Tímarit lögfræðinga - 01.11.1977, Blaðsíða 7

SIGURÐUR GUÐJÓNSSON
Sigurður Jakob Guðjónsson bæjarfógeti í
Ólafsfirði lést hinn 18. febrúar s.l. Sigurður
fæddist 31. janúar árið 1910 að Strandhöfn í
Vopnafirði. Foreldrar hans voru þau Guðjón
Jósefsson, bóndi að Strandhöfn og kona hans
Hildur Sigurðardóttir. í Vopnafirði átti Sigurður
sína bernsku, og oftlega leitaði hugur hans
þangað síðar á lífsleiðinni.
Sigurður gekk menntaveginn, lauk stúdents-
prófi frá Menntaskólanum á Akureyri vorið 1930
og lagði síðan stund á laganám við Háskóla
íslands. Lauk hann embættisprófi í lögum 1936
að vori. Að loknu prófi starfaði hann sem mála-
flutningsmaður í Reykjavík, en gerðist fulltrúi
bæjarfógetans í Hafnarfirði árið 1938 og starf-
aði þar til 1944. Hinn 3. október 1945 var Sig-
urður settur bæjarfógeti i Ólafsfirði, og hlaut hann skipun í embættið 13.
febrúar 1946. í Ólafsfirði átti síðan fyrir Sigurði að liggja að starfa til æviloka
eða í yfir 31 ár.
Fljótlega eftir komu sína til Ólafsfjarðar hóf Sigurður afskipti af bæjarmál-
efnum. Var hann kosinn í bæjarstjórn Ólafsfjarðar árið 1946, og var hann
í framboði fyrir Alþýðuflokkinn. í bæjarstjórn sat Sigurður alls i þrjú kjörtíma-
bil fyrst frá 1946 til 1954 og síðan aftur 1958 til 1962. Hann var kjörinn forseti
bæjarstjórnar árin 1950 til 1954. Þá átti Sigurður sæti í fjölmörgum nefndum
bæjarstjórnar. Á þessum árum voru mörg stórmál Ólafsfirðinga mjög á döfinni,
svo sem hafnarmál, samgöngumál og atvinnumál, og voru umræður oft fjörug-
ar á bæjarstjórnarfundum. Lét Sigurður sér ávallt mjög annt um öll málefni,
er hann taldi, að til framfara horfðu, og mun hann oftlega hafa farið erinda
kaupstaðarins til Reykjavíkur. Þá var það Sigurður, er fyrstur manna færði
veg fyrir Ólafsfjarðarmúla í tal í bæjarstjórn Ólafsfjarðar. Það áhugamál Sig-
urðar og annarra Ólafsfirðinga komst þó ekki til framkvæmda, fyrr en eftir að
hann hafði að mestu hætt afskiptum af málefnum bæjarfélagsins.
Sigurður átti mörg fleiri áhugamál en stjórnmálin. Var hann einn af stofn-
endum Rotaryklúbbs Ólafsfjarðar og einn af virkustu meðlimum hans. Var
það eitt hans síðasta verk í lifanda lífi að taka þátt í félagsstarfi klúbbsins.
Þá var Sigurður einn hvatamanna að stofnun Golfklúbbs Ólafsfjarðar og beitti
sér mjög fyrir gerð golfvallar í firðinum. Auk þess hafði hann fjölmörg önnur
áhugamál, enda var hann félagslega sinnaður og hafði mikla ánægju af að
umgangast aðrar mannverur. Naut hann þess sérstaklega að segja sögur og
gat verið hrókur alls fagnaðar í hæfilegum hópi. Ávallt var hann ófeiminn við
að láta álit sitt í Ijós, þótt hann stæði einn um það.
í einkalífi sínu var Sigurður hamingjumaður. Hann kvæntist eftirlifandi konu
sinni, Guðbjörgu Egilsdóttur, árið 1938. Þau eignuðust 3 dætur: Hildi kennara,
gifta Stefáni Brynjólfssyni kennara, Jóhönnu Halldóru kennara, gifta Jóni
Ziemsen lyfjafræðingi, og Öglu Þórunni kennara, gifta Matthíasi Sigurpálssyni
117