Tíminn - 19.07.1983, Blaðsíða 10
Tap Iðn-
lánasjóðs
4,5 millj-
ónir kr.
á móti 16,6 milljóna
hagnaði árið áður
■ Iðnlánasjóöi bárust 384 lánsum-
sóknir í fyrra í stað 343 árið 1981, sem
er W/o aykning. í fjárhæðum hækk-
uðu lánsbeiðnirallsúr 152,7 milljónum
kr. í 255,2 milljónir cða um 67%.
Heildarráðstöfunarfé sjóðsins jókst
hins vegar aðeins um 37%, og gat
sjóðurinn því ekki sinnt jafn háu
hlutfalli af eftjrspurn og árið áður.
Fjöldi afgreiddra lána var í fyrra 345
en 338 árið áður. Afgreidd voru lán að
fjárhæð 125,2 milljónir króna á móti
93,7 1981, og nemur aukningin því
34%. Tap varð á rekstri sjóðsins í fyrra
og nam það 4,5 milljónum króna á
móti 16.6 milljóna hagnaði árið áður.
í fréttabréfi Landssambands iðnað-
armanna, segir, að skýringar á þessari
óheillavænlcgu þróun sé'. að ftnna í 90
til 105% hækkun þcirra erlendu mynta
sem hluti innlána sjóðsins er bundinn.
Samsvarandi breyting á lánskjara- og
byggíngavísitölu, sem útlán sjóðsins
fylgja, var 60 til 64% á sama tíma,
Útflutningsmiðstöð
iðnaðarins:
Leitar markaða
í grannlöndum
■ Útflutningsmiðstöð iðnaðarins
hefur undanfarið unnið ötullega að
því að finna markað fyrir íslenskan
iðnvarning í Færeyjum. Alls hafa verið
kynntar 1 Færeyjum vörur 38 fyrirtækja
með þeim árangri að 16 til 18 hafa
þcgar íengið pantanir, eina eða fleiri.
Ú.i. efndi til sérstaks fundar fyrir
skömmu mcð þcini fyrirtækjum, scm
unnið hefur verið með í Færeyjum.
Þar voru kynntar hugmyndir um fram-
hald þessa verkefnis á nýjum mörkuð-
um. í því sambandi voru nefnd eftirtal-
in svæði: írland, Skotland, Hjaltland
og Nýfundnaland.
Þeir íðnrekendur sem áhuga hafa á
að kynna vörur sfnar í eftirtöldum
löndum geta fengið nánari upplýsingar
á skrifstofu Ú.i.
Offramleiðsla
á kjöti í Noregi
■ Umframframleiðsla á kjöti í Noregi
var í fyrra um 1.200 tonn, en í ár er
gért ráð fyrir að umframframleiðslan
verði um 500 tonnum meiri, samkvæmt
upplýsingum, sem fram koma í frétta-
bréfi upplýsingaþjónustu landbúnaöar-
ins.
Búist er við þessari þróun þrátt fyrir
að framleiðslu á kjöti muni dragast
saman um 1000 tonn, en Norðntenn
gcra ráð fyrir að talsvert dragi úr
innanlandssölu-á kjöti.
Mest verður offramleiðsla á nauta-
kjöti, eða um 8000 tonn, af svfnakjöti
er gert ráð fyrir aö framleitt verði 3400
tonn umfrarn innanlandssöluna, en í
fyrra var umframframleiðslan rúmlega
7000 tonn.
Sala á kindakjöti í Norcgi gekk mun
betur í fyrra en ætlað var - aðeins um
700 tonn af framleiðslunni seldust ekki
innanlands, en um 800 tonn voru seld
á útsöluverði.
í ár er gert ráð fyrir 1.200 tonna
umframframleiðslu á kindakjöti og til
viðbótar koma 600 tonn sem Norð-
mcnn kaupa frá íslandi.
■ Bankastjórarnir Magnús Jónsson og Stefán Hilmarsson og aðstoðarbankastjórinn Sólon R. Sigurðsson, en hann mun veita deild erlendra viðskipta forstöðu.
Búnaðarbankinn hefur gjaldeyrisviðskipti:
Tímamynd Árni Sæberg
„Mestu tímamót
í sögu bankans"
segir Stefán Hilmarsson, bankastjóri
■ „Þetta eru mcstu tímamót í sögu
bankans allt frá því hann var stofnaður
og einnig talsverð tímamót í íslenskri
bankasögu. Nú eru gjaldeyrisbankarnir
orðnir þrír í stað tveggja,“ sagði Stefán
Hilmarsson, bankastjóri Búnaðarbanka
íslands, á blaðamannafundi, sem hald-
inn var til að kynna gjaldeyrisafgreiðslu
bankans, en hún varð að veruleika síðast
liðinn föstudag.
Seðlabanki íslands ákvað samkvæmt
heimild í lögum og að fengnu samþykki
bankamálaráðherra, að Búnaðarbank-
inn, sem er annar stærsti viðskiptabanki
landsins, skyldi fá fulla heimild til gjald-
eyrisviðskipta til jafns við hina ríkis-
bankana, í október síðast liðnum. Á
blaðamannafundinum kom fram að þar
með var gömlu en torsóttu hagsmuna-
máli bankans komið í höfn, en nú mun
vera liðinn hálfur fjórði áratugur, síðan
bankinn fyrst leitaði eftir slíkri heimild.
