Alþýðublaðið - 24.12.1948, Blaðsíða 9

Föstudagur 24. des. 1948.
i ■ ....... ■■ T'; i ■
ALÞÝÐUBLAÐtÐ
9
r
Opera og
KVENNAGULL KEMUR
HEIM heitir jólamynd Tripoli-
bíó, en það er amerísk mynd
um ástir og hjónab.andserfið-
leika.. Efni hennar er í stuttu
máli þetta:
Kay Williams (Lucille Ball)
er fulltrúi í einni stærstu tízku
saumastofu Bandaríkjanna og er
sjálf talin bezt klædda kona álf
unnar, enda ákaflega eftirsótt
af karlmönnunum. Hún er gift
Bill (George Brent), sem- er
stríðsfréttaritari í Evrópu.
Kay er trygg eiginmanni sín
um í fjarveru hans, þótt hún
eigi marga aðdáendur, sem erfitt
er fyrir hana að bíta af sér. Hins
vegar er langt frá því, að Bill
sé henni trúr. Einkum er það
samstarfsstúlka hans, ljósmynd
arinn Magdalena Laslo (Vera
Zorina), sem hann á vingott við.
Að stríðinu loknu kemur svo
Bill heim og það verður mikill
fagnaðarfundur þegar bau heils
ast. En fyrr en varir kemur
það átakanlega skýrt í Ijós
hvernig Bill hefur hagað sér.
Kay virðist taka þessu með
ró, en undir niðri er hún særð
og afbrýðisöm. Hún einsetur
sér að taka til sinna ráða og
gefa manni sínum ráðningu,
sem hann gleymir ekki, og fer
nú að gefa þremur af aðdáend-
um sínum1 meira undir íótinn
en áður. Ennfremur lætur hún
vera hálfreyktan vindil og karl
mannshatt í íbúðinni, og þykist
ekki vita hver sé eigandinn, þeg
ar Bill spyr um það æfur ef af
brýðisemi.
Svo er ákveðið. að Bill fari
í íréttaleiðangur fyrir tímarit
sitt, í fylgd með Magdalenu. Þá
þolir Kay ekki mátið lengur,
flytur að heiman og kveðst ætla
að krefjast skilnaðar.
Paul tízkuteiknari fer nú fyr
ir alvöru að ganga á eftir henni
og hún er ekki að öllu leyti frá
hverf honum, þótt í hjarta sínu
elski hún Bill heitt eins og áður.
Þá er Bill einnig að hugsa um
að giftast Magdalenu og kemur
með henni á hótelið, þar sem
Kay dvelur, án þess að þau hafi
hugmynd um. Margt spaugilegt
gerist, þsgar Bill fær lykilinn
að herbergjum Kays, þeim báð
um að óvörum.
Þau Kay og Bill eru mjög af
brýðisöm og vilja hvorugt leita
sætta við hitt. En Magdalena
skilur, að Bill elskar Kay enn
og kveður hann fyrir fullt og
allt. Paul sér einnig hvernig í
öllu liggur og dregur sig í hlé.
Þá herðir Bill upp hugann og
friðmælist við Kay.
Skopmyndin Topper
sýnd í Bæjarbíó
TOPPER, einhver frægasta
skopmynd, sem gerð hefur ver..
ið í Hollywpod, er , jólamynd
Bæjarbíós í Hafnarfirði. Sagan
er um ungu hjónin Georg og
Maríu Kerby (Constance Benn
ett og Cary Grant), sem ganga
aftur og hrella hinn óviðjafnan
lega Hr. Topper, sem er prýði-
lega leikinn af Roland Young'.
Þetta er engin draugamynd,
þótt tvær aðalpersónurnar séu
afturgengnar, heldur birtast
þær og hverfa á sprenghlægi-
legan hátt og taka upp á hinum
$paugilegustu hlutu.n.
jólamynda kvíkmymlahúsanna
Douglas Fairbanks og Maureen
O’Hara í „Sindbad sæfara“.
Sindbad sæfari er
jóiamynd Gamla Bíó.
SINDBAD SÆFARI, jóla.
mynd Gamla Bíós, er ævintýra-
leg litmynd, sem hefur á sér
blæ Þúsund og einnar nætur.
Sagan er um fjársjóðinn mikla
á hinni ókunnu Deryabar eyju,
en Aga Ahmed er sagður gæta
sjóðsins. Nú keppast þeir um
að komast til eyjarinnar ævin-
týramaðurinn Sindbad (Dougl-
as Fairbanks) og hinn voldugi
Emír af Daibul (Anthony
Quinn). Sindbad bjargar skipi í
sjávarskáska og kemst að því,
að í skipinu er kort, er sýnir
ieiðina til hinnar dularfullu
Deryabar eyju. Hann verður að
bjóða í skipið, og sá, sem mest
býður á móti honum þar, er
hin fagra ævintýrakona Shireen
(Maureen 0‘Hara). Þegar hún
sér gullmerkij sem hann hefur
í keðju um hálsinn, