Alþýðublaðið - 12.07.1939, Blaðsíða 2

IÞROTTIR
ÍÞROTTALÍF í FÆREYJUM
Viðtal við Gunnar Petersen.
Utanfarir íprótta
raanna.
För Fram til Danmerkur hefir
orðið öllum íslenzkum íþrótta-
mönnum gleðiefni. Þeir komu, sáu
og sigruðu. Af þessari utanför get-
um við lært margt, sérstaklega um
það, hvernig hentugast er að
haga slíkum ferðum, svo að við
höfum sem mest gagn af þeim.
Framarar fóru alveg rétt að,
er þeir sneiddu hjá Kaupmanna-
höfn, og fóru til minni borga með
kappleiki sína. í stórborg er von á
allt of sterkum liðum á móti, en
þó hættir slíkum keppnum við að
drukkna í öllum þeim aragrúa af
íþróttaviðburðum, sem jafnan eiga
sér stað þar. í minni borgum (á
stærð við Reykjavík) geta lið
okkar mætt góðum úrvalsliðum,
sem heiður er að sigra.
Þetta sannaðist algerlega í
Þýzkalandsförinni frægu. íslend-
ingar höfðu staðið sig vel gegn
þýzku; úrvali í Reykjavík, og þess
vegna var gert ráð fyrir sterku
liði og sterkt lið sent á móti. ís-
lendingarnir fóru hrakför. En er
við því að búast, að við stöndum
okkur gegn borgum, sem hafa úr
að velja, V2 —4 milljónum íbúa,
þegar við höfum aðeins 35 þús.
hér í Reykjavík? Þar við bætist
svo aðstöðumunurinn. Þetta er því
ofur eðlilegt. Við eigum að leita
okkur að góðum stöðum, þar sem
von er um góð lið, en ekki allt of
sterk. Við eigum alls ekki að
keppa í stórborgunum, og sízt af
öllu við úrvöl þaðan. Það hefir
áður komið okkur í koll, en hitt
hefir aftur á móti reynst ágæt-
lega, að leita í kring um „ríkin í
ríkjunum“.
Vona ég, að þeir, sem standa að
Þýzkalandsförinni næstu, athugi
þetta, svo að Knattspyrnuráöið
þurfi að gefa fleiri rósir en síð-
ast, þegar við heimsóttum ríki
Hitlers.
Zeus.
Sænska meistaramótið í fimtar-
þraut og 10 km. hlaupi fór fram
s.l. sunnudag. Úrslitin urðu þessi:
Fimtarþraut: Edfeldt 3114 stig.
10 km.: Thore Tilman 31:27,6.
T. Jensen 32:20,8.
Holmquist 32:21,8.
Færeysku knattspyrnumenn-
irnir yfirgáfu landið s.l. mánudags-
kvöld. Þeir fóru að vísu ekki sig-
urför, en þess ber að gæta, að þeir
eru hér að töluverðu leyti komnir
til að læra, og við íslendingar
höfum sjálfir farið verr heppnaðar
lærdómsferðir.
Tíðindamaður blaðsins átti ný-
lega tal við Gunnar Petersen, sem
er formaður knattspyrnumannanna
á vellinum.
— Er mikill áhugi á íþróttum í
Færeyjum?
,,í stærstu bæjunum er töluverð-
ur áhugi á íþróttum, en utan
þeirra er hann minni. Annars er
nýbúið að stofna Itrottasamband
Föroya, og mun það vinna að auk-
inni samvinnu og samheldni fær-
eyiskra íþróttamanna.“
— Hvaða íþróttir stundið þið
mest?
„Mestur er áhuginn á knattspyrn-
unni. Einnig eru sund og róður
töluvert iðkuð. Þar, sem leikfimi
salir eru fyrir hendi, en það er því
miður á allt of fáum stöðum, eru
fimleikar vel stundaðir".
— Hafið þið notið tilsagnar er-
lendra íþróttakennara?
„Við í Trangisvaag höfðum í
fyrra danskan knattspyrnuþjálfara.
Annars hefir það verið lítið, sem
ekkert.
— Hafið þið ekki oft verið
heimsóttir af erlendum íþrótta-
mönnum síðustu árin?
„Nei, það hefir verið frekar lítið
um það. Aðallega eru það knatt-
spyrnumenn frá íslandi og Shet
landseyjunum (Hjaltlandi), sem
hafa komið.“
— Hvernig eru aðstæður til í-
þróttaiðkana í Færeyjum?