„Ótal erindi bankans héraðlútandi á
löngum tíma hafa ekki fengið úrlausn
fyrr en nú, enda þótt oft væru gefin
fyrirheit, sem aldrei rættust. Helstu
röksemdir bankans fyrir fullum gjaldeyr-
isréttindum hafa jafnan verið byggðar á
stöðu hans í bankakerfinu, stærð hans
og hlutdeild í heildar inn og útlánum,
dreifingu þjónustunnar, auk sterkrar
eiginfjár- og lausafjárstöðu,“ sagði
Magnús Jónsson, bankastjóri, á fundin-
um.
Einnig kom fram að stofnun deildar-
innar var margþætt og vandasamt verk-
efni, ekki síst vegna þess hvernig standa
verður að stjórn og eftirliti með ráð-
stöfun á gjaldeyriseign þjóðarinnar.
Sú ákvörðun var tekin í vetur að taka
upp um sama leyti þjónustu í öllum
greinum erlendra viðskipta, en ekki í
áföngum eins og upphaflega var áformað
og skyldi sú starfsemi ná til allra útibúa
bankans bæði í og utan Reykjavíkur. f
deild erlendra viðskipta aðalbankans og
útibúunum verður því unnt að annast
allar afgreiðslur, sem tengjast erlendum
gjaldeyri, eða viðskiptum við útlönd,
hvort sem er vegna ferðamanna eða inn-
og útflytjenda vöru. Aðalstöðvar er-
lendra viðskipta verða í húsnæði því, er
bankinn eignaðist á síðast liðnu ári að
Austurstræti 7, sem nú hefur verið tengt
húsi bankans, Austurstræti 5.
Auk þess að selja venjulegan ferða-
mannagjaldeyri býður bankinn einnig
VISA-greiðslukort, sem afgreidd verða
til ferðamanna eftir reglum gjaldeyriseft-
irlits Seðlabankans. Búnaðarbankinn
er aðili að nýstofnuðu fyrirtæki, sem
byrjar starfsemi sína næstu daga, VISA
- ÍSLANDI. En það mun sjá um útgáfu
og þjónustu vegna VISA-kortanna fyrir
þá banka og sparisjóði, sem aðild eiga
að fyrirtækinu. VISA - ÍSLAND verður
einnig til húsa að Austurstræti 7.
Forstöðumaður deildar erlendra við-
skipta er Sólon Sigurðsson, aðstoðar-
bankastjóri, fyrrum starfsmaður Lands-
banka íslands, síðast útibússtjóri þess
banka á Snæfellsnesi. Sólon hefur mikla
reynslu af bankastarfi bæði hér heima og
erlendis.
Landsvirkjun:
Tapið rúmlega
150 milljóriir
■ Rekstrartekjur Landsvirkjunar juk-
ust á árinu 1982 um 94,4% frá árinu
1981. Tekjur frá almenningsrafveitum
hækkuðu um 93,6%, sem stafar af
10,7% söluaukningu auk verðhækkana
á árinu. Tekjur af sölu til stóriðju
hækkuðu um 96,5%. Orkuverð til ÍSAL
og Áburðarverksmiðjunnar í Gufunesi
var óbreytt allt árið í bandaríkjadollur-
um, en hækkaði verulega í krónum talið
vegna gengisbreytinga. Auk hækkunar
tekna frá Járnblendifélaginu vegna geng-
isbreytinga hækkaði raforkuverð 1. júlí
1982 samkvæmt gildandi rafmagnssamn-
ingi úr3,5 norskum aurum á KWST í 5,4
norska aura.
Á aðalfundi Landsvirkjunar kom fram
að rekstrarafkoma fyrirtækisins var
óhagstæð um 152,1 milljón króna. Aðal-
ástæða er sögð sú að Hrauneyjarfoss-
virkjun var tekin í notkun á árinu, sem
þýðir aukningu rekstrar-og fjármagns-
kostnaðar án tilsvarandi tekjuaukning-
ar, þar sem framleiðslugeta virkjunar-
innar var ekki nýtt nema að hluta.
Þrátt fyrir þennan rekstrarhalla batn-
aði eiginfjárstaða verulega á árinu eða
úr 684,2 í 3.779 milljónir króna. „Aðal-
ástæða þessarar breytingar er að upp
voru teknar raunhæfari endurmatsreglur
eigna en áður var beitt,“ segir í ársreikn-
ingi fyrirtækisins. Einnig er tekið fram
■ Hrauneyjarfossvirkjun jók rekstrar- og fjármagnskostnað Landsvirkjunar án
tilsvarandi tekjuaukningar, þar sem framleiðslugeta virkjunarinnar var ekki nýtt
nema að hluta.
að hluti þessarar hækkunar eiginfjár sé
vegna fyrri ára, þannig að eigið fé í
ársbyrjun hafi verið vanmetið.
Langtímalán Landsvirkjunar jukust
á árinu um 3.392,8 milljónir og námu alls
5.828,7 milljónum króna í árslok. Hækk-
un eldri lána vegna gengisbreytinga nam
tæpum 2.6 milljörðum en nýjar lántökur
námu rúm 900 milljónum króna þar af
voru rúmar 640 milljónir króna vegna
framkvæmda, aðallega við Hrauneyjar-
fossvirkjun og Sultartangastíflu, en 262
milljónir vegna yfirtöku skulda vegna
Blöndu-, Fljótsdals- og Villinganes-
virkjunar. Afborganir lána námu 108,8
milljónum króna.