Morgunblaðið - 22.12.1994, Blaðsíða 12
12 C FIMMTUDAGUR 22. DESEMBER 1994
MORGUNBLAÐIÐ
JÓLA- OG ÁRAMÓTADAGSKRÁ RÍKISÚTVARPSINS
LEIKRITIÐ Ég hef komið hér áður eftir breska leikritaskáldið JB Priestley verður flutt á jóladag.
Kveðjur, upplestur
og tónlistarhljóðrit
ELÍSABET Brekkan verður með þátt sinn Frost og funa á
annan í jólum en hún hefur fengið Barnakór Melaskóla til
liðs við sig til þess að skapa sérstakan hátiðarblæ.
MARGIR telja það
ómissandi þátt í jóla-
undirbúningnum að
hlusta á jólakveðjur
ríkisútvarpsins á Þorláksmessu en
síðastliðin 60 ár hafa þulir útvarps
iesið kveðjur hlustenda til vina og
vandamanna um land allt. Einu
gildir hvort menn hafa sent kveðjur
eða ekki, þær skapa stemmningu
sem alls ekki má missa af.
A aðfangadag mun dagskráin
bera mikinn svip af þáttum sem
fjalla um jólin heima og erlendis.
Svanhildur Jakobsdóttir kynnir sér
jólahald í Kína, Bandaríkjunum og
Betlehem og fær til sín þau Hjör-
leif Sveinbjörnsson fræðslufulltrúa
BSRB, Höllu Björk Hólmarsdóttur
nema og séra Björn Jónsson á Akra-
nesi, svo eitthvað sé nefnt.
Ekki vita allir að starfrækt er
íslenskt útvarp í Gautaborg en Víg-
lundur Gíslason, sem sér um út-
varpsstöðina sendir þaðan þátt þar
sem meðal annars verður rætt við
íslendinga í Gautaborg og sagt frá
starfsemi íslendingakórsins.
Eftir að jólum erlendis hafa verið
gerð skil sér Arndís Þorvaldsdóttir
á Egilsstöðum um þáttinn Beðið
eftir jólum. Þátturinn er fullur frá-
sagna af íslenskum jólum, m.a. er
sagan Jólanóttin þegar Guð var
gestur á Valþjófsstað eftir Þórarin
Þórarinsson fyrrverandi skólastjóra
á Eiðum. Unnendur góðrar tónlistar
fá að hlýða á ný tónlistarhljóðrit á
undan og eftir aftansöng í Dóm-
kirkjunni. Áshildur Haraldsdóttir
flautuleikari og Marteinn H. Frið-
riksson orgelleikari leika m.a. verk
eftir Bach klukkan 17.20 og klukk-
an 19.00 er leikin bafrokktónlist á
upprunaleg hljóðfæri. Á Jólavöku
Útvarpsins um kvöldið eru nokkrar
gððar sþgur, m.a. sagan Góði hirðir-
inn 'sem höfundurinn, Gunnar
Gunnarssón, las árið 1968. Guðrún
P. Helgadóttir og Róþert Arnfinns-
son lesa nokkur ljóð sem Gúðrún
hefur valið klukkan 22.00 og klukk-
an 23.00 verður útvarpað miðnæt-
umiessu í Hallgrímskirkju.
Jólaleikrit
Jólaleikrit Útvarpsins í ár Ég hef
komið hér áður verður flutt á jóla-
dag klukkan 13.00. Það er flutt í
aldarminningu höfundarins, breska
leikritaskáldsins JB Priestley. Leik-
ritið gerist á afskekktri veitingakrá
uppi á heiði í norðurhluta Eng-
lands. Meðal gestanna er þýskur
vísindamaður sem hyggst nota að-
stæðurnar til þess að sannreyna
kenningu sína um hringrás tímans.
Þýðandi og leikstjóri er Sigurður
Skúlason.
Snemma á jóladag eða eftir frétt-
ir klukkan 10 er þáttur frá lands-
byggðinni sem fjallar um eina
minnstu sókn landsins en aðeins
eitt sóknarbarn tilheyrir Ábæjar-
kirkju í Skagafirði. Messað er einu
sinni á ári og fjöldi gesta kemur
víða að til að vera við messu í þess-
ari litlu afdalakirkju. Rætt verður
við sóknarbarnið, prestinn, fræðst
um sögu kirkjunnar og hlýtt á
messusöng.
■ Á jóladag verður fyrsta og öðrum
þætti Messíasar eftir Hándel út-
varpað, jólatónleikum Kammer-
sveitar Reykjavíkur og jólaóratór-
íunni eftir Jóhann Sebastian Bach.
Annan í jólum heldur Inga Huld
Hákonardóttir áfram að fjalla um
konur og kristni. Ævar Kjartansson
heimsækir frú Magneu Þorkelsdótt-
ur og Sigurbjörn Einarsson biskup
klukkan 13.00 og að þeim þætti
loknum verður sérstök dagskrá um
Wolfgang Amadeus Mozart í tali
og tónum. Leikin verður hljóðritun
frá Mozarthátíðinni í Salzburg og
í hana fléttað lestri úr bréfum Moz-
arts og ljóðum nokkurra úrvals-
skálda. Töfraflauta Mozarts verður
svo flutt að kvöldi nýársdags.
Fyrir börnin
Yfir hátíðirnar er boðið upp á
jólaefni fyrir börnin. Á jóladag
klukkan 16.35 er barnatími fyrir'
yngstu börnin og annan í jólum
verður leikin hljóðritun frá jólatón-
leikum Sinfóníuhljómsveitar íslands
þar sem börn eru meðal flytjenda
og klukkan 19.35 verður mikið um
að vera í barnaþætti Elísabetar
Brekkan Frosti og funa en Elísabet
hefur fengið Barnakór Melaskóla
til liðs við sig til þess að skapa sér-
stakan hátíðarblæ í jólaþættinum.
