Tíminn - 10.01.1962, Blaðsíða 6
Stjórn Styrktarfélags
vangef inna
hefur ákveðið að verja nokkru fé í námsstyrki, til
þeirra er nema vilja kennslu og umönnun vangef-
inna.
Þeir, sem kynnu að vilja gefa kost á sér til slíkra
starfa, og óska að afla sér þekkingar í því skyni,
skili umsóknum, ásamt meðmælum, til skrifstofu
Styrktarfélags vangefinna Skólavörðustíg 8 fyrir
lok janúarmánaðar.
Styrktarfélag vangefinna.
Merki
sem allir skíðamenn
þekkja:
Tyrola skíðabindingar
Molitor skíðaskór
Kneissl skíði.
Togo skíðaáburður.
Sport
PÓSTSENDUM.
U T S A L A
Þar sem fyrirhugað er að breyta til um vöruval verzlunarinnar vegna
þrengsla í búðinni, verða sumir vöruflokkar seldir út með miklum afslætti
meðan birgðir endast og skulu hér tilfærð aðeins nokkur dæmi:
Alullar röndótt buxnaefni áður .... 302.50 nú 200.—
— köfl. do. — ....... 198.50 — 110,—
— einl. kjólaefni — 240.---- 150,—
— einl. do. — 215.----120.—
Einlit strigaefni — ........ 93.65 — 70.—
Rönd. do. — 65.--- 45.—
Nokkur einl. gervisilkiefni á ..... 35.00
Ullarbarnapeysur á 65.— 75.— og 85.—
Prjónasilkiundirkjólar smágallaðir á 75.—
Nylonsokkar á 30.—, uppháir barnasokkar á 6—8 kr. o. m. fl.
ATH.: Útsalan verður eingöngu á Skólavörðustíg 8.
Verzluniu H. Toft
SkólavörSustíg 8.
BÆNDDR, LÆKNAR OG ADRIR
Willys-jeppinn er útbreiddasta og reyndasta
Iandbúnaftarbifreiðin hér á landi.
|£|p$
Útvegum
Willys-jeppa
með
stuttum fyrirvara
frá
U. S. A.
WiIIys meí sterkum og vönduðum stálhúsum. WiIIys varahlutir eru ávallt
fyrirliggjandi hjá umbo'Öinu.
Egill Vilh.jálmsson h.f.
Laugavegi 118, sími 2 22 40.
MSniningarorð:
Kjartan Einarsson,
trésmíðameistari, Hvolsvelli
í dag fer fram frá Stórólfshvols-
kirkju útför Kjartans Einarssonar
trésmíðameistara og verkstjóra,
I-Ivolsvelli. Hann andaðist í Lands-
spítalanum í Reykjavík s.l. gamla-
ársdag eftir stutta legu.
Kjartan heitinn var fæddur að
Vestri-Tungu í Vestur-Landeyjum
22. maí 1923, og ólst upp að Sperðli
í sömu sveit hjá eftirlifandi for-
eldrum sínum, hjónunum Hólm-
fríði Jónsdóttur og Einari Einars-
syni, sem þar búa enn. Var hann
clztur fjögurra systkina, og
snemma stoð foreldra sinna og
styrkur í dagsins önn. Kom fljótt
í ljós einstakur starfsáhugi hans,
dugnaður og þrek.
Eins og almennt var þá, leitaði
Kjartan heitinn snemma að heim-
an, aðeins 17 ára, fyrst til almennr-
ar vinnu, en hóf síðar nám í húsa-
smíði hjá Magnúsi Vigfússyni húsa
smíðameistara í Reykjavík, og
lauk prófi í þeirri iðn árið 1947.
Kjartan heitinn kvæntist eftir-
lifandi konu sinni, Katrínu Aðal-
björnsdóttur, 7. júní 1947 og stofn-
aði þá heimili í Reykjavík.
Vorið 1951 lá leið Kjartans heit-
ins aftur heim í sýsluna. Stóð hann
þá fyrir byggingu íbúðarhúss að
Hvolsvelli. Lágu þá leiðir okkar
fyrst saman og jafnan síðan. Réðst
hann sem verkstjóri til Kaupfélags
Rangæinga í ársbyrjun 1952. Kaup-
félagið hafði þá i smiðum stórt
viðgerðarverkstæði, og var fyrsta
verkefni hans að ljúka byggingu
þess. Samhliða þessu verki fyrsta
dvalarár sitt hér, byggði Kjartan
heitinn sitt eigið íbúðarhús í Hvols
velli og fluttist með fjölskyldu
sína hingað í des, 1952. Næsta
verkefni hans var að koma á fót
og starfrækja trésmíðaverkstæði,
þar sem síðan varð hans aðal-
starfsvettvangur, samhliða ábyrgð-
armikilli verkstjórn bæði á verk-
stæðinu og við byggingar í Hvols-
velli, verzlunarhús, vörugeymslur,
benzínstöð. félagsheimili og starfs-
mannahús, auk endurbóta og
breytinga, sem gerðar hafa verið á
eldri húsum.
