Morgunblaðið - 19.02.2002, Blaðsíða 1
AP
MEÐLIMIR í launþega-
samtökum kommúnista (CGT) í
Frakklandi eyðilögðu í fyrri-
nótt fimmtíu þúsund eintök af
Marseilles-útgáfu dagblaðsins
Metro, sem var eitt þriggja
dagblaða sem byrjað var að
dreifa ókeypis í Frakklandi í
gær. Metro er gefið út víðs
vegar í heiminum, en útgefandi
þess er sænska fyrirtækið
Metro International. Félagar í
CGT réðust inn í prentsmiðju í
Vitrolles í Suður-Frakklandi og
lögðu hald á nýprentað upplag
blaðsins, að sögn lögreglu. Þeir
hótuðu síðan að skemma tæki í
prentsmiðjunni og komu í veg
fyrir að hægt væri að hefja
prentun blaðsins á ný. Laun-
þegasamtök í Frakklandi eru
andvíg útgáfu blaðsins, sem er
að mestu prentað og dreift af
fólki sem stendur utan laun-
þegasamtaka. Um 200 þúsund
eintökum af Metro var dreift í
París í gær, en það upplag var
prentað í Lúxemborg í fyrri-
nótt.
Blöð eyðilögð
41. TBL. 90. ÁRG. ÞRIÐJUDAGUR 19. FEBRÚAR 2002 PRENTSMIÐJA MORGUNBLAÐSINS
STOFNAÐ 1913
MORGUNBLAÐIÐ 19. FEBRÚAR 2002
GEORGE W. Bush Bandaríkja-
forseti sagði í Tókýó í gær að öllum
möguleikum væri haldið opnum að
því er varðaði hugsanlegar aðgerðir
gegn Írak, Íran og Norður-Kóreu,
ríkjunum sem Bush hefur kallað
„öxul hins illa“. Bush átti í gær fund
með Junichiro Koizumi, forsætisráð-
herra Japans, og lýsti hann stuðn-
ingi við stefnu hans í efnahags-
málum en mjög hefur kreppt að í
Japan undanfarin misseri. Bush fer
til Seoul í Suður-Kóreu í dag og til
Peking í Kína síðar í vikunni.
Reuters
Öllum
möguleik-
um haldið
opnum
Kveðst styðja/20
UTANRÍKISRÁÐHERRAR aðild-
arríkja Evrópusambandsins, ESB,
náðu í gær samkomulagi um refsiað-
gerðir gegn stjórnvöldum í Afríku-
ríkinu Zimbabwe vegna mannrétt-
indabrota stjórnar Roberts Mugabe
forseta. Honum og ráðherrum hans
verður bannað að koma til ESB-
landa og eigi þeir eignir í löndunum
verða þær frystar.
Þá verða um 30 liðsmenn eftirlits-
nefndar á vegum sambandsins, sem
áttu að fylgjast með forsetakosning-
um 9.–10. mars, kallaðir á brott. Yf-
irmaður nefndarinnar, Svíinn Pierre
Schori, var rekinn frá Zimbabwe á
laugardag.
Ákvörðun ESB kom sama dag og
stuðningsmenn Mugabe gengu ber-
serksgang í miðborg Harare. Grýttu
þeir aðalstöðvar helsta stjórnarand-
stöðuflokksins og hrópuðu ókvæðis-
orð að leiðtogum hans. Er stjórnar-
andstæðingar yfirgáfu höfuðstöðvar
sínar handtók lögreglan þá og barði
auk þess nokkra vegfarendur á
staðnum með kylfum sínum.
Talið að Tsvangirai
geti fellt Mugabe
Stjórn Mugabe hefur með ýmsum
hætti þrengt að tjáningarfrelsi
stjórnarandstæðinga en talið er að
forsetaefni þeirra, Morgan Tsvang-
irai, geti fellt Mugabe. Meðal annars
hefur Mugabe krafist þess að í eft-
irlitsnefndinni verði ekki fólk frá
Bretlandi, Þýskalandi, Hollandi, Sví-
þjóð, Finnlandi eða Danmörku og
fullyrðir að þessar þjóðir styðji
Tsvangirai. Mugabe hefur verið for-
seti í 22 ár og efnahagur landsins er
á heljarþröm, atvinnuleysi yfir 50%
og spáð hungursneyð á næstu árum.
Refsiað-
gerðir
gegn
Mugabe
Brussel, Harare. AFP.
ARIEL Sharon, forsætisráðherra
Ísraels, fundaði í gærkvöldi með yf-
irmönnum ísraelska hersins en á
dagskrá var að ræða hvernig bregð-
ast ætti við ítrekuðum sjálfsmorðs-
árásum palestínskra öfgamanna
gegn ísraelskum borgurum. Mikill
þrýstingur er nú á Sharon heima fyr-
ir en dagblöð í Ísrael gagnrýndu for-
sætisráðherrann í gær fyrir úrræða-
leysi og sögðu að honum hefði ekki
tekist að standa við gefin loforð um
að beita Palestínumenn hörðu til að
tryggja öryggi ísraelskra borgara.