„íþróttavellirnir eru taldir frek-
ar lélegir, og eins og ég gat um
áðan, eru sundlaugar og leikfimi-
salir ekki eins víða og æskilegt
væri, þótt þeim hafi fjölgað síð-
ustu árin.
Annars er eitt, sem kemur sér
illa við íþróttaiðkanir ungu mann-
anna. Það er það, að þeir verða að
stunda sjómennsku — og geta því
ekki æft að staðaldri. Til dæmis er
einn af beztu knattspyrnumönnun-
um okkar í Trangisvaag nú á veið-
um við Grænland. Þó má búazt
við. að Færeyingar geti komizt vel
á veg í íþróttum, ef þeir gætu
notið góðrar tilsagnar."
— Eruð þið ánægðir með ferð
ykkar hingað?
„Já, já, hún hefir verið með af-
brigðum skemmtileg og alltaf eitt-
hvað nýtt að sjá. Við vorum afar
hrifnir af Gullfossi, Geysi og
Þingvöllum. Einnig fannst okkur
mikið koma til gróðrarhúsanna og
borananna eftir heita vatninu. Ég
vil nota tækifærið og þakka fyrir
hinar ágætu móttökur og alla þá
gestrisni, sem við höfum mætt.“
— Hvað finnst þér um íslenzka
knattspyrnumenn?
„Þeir eru bersýnilega komnir
töluvert lengra en við, og við höf-
um lært mikið af þeim. Ég er þess
fullviss, að við höfum haft mikið
gagn af leikjunum, sem við lékum
hér.“
Við kveðjum nú þessa frændur
okkar, sem eru fyrstu íþróttamenn,
sem koma til íslands til að læra,
og óskum þeim góðrar ferðar.
ípróttamót Borg
firðinga.
Sunnudaginn 9. júlí var haldið
hið árlega íþróttamót Borgfirðinga
að Ferjukoti við Hvítá.
Kl. 1 Vi var mótið sett, síðan söng
Karlakór iðnaðarmanna,, en ræð-
ur voru haldnar þess á milli. í-
þrótt.akeppnirnar hófust með sundi
— og urðu helztu úrslit þessi:
Karlar: 100 m. frjáls aðferð:
1. Jón Sæmundsson (R.) 1:10.6
mín.
2. Jón Þórisson (R.) 1:11,1 mín.
3. Steingrímur íÞórisson (R.)
1:19,4 mín.
100 m. bringusund:
1. Einar Sigurðsson (B) 1:16,6
mín.
2. Sverrir Jónsson (R.) 1:20,1
mín.
3. Sigurður Eyjólfsson (H.)
1:23.7 mín.
Það þykir tíðindum sæta, að 2
fyrstu menn eru undir ísl. metinu
á þessari vegalengd. Þetta verður
þó skiljanlegra, þegar þess er gætt,
að synt var undan straumi.
Þó verður því ekki neitað, að þess-
ir tveir, sérstaklega Einar, syntu
prýðisvel. Ef til vill er Einar keppi-
nauturinn, sem Inga Sveins hefir
vantað svo tilfinnanlega undanfár-
ið. Kristinn Guðjónsson (R.) synti
en var dæmdur úr leik, vegna form-
galla.
50 m., frjáls aðferð, (drengir):
1. Steingr. Þórisson (R.) 30,1 sek.
2. Óttar Þorgilss. (R.) 30,5 sek.
Konur: 50 m., frjáls áðferð:
1. Stella Magnúsdóttir (R.) 30,8
sek:
2. Steinþóra Þórisdóttir (R.) 31,9
sek.
3. Unnur Jónsdóttir (R.) 46,1
sek.
Unnur synti bringusund, en hin-
ar báðar skriðsund, svo tímamun-
urinn verður skiljanlegri. Tvær
fyrstu undir ísl. meti! Það verður
ekki ánnað sagt, en að árangur
sundsins hafi verið góður, þráýt
fyrir að skilyrði voru ekki sem
bezt. Vonandi láta þessir efnilegu
sundmenn og konur sjá sig í
Reykjavík í samkeppni við okkar
góðu garpa.
Næst fór fram handknattleikur
milli stúlkna úr Borgarnesi og af
Akranesi. Báru þær síðarnefndu
sigur úr býtum með 8:3 eftir fjör-
ugan og skemmtilegan leik. Að
því loknu hófust frjálsar íþróttir.
