvað maður er fljótur að
skipta um ham. Erlendis gleymi ég
mörgu af því sem er fastur þáttur í
daglegu lífi manns hér heima, eins
og að horfa á sjónvarp, hlusta á út-
varp og lesa dagblöð."
Hann segist ekki heimsækja söfn
með það í huga að fá hugmyndir að
verkum: „Ég sæki sýningar og söfn
heim með opnum huga, ekki með
því hugarfari að finna þar hugmynd-
ir sem ég get stungið í vasann og
tekið upp þegar hentar. Reyni að
vera njótandi eingöngu og gleyma
atvinnumanninum. Oft spyr ég sjálf-
an mig þeirrar spurningar, hvað ég
hafi grætt á að dvelja vikum saman
í ókunnu landi. Það er eins og með
sjóinn og aðra lífsreynslu, svörin
liggja ekki í augum uppi og koma
ekki fram nærri strax. Kannski fer
ég að mála rústir, súlur og Kolosse-
um eftir tvö eða þrjú ár! Hugurinn
verður að fá að melta áhrifin hægt
og rólega, enda finnst mér ég oft
vera að mála endurminningar mín-
ar.“
Eyjólfur sýnir vatnslitamyndir og
olíumálverk á sýningunni og segir
flest verkin vera unnin á árunum
1986 og'87: „Það má segja að vatns-
litaverkin séu hálf „súrrealísk" og
„stíliseruð”, en tengjast mörg sjón-
um á einhvern hátt. Það gætir víða
náttúrulegra áhrifa, kannski áhrifa
frá ferðum mínum vestur í Arnar-
fjörð og á Snæfellsnesið, en á þeim
stöðum dvel ég mikið á sumrin. í
olíumálverkunum ráða ríkjum
„natúralismi" og „geómetrísk"
form, sem ég hef gaman af að fást
við.“
En það er ekki aðeins sjórinn sem
er áberandi í verkum Eyjólfs. Fjöll
koma víða fram; svífandi fjöll, fjöll í
fjarska, og Snæfellsjökull er greini-
legur: „Kannski eru þetta allt mis-
munandi útfærslur af Snæfellsjökli,"
segir Eyjólfur. „Hins vegar leyna
vestfirsk áhrif sér ekki. Mér finnst
öll fjöll á Vestfjörðum vera eins,
þetta þverhnípta bjarg sem ég leyfi
að haldast óbreyttu."
í sumum myndanna birtist stigi —
tröppur sem liggja upp og niður: „Já
þetta er einhver „Rómarmanía","
segir Eyjólfur brosandi. „Kannski
hefur hún myndast við að ganga
upp og niður tröppur á rómverskum
söfnum! Fuglarnir sem voru áber-
andi í myndunum á síðustu sýningu
minni eru hins vegar flestir flognir á
brott."
En sjón er sögu ríkari og auðvitað
aldrei hægt að lýsa málverkasýn-
ingu á prenti — ekki frekar en fólk
getur „lýst“ listinni. Eða eins og Eyj-
ólfur sagði í viðtali við Helgarpóst-
inn fyrir tæpum fimm árum: „Ég
segi stundum að ég hafi ekkert vit á
myndlist, finnst ég stundum vera
eins og barn þegar ég er beðinn að
útskýra list. Hún er eins og ástin, til-
finningaleg. Minn heimur er bund-
inn við léreftið og þegar ég byrja á
mynd er ég að leggja upp í ferðalag,
sem ég veit ekki hvar, hvernig né
hvenær endar.“ — En Eyjólfur er
kominn á leiðarenda með á þriðja
tug verka og nú geta þeir sem þess
óska virt þau fyrir sér í sýningarsal
FIM frá og með næsta laugardegi kl.
14 til sunnudagsins 13. mars. Norð-
lendingar eiga einnig kost á að
kynnast verkum Eyjólfs, því hann
opnar einkasýningu á Húsavík 24.
mars næstkomandi.
AKM
32 HELGARPÓSTURINN