Bárust af því fréttir seint í gær-
kvöld að Ísraelar hefðu hafið loft-
árásir á skotmörk á Gazasvæðinu og
á Vesturbakkanum.
Fyrr í gær hafði Shimon Peres, ut-
anríkisráðherra Ísraels, látið hafa
eftir sér að Evrópumenn yrðu að
fylkja liði með Bandaríkjunum í bar-
áttunni gegn hryðjuverkum og að
þeir þyrftu að varast að taka afstöðu
í deilu Ísraela og Palestínumanna.
„Ég bið vini mína í Evrópulönd-
unum að vera ekki hlynntir Ísraelum
annars vegar eða Palestínumönnum
hins vegar, heldur að vera hlynntir
friði,“ sagði Peres. Bætti hann því
við að það myndi hafa slæm áhrif á
friðarumleitanir í Mið-Austurlönd-
um ef Evrópumenn og Bandaríkin
væru á öndverðum meiði í afstöðu til
þess hvernig stuðla skyldi að sáttum.
Sex féllu í gær
Peres átti á sunnudag leynifund
með Ahmed Qorei, forseta heima-
stjórnarþings Palestínumanna, en
ekki var ljóst hvort nokkur árangur
hefði náðst á fundinum.
Áfram var róstusamt á heima-
stjórnarsvæðum Palestínumanna í
gær og létust þrír Palestínumenn og
fjórir Ísraelar í skærum. Fórust þrír
Ísraelsmenn í sjálfsmorðsárás pal-
estínsks liðsmanns Al Aqsa-hreyf-
ingarinnar í Gaza og fjórir særðust.
Fyrr um daginn hafði ísraelska lög-
reglan stöðvað bifreið á þjóðveginum
til Jerúsalem og sprengdi palest-
ínskur ökumaður hennar sig í loft
upp í kjölfarið. Lést ísraelskur lög-
reglumaður í sprengingunni.
Loks var palestínskur byssumað-
ur skotinn til bana seint í gær í ísr-
aelska landnámsbænum Morag,
sunnarlega á Gaza-svæðinu, eftir að
hann hafði sýnt tilburði til að gera
árás á íbúa bæjarins.
Sharon gagnrýndur
fyrir úrræðaleysi
Jerúsalem. AFP, AP.
SLOBODAN Milosevic, fyrrverandi
forseti Júgóslavíu, kenndi í gær
Vesturveldunum um þau blóðugu
átök sem geisuðu á Balkanskaganum
á síðasta áratug síðustu aldar. Sagði
hann að leiðtogar þeirra hefðu kynt
undir spennu í samskiptum þjóðar-
brotanna í fyrrum Júgóslavíu í því
skyni að seilast til áhrifa í þessum
hluta Evrópu.
Milosevic lauk þriggja daga langri
upphafsræðu sinni í gær en réttar-
höld hófust yfir honum vegna ásak-
ana um stríðsglæpi fyrir stríðs-
glæpadómstólnum í Haag í Hollandi
í síðustu viku.
Lýsti Milosevic sjálfum sér sem
ötulum liðsmanni friðar og hann
neitaði algerlega að bera nokkra
ábyrgð á fjöldamorðunum í Srebre-
nica í Bosníu 1995.
Vitnaleiðslur hófust að lokinni
varnarræðu Milosevics og kölluðu
saksóknarar fyrst fyrir Kosovo-Alb-
anann Mehmet Bakali, sem áður var
leiðtogi Kommúnistaflokksins í Kos-
ovo. Sakaði Bakali Milosevic um að
hafa innleitt „aðskilnaðarstefnu“ í
Kosovo og fullyrti að forsetinn hefði
haft vitneskju um glæpi sem örygg-
issveitir Serba frömdu gegn Albön-
um í Kosovo.
Á sama tíma sagði Wolfgang Pet-
ritsch, sérlegur fulltrúi Sameinuðu
þjóðanna í Bosníu-Hersegóvínu, að
það væri „skammarlegt“ að þeir
Radovan Karadzic og Ratko Mladic,
sem eftirlýstir eru fyrir stríðsglæpi í
Bosníustríðinu 1992–1995, skyldu
enn ganga lausir. Hvatti hann til
þess að þeir yrðu handsamaðir og
færðir þegar til Haag.
Sakaður um aðskiln-
aðarstefnu í Kosovo
Haag, Brussel. AFP.
Vitnaleiðslur hafnar í réttarhöldum yfir Slobodan Milosevic