Af öðrum þáttum þennan dag má
minna á jólakvöldvöku Péturs
Bjarnasonar frá ísafirði, hljóm-
plöturabb Þorsteins Hannessonar
og þátt um Álftagerðisbræður í
Skagafirði.
Horft um öxl
Dagskrá gamlársdags einkennist
af uppgjöri, litið er um öxl og horft
fram á veg. Að loknum fréttum
klukkan 9.00 er áramótaþáttur fyr-
ir alla fjölskylduna í umsjá Elisabet-
ar Brekkan en meðal efnis í þættin-
um er hin sígilda saga Litla stúlkan
með eldspýturnar eftir HC Ander-
sen sem Þóra Friðriksdóttir les. Kl.
14.00 er að venju bein útsending
frá afhendingu styrks úr Rithöf-
undasjóði Ríkisútvarpsins og að
henni lokinni syngur Guðrún María
Finnbogadóttir, sigurvegari Tón-
Vakakeppninnar 1994, nokkur lög.
Tónlist dagsins er þjóðleg og Ein-
söngvarakórinn og Kammerkórinn
flytja sína hefðbundnu gamlárs-
Á AÐFANGADAG kynnir
Svanhildur Jakobsdóttir sér
jólahald í Kína, Bandaríkjun-
um og Betlehem og fær til
sin Hjörleif Sveinbjörnsson
fræðslufulltrúa BSRB og
Höllu Björk Hólmarsdóttur
nema, auk annarra.
kvöldssöngva en klukkan 22.35
syngja helstu tenórar landsins í
hljóðritun frá tónleikum í Kapla-
krika fyrr í mánuðinum. Eftir að
klukkan slær tólf færist fjör í leik-
inn því þá heldur Hermann Ragnar
Stefánsson áramótadansleik þar
sem harmónikkulög verða í fyrir-
rúmi.
Nýársgleði
Á nýársdag verður útvarpað
messu í Dómkirkjunni klukkan
11.00 þar sem biskup íslands, herra
Ólafur Skúlason, prédikar. Kl.
13.30 sér hinn gamalreyndi út-
varpsmaður Jónas Jónasson um
nýársgleði Útvarpsins eins og hann
hefur gert undanfarin ár. Að þessu
sinni bregður Jónas sér út fyrir
borgarmörkin og kannar hvað lista-
menn á Suðurnesjum hafa upp á
að bjóða. Einsöngvarar, hljóðfæra-
leikarar og Kirkjukór Keflavíkur
koma fram ásamt fjölmörgum öðr-
um. Eftir erindi dr. Sigurbjörns
Einarssonar biskups um séra Frið-
rik Friðriksson fá hlustendur að
hlýða á Gloriu eftir Antonio Vivaldi
og klukkan 17.40 verður tónleikum
Kammermúsíkklúbbsins frá 4. des.
sl. útvarpað en á dagskrá voru verk
eftir Ludwig van Beethoven og
Antonin Dvorák. Kl. 19.35 fá hlust-
endur að hlýða á Töfraflautu Moz-
arts undir stjórn Williams Christies
og klukkan 22.03 verður lesin smá-
sagan Dagbók hringjarans eftir
Sindra Freysson.
Hátíðardagskrá Rásar 2
Jólahald fyrr og nú, heima og
erlendis, líðan fólks á aðfangadag
og fleira verður meðal efnis í Laug-
ardagslífi Hrafnhildar Halldór sdótt-
ur á aðfangadagsmorgun en þáttur-
inn er frá 9-12. Gestur Einar Jónas-
son fær til sín jólagest klukkan
13.00 og þættirnir Heimsendir og
jólaþáttur Lísu Pálsdóttur verða að
sjálfsögðu með jólayfirbragði. Á
jóladag verður Jóhannes Jónsson í
Bónus þriðji maðurinn í þætti þeirra
Árna Þórarinssonar og Ingólfs Mar-
geirssonar klukkan 13.00 og klukk-
an 16.05 er hljóðmynd Þorsteins
J. Vilhjálmssonar Guð er góður á
dagskrá en þar er sagt frá hjónun-
um Kristjáni og Jóhönnu sem sitja
inni í stofu hjá sér, með segulbands-
tækið sitt. Þau rifja upp hvernig
þau kynntust Guði, hvort öðru, og
syngja sálma sem hafa verið þeim
kærir í gegnum lífið. Fyrir þá sem
verða í jólaboðum má geta þess að
þátturinn verður endurfluttur á
nýársdag klukkan 19.20. Annan í
jólum klukkan 13.00 fjallar Ólafur
H. Torfason um jólajjyikmyndirnar
og klukkan 17.00 verður útvarpað
tónleikum Harðar Torfásonar í
Borgarleikhúsinu 2. sept. sl.
Á gamlársdag klukkan 13.00-
16.00 verður mikið um að vera á
Rás 2. Útvarpað verður beint frá
Kaffi Reykjavík og í kaffið koma
landsfeðurnir, jafnt sem aðrir, sem
settu svip sinn á þjóðlífið á árinu,
Páll Óskar og Milljónamæringarnir
skemmta og ekki má gleyma því
að hlustendur Rásar 2 velja mann
ársins í beinni útsendingu.
Jólatón-
listar-
kross-
gátan
Lausnir sendist til
Brossins
Hafnargötu 15 -
230 Keflavík
Merktar:
Tónlistarkrossgátan