100 m. hlaup:
1. Sigurður Guðmundsson (Sk.)
12,2 sek.
2. ívar Björnsson (R.) 13.1 sek.
3. Ingibergur Hermannsson (Sk.)
13,4 sek.
4. maðurinn í úrslitunum,
Guðm. Stefánsson, hikaði í við-
bragðinu — og varð eftir. Annars
hafði hann hlaupið á 12,9 í undan-
rás og 12,8 sek. í millihlaupi. —
Sömuleiðis fengu þeir Sigurður og
ívar betri tíma áður. Sigurður fékk
11.9 sek. í undanrás og 12,2 sek.
í millihlaupi, en ívar fékk 12,8 sek.
bæði í undanrás og millihlaupi.
Langstökk:
1. Sigurður Guðmundsson (Sk.)
5,54 mtr.
2. Jón Þórisson (R.) 5,20 mtr.
3. Einar Þorsteinsson (ísl.) 5,11
mtr.
Stokkið var móti vindi, svo ár-
angurinn má heita þolanlegur, enda
er Sigurður mjög efnilegur stökkv-
ari og hlaupari. Hann stökk t. d.
5,70 í ógildu.
Kúluvarp:
1. Hilmar Hovlund (R.) 10.63
mtr.
2. Pétur Jónsson (H.) 9,51 mtr.
3. Helgi Júlíusson (H.) 9,44
mtr,
Hilmar bar af, enda mjög lag-
inn, sérstaklega í útkastinu.
Þrístökk:
1. Sigurður Guðmundsson (Sk.)
11,86 mtr.
2. Jón Þórisson (R.) 11,67 mtr.
2. Einar Þorsteinsson (ísl.) 11,18
mtr.
Stokkið móti vindi.
Það óhapp vildi til í þessari
keppni, að einn keppandinn snerist
á fæti. Verður það víst ekki nóg-
samlega brýnt fyrir mönnum, að
fara ekki í þrístökkskeppni óæfðir.
Kringlukast:
1. Helgi Júlíusson (H) 30.95
mtr.
2. Pétur Jónsson (R.) 29,50 mtr.
3. Sigurður Wage (R.) 26,30
mtr.
Tveir fyrstu eru báðir efnilegir
og gætu bætt sig mikið með réttri
kennslu og þjálfun.
Hástökk:
1. Pétur Jónsson (R.) 1,56 mtr.
2. Helgi Júlíusson (H.) 1,46 mtr.
3. Jón Þórisson (R.) 1,41 mtr.
Stokkið var móti vindi og
halla, svo árangur varð að minnsta
kosti 5 cm. verri, en annars hefði
orðið.
Spjótkast:
1. Helgi Júlíusson (H.) 32,58
mtr.
2. Tyrfingur Þórarinsson (Sk.)
30.27 mtr.
3. Sigurður Wage (R) 28,85 mtr.
Hér voru keppendur óvanir í-
þróttinni, enda talar árangurinn
sínu máli.
Einnig má geta þess, að hættulegt
er að láta óvana kasta spjóti á
mannamótum, þótt forsjónin af-
stýrði slysi að þessu sinni.
400 m. hlaup:
1. Sigurð'ur Guðmundsson (Sk.)
57.5 sek.
2. Jakob Guðmundsson (R.)
62.5 sek.
3. Svavar Kjærnested (St.) 63,3
sek.
Sigurður vann hér sinn fjórða
sigur á móti þessu og hljóp alla
keppinautana af sér. Hann er ann-
ars efni, sem væri hægt að gera
ágætan á skömmum tíma. Afrek
hans á móti þessu eru góð, þegar
tekið er tillit til þess, að hann
tók þátt í 7 greinum og var eigin-
lega alltaf að.
Ungmennafélag Reykdæla vann
mótið og hlaut 41 stig. UMF.
Skallagrímur fékk 14 stig og önnur
félög færri.
Mótið fór yfirleitt vel fram,
enda þótt seint gengi stundum, en
ekki var við öðru að búazt, þar eð
keppendur voru frá 7—17 talsins
í hverri grein! Mættu Reykjavík-
urfélögin gjarna taka sér þetta til
fyrirmyndar, og gerið það nú!
íþr.