Kjartan heitinn naut virðingar
og trausts allra, sem honum kynnt-
ust og með honum störfuðu. Þenr
voru margir, sem nutu hjálpsemi
hans og leituðu til hans með marg-
vísleg verkefni. og fengu leiðbein-
ingar hans sem fagmanns i sam-
bandi við efniskaup, byggingar og
smíðar. Leysti hann ávallt hverja
bón af sérstakri lipurð og sam-
vizkusemi.
Það var mikil gæfa fyrir Kaup-
félag Rangæinga, er Kjartan heit-
inn réðst í þjónustu þess, einmitt
þegar það var að hefja sitt upp-
byggingarstarf Það er gott að hafa
sterka menn og trausta þegar
steinninn er þungur. sem velta
þarf úr götunni. Það var líka mik-
ill styrkur fyrir Hvolsvöll á þeim
árum að fá svo ráðhollan og dug-
mikinn landnema.
Fljótlega hlóðust á Kjartan heit-
inn margvisleg störf og forusta,
sem hann þótti sjálfkjörinn til.
Þegar brunavarnir voru staðsettar
; hér á Hvolsvelli, var honum falið
J starf slökkviliðsstjóra. Hann var
íormaður slysavarnardeildarinnar
hér og í stjórn iðnaðarmannafé-
lagsins. Kjartan heitinn var mjög
kirkjurækinn maður og lét sér
jafnan mjög annt um hag Stórólfs-
hvolskirkju. var hann í kirkjukórn-
um hér og nú síðast í sóknarnefnd.
Það má furðu gegna hvernig
hann gat annað öllum þessum auka
störfum samhliða öðru, þegar tekið
er til greina, að öll þau ár, sem
Kjartan heitinn dvaldi hér í Hvols-
velli, gekk hann ekki fullhraustur
að verki.
Kjartan heitinn var vinfastur og
tryggur. Hann var félagslyndur og
glaðvær og naut þess jafnan að
gleðjast og skemmta sér með vin-
um og kunningjum. Hann var mjög
gestrisinn og góður heim að sækja.
Átti hann sérstaklega gott og hlý-
legt heimili, svo að af bar. Naut
hann þar aðstoðar góðrar eigin-
konu, og er mér það vel kunnugt,
að hjónaband þeirra var mjög gott
og virðing hjónanna gagnkvæm.
Börnum sínum var hann hinn
bezti faðir og foreldrum, systkin-
um og tengdafólki ástríkur og
góður.
Ég vil þakka Kjartani heitnum
ánægjulegt og traust samstarf, frá-
bæra trúmennsku í starfi, hjálp-
semi við mig og heimili mitt. vin-
áttu og tryggð.
Ég mun lengi minnast þess, af
hve mikilli karlmennsku hann tók
veikindum sínum. sem hann aldrei
bognaði fyrir. en’brotnaði í bvln-
um stóra siðast. löngu fyrir aldur
fram, en með svo mikið dagsverk
að baki.
Eiginkonu. börnum öldruðum
foreldrum og öðru venzlafólki
votta ég samúð mina.
Við. sem syrgjum Kjartan heit-
inn Einarsson skulum að lokum
minnast hinna fögru orða skálds-
ins. sem kvað:
,.Felum drottins föðurhönd
harma vora og hjartaþunga —
hann á sjálfur gamla og unga
frjáls að leysa líkamsbönd."
Magnús Kristjánsson.
N,ámskeið
í fríhendisteikningu
Framhaldsnámskeið í almennri fríhendisteikningu,
á vegum Iðnskólans í Reykjavík, mun hefjast 18.
þ. m,. ef næg þátttaka færst. Kennsla fer fram
tvisvar í viku, eftir kl. 8 á kvöldin.
Þátttaka tilkynnist í skrifstofu skólans eigi síðar
en 16. þ. m. Námskeiðsgjald. sem er kr. 400.00,
sé greitt við innritun.
Skólastjórinn.
6
T f MIN N, miðvikudaginn 10. janúar 1962.