Alþýðublaðið - 25.11.1989, Blaðsíða 1
Bankarádskosning í Búnadarbanka:
Stefán
Valgeirsson
afskrifaður
Stefán Valgeirsson þingmað-
ur Samtaka um jafnrétti og fé-
lagshyggju verður ekki áfram
formaður stjórnar bankaráðs
Búnaðarbankans og vafi að
hann hafi fulltingi til kjörs sem
óbreyttur ráðsmaður. Þetta
hefur Alþýðublaðið eftir áreið-
anlegum heimildum.
\
Um nokkurt skeið hefur verið
fjallað um kosningar í stjórn Bún-
aðarbankans á Alþingi og þá ekki
síst hvort Stefán héldi þar sessi sín-
um. Um skeið hafði Stefán það
tromp á hendi að ráða hvort nýr
bankastjóri yrði úr röðum starfs-
manna bankans eða sérlegur full-
trúi einhvers stjórnarflokkanna.
Áhugi var þó alla tíð mjög tak-
markaður innan stjórnarflokk-
anna að fá bankastjóra gegn
áframhaldandi formennsku Stef-
áns.
Engin bein ákvörðun hefur ver-
ið tekin um kosningarnar í banka-
ráðið. Þær áttu að verða í liðinni
viku, var frestað til mánudags og
hefur aftur verið frestað, að líkind-
um til fimmtudags. Að sögn heim-
ildarmanna Alþýðublaðsins liggur
þaö eitt öruggt fyrir að Stefán
verður ekki formaður ráðsins, en
það er bankamálaráðherra sem
tilnefnir formann.
Það hefur ekki síst bitnað á
möguleikum Stefáns að undanfar-
ið hefur hann beint þungum skeyt-
um að Alþýðuflokknum og kennt
honum um fréttaflutning af fyrir-
greiðslupólitík þingmannsins og
aðstoðarmanns, sem var á launa-
skrá forsætisráðuneytisins án þess
að starfa þar. Stefán hefur brugðið
á það ráð að óska eftir athugun hjá
Ríkissaksóknara á störfum sínum í
Búnaðarbanka og hinum ýmsu
sjóðum sem hann á sæti í.
Stefán Valgeirsson hefur farið fram á að fyrirgreiðslur sínar í hinum ýmsu stjórnum og ráöum verði athugaðar af
ríkissaksóknara. Samkvæmt heimildum Alþýöublaðsins mun bitlingunum eitthvað fækka hjá Stefáni.
Hrœringar í flugmálum:
Nýr flugrisi i
innanlandsflugi?
Flugleiðir undirbúa nú stofnun nýs flugfélags til
aö annast innalandsflug. Hugsanlegt er aö innan-
landsdeild Flugleiða sameinist litlu landshluta-
flugfélögunum þremur. Viðræður um þessi mál
eru þó ekki hafnar, en foráðamenn litlu flugfélag-
anna segjast ekki vilja loka neinum leiðum fyrir-
fram.
Inn í hugmyndir Flugleiðamanna spila líka hug-
myndir um samstarf við erlend flugfélög, auk þess
sem væntanleg aukin samkeppni á flugleiðum inn-
anlands á sinn þátt í þörfinni fyrir aukna samvinnu
eða sameiningu.
Samruni flugfélaga gæti þó mætt andstöðu úti á
landsbyggðinni af ýmsum ástæðum. T.d. myndu
ákveðin sveitarfélög sennilega verða af opinberum
gjöldum sem þau fá nú, ef til sameiningar kæmi.
Um innanlandsflugið er fjallað í fréttaskýringu.
Sjó bls. 5
Samkeppni í innan-
landsflugi fer af stað
um áramót.
Úlfar Pormódsson fyrrum formaöur út-
gáfustjórnar Pjóöviljans:
Ólafur Ragnar átti
að segja af sér
Úlfar Þormóðsson rithöfundur og félagi í Alþýðu-
bandalaginu segir í Króníku Alþýðublaðsins í dag,
að Ólafur Ragnar Grímsson formaður Alþýðu-
bandalagsins hefði átt að segja af sér formennsku
þegar niðurstööur landsfundar Alþýðubandalags-
ins lágu fyrir.
Úlfar sem er fyrrum formaður útgáfunefndar
Þjóðviljans og átti lengi sæti í miðstjórn Alþýðu-
bandalagsins, segir í greininni að ný sókn sósíalism-
ans sé hafin í Austur-Evrópu. Ólafur Ragnar og
stuðningsmenn hans hafi hins vegar ekki áttað sig á
þessari staðreynd og því talið að nú væri réttur tími
til að strika sósíalismann út úr stefnuskrá flokksins. Á
landsfundinum hafi formaðurinn mætt yfirgnæf-
andi andstöðu við hugmyndir sínar.
„Þess vegna höfnuðu félagar mínir einnig Ólafi
Ragnari. En í stað þess að skilja þegar skall í tönnum
og segja af sér eins og kollegar hans austan tjaldsins
rifna gera nú hver af öðrum, lét hann setja sig einan
og hlæjandi á kjánaprikið mitt," segir Úlfar Þormóðs-
son í Króníku Alþýðublaðsins.
Sjá bls. 3
Að mati Úlfars Þor-
móðssonar átti Ólafur
Ragnar Grímsson for-
maður Alþýðubanda-
lagsins aö segja af sér
þegar niöurstöður
landsfundar ftokksins
lágu fyrir.
íslenskur sjávarútvegur
og Evrópubandalagiö
Tollfrelsi á mörkuðum EB
er krafa islendinga
íslenskur sjávarútvegur og Evrópubandalagið er
viðfangsefni Alþýðublaðsins í dag í greinaflokkun-
um um ísland og Evrópu. Það er eitt helsta hags-
munamál okkar Islendinga í dag að við fáum toll-
frjálsan og hindranalausan aðgang að mörkuðum
EB. Með öðrum orðum, við viljum fá íslenskar sjávar-
afurðir viðurkenndar sem okkar iðnaðarvörur og að
fullt tillit verði tekið til sérstöðu okkar vegna hins fá-
brotna hagkerfis sem við búum við. Fríverslun mun
ekki einasta gera okkur auðveldara að selja fiskinn
okkar á mörkuðum EB, heldur um leið myndi hún
styrkja íslenska fiskvinnslu. EB hagar sínum tolla-
málum þannig að í raun og veru er fiskvinnslan inn-
an EB-landanna í beinni samkeppni við íslenska fisk-
vinnslu. Þetta gerir bandalagið með því að tolla unn-
in fisk miklu hærra en óunninn.