Meistaramót Noregs í fimtar-
raut fór þannig:
1. Bj. Brytesen 3184.
2. Alf. Kleppe 3163.
3. Erling Hagen 30,72.
Brytesen náði þessum áröngr-
um:
Langstökk: 6,65 m.
Spjótkast: 59,89 m.
200 m. hlaup: 24,0 sek.
Kringlukast 34.51 m.
1500 m. hlaup: 4:48,5 mín.
Norski langstökkvarinn Nils U.
Hansen stökk nýlega á móti í
Hammerdal 7,30 m. í langstökki.
Frá bardaganum milli Joe Louis
og Tony Galento. Louis er' að hefja
úrslitasóknina, en í henni neyddist
Galento til að hætta vegna sára í
andliti og blóðrennslis frá þeim.
Galento er fjær.
íþróttamótið að
Þjórsártúni.
Síðastliðinn sunnudag fór fram
fjölmennt íþróttamót að Þjórsár-
túni. Áhorfendur voru allmargir,
eða á þriðja þúsund. Þátttakendur
voru 31 frá 9 félögum. Keppt var
í frjálsum íþróttum og glímu. —
Helztu úrslit urðu:
100 m.: Sighvatur Kristjánsson
11,9 sek., Andrés Þórðarson.
Hástökk: Guðmundur Ágústsson
I. 55 m., Andrés Þórðarson.
Langstökk: Andrés Þórðarson
6,20. Guðmundur Ágústsson 6,15.
800 m.: Guðmundur Bjarnason
2:17,5 mín. Ögmundur Halldórs-
son.
Þrístökk: Magnús Guðmundsson
II. 85, Andrés Þórðarson.
Kúluvarp: Guðmundur Ágústs-
son 11,35.
Glímuna vann Davíð Hálfdán-
arson, annar Halldór Benedikts-
son, þriðji Jón Sveinbjörnsson.
Jóhann Einarsson þótti einnig
glíma vel og rösklega. Keppt var
um skjöld, sem er farandgripur.
í fyrra vann Jón Bjarnason, sem
ekki var með núna.
Yfirleitt fór mótið vel fram og
var þeim, sem héldu það, til sóma.
Hann stökk einnig 12.90 í þrí-
stökki og hljóp 100 m. á 11,5.
Litlu síðar keppti hann í Þránd-
heimi. Þá stökk hann 7,28 m. í
langstökkinu, og sýndi afar jöfn
stökk, eða öll fimm, sem gild voru,
yfir 7 m. Stökkin voru: 7,10 —ó-
gilt. — 7,12 — 7,24 — 7,00 — 7,28.
Hann vann 100 m. á sama móti með
11,2.
Útbreiðið Alþýðublaðið!
Bilsðngvabókin,
ómlssandi I bilferðnm og i smnarleylinn.
QHARLES NORDHOFF og JAMES NORMAN HALL:
Uppreisnin á Bounty.
20. Karl ísfeld íslenzkaði.
var orðinn rauður af reiði. Viðurinn í stóru trjánum er ónot-
hæfur og ég komst að því, þegar ég hafði fellt nokkur þeirra.
— Ónothæfur? .... Þvaður...Hefi ég ekki á réttu að
standa, herra Nelson?
— Ég er grasafræðingur, sagði Nelson og tek ekki þátt í
þessari deilu. Ég hefi ekki þekkingu á trésmíði.
— En það hefir einmitt trésmiður, bætti Purchell gamli við.
Þessi gildu tré eru alveg ónothæf í borðvið.
Bligh missti nú alveg stjórn á skapi sínu. — Gerið eins og ég
segi, hrópaði hann í bræði. — Mér dytti aldrei í hug að fara
að deila við yður eða nokkurn annan undir minni stjórn.
— Jæja þá, skipstjóri, sagði Purchell — ég skal taka stóru
trén, en ég vek athygli yðar á því, að borðin verða ónothæf.
Timburmeistari kann sín verk eins vel og skipstjóri kann sín
verk.
Bligh var kominn af stað, en nú snérist hann á hæli.
— Þér eruð þrjózkufullur þorpari, en nú hafið þér gengið
of langt! Herra Norman, takið yður yfirumsjón þessa verks.
Herra Purchell, þér farið þegar í stað til Christians liðsforingja
og sitjið í 15 daga í böndum.
'Það kom nú í minn hlut, að flytja Purchell út í skipið.
Gamli maðurinn var eldrauður í framan af bræði. Hann kreppti
hnefana og tautaði fyrir munni sér: Hann kallar mig þrjózku-
fullan þorpara og lætur setja mig í járn fyrir að gera skyldu
mína, Hann á eftir að bíta úr nálinni með þetta. Ég skal draga
hann fyrir lög og dóm, þegar til Engiands kemur.
Við fengum mat af skornum skamti og í Adventure Bay feng-
um við lítið af nýjum matvælum. Við lögðum net, en fengum
lítið af fiski, og sá fiskur, sem við fengum, var því nær óætur.
Okkur leizt í fyrstu vel á skelfiskinn, en þegar til kom, var
hann eitraður. Bligh skipstjóri lifði kongalífi á villiöndum
þeim, sem hann skaut, en við hinir lifðum sultarlífi og yfir-
mennirnir kvörtuðu stöðugt.
Þessa fjórtán daga, sem við dvöldum í Adventure Bay var
stöðug óánægja ríkjandi. Timburmeistarinn lá í böndum. Fryer
og Bligh töluðu varla saman, af því að stýrimaðurinn grunaði
skipstjórann um að hafa auðgað sig á birgðakaupunum til skips-
ins. Og rétt áður en við sigldum af stað var Ned Young, einn af
liðsforingjaefnunum bundinn við eina fallbyssuna og barinn
tólf höggum.
Young hafði verið sendur ásamt þrem mönnum í litla skips-
bátnum, til þess að ná í skeldýr og krabba. Það átti að matbúa
þá handa hinum veiku, sem lágu í tjaldi, sem við höfðum slegið
upp á ströndinni. Þeir fóru í áttina til Kap Frederick Henrey
og komu ekki aftur fyrr en í rökkursbyrjun. Young tilkynnti
þá, að Dick Skinner, einn af hásetunum, sem jafnframt var
rakari skipverja, hefði horfið í skóginum.
— Skinner kom auga á holt tré, sagði Young við Bligh — og
eftir býflugunum að dæma, sem sveimuðu í kringum það, leit
svo út, sem hunang væri 1 trénu. Hann bað mig um leyfi til
þess að svæla út býflugurnar, svo að hann gæti náð í hunang
handa sjúklingunum. Hann sagðist hafa áður fengizt við þetta
verk og væri því þess vegna vanur. Ég samþykkti þetta strax,
því að ég hélt, að þér yrðuð glaður, ef ég gæti útvegað hunang.
Tveimur klukkutímum seinna höfðum við hlaðið bátinn fullan
af skelfiskum og snérum aftur til trésins. Þá brann bál ennþá
við rætur trésins, en Skinner sást hvergi. Við gengum um skóg-
inn og leituðum, þangað til myrkrið skall á, en fundum hann
ekki.
Ég vissi af tilviljun, að Bligh hafði spurt eftir Skinner fyrr um
daginn, af því hann þurfti að láta klippa sig. Hann hafði orðið
reiður við Young, þegar hann komst að raun um, að Skinner
var með honum. Og nú, þegar Bligh var tilkynnt, að mannsins
væri saknað, gat hann ekki stjórnað skapi sínu.
— Skollinn hirði yður og öll hin liðsforingjaefnin, æpti skip-
stjórinn. Þið eruð allir eins! Hefðuð þið náð í hunangið, þá
hefðuð þið áreiðanlega borðað það strax! Hvern fjandann hafið
þér gert af Skinner? Takið með yður bátshöfn og íarið strax
þangað, sem þér sáu manninn síðast. Og svo komið þér með hann
í þetta sinn.
Young var menntaður maður. Hann varð reiður við orð skip-
stjórans, en bar þó hendina upp að húfunni. Svo kallaði hann
saman menn sína þegar í stað. Þeir komu ekki aftur fyrr en
daginn eftir, og höfðu þá verið matarlausir í sólarhring. En
í þetta sinn var Skinner með þeim. Hann hafði lagt af stað, til
þess að finna annað tré, en hafði villzt í skóginum.
Bligh gekk fokreiður um gólf á þilfarinu, þegar báturinn nálg-
aðist. Hnn missti alla stjórn á sjálfum sér, þegar Young kom
upp á þilfarið.
— Komið aftur á, herra Young, hrópaði hann. Ég skal kenna
yður að gæta skyldustarfa yðar í stað þess að reika um skóg-
inn. Herra Morrison!
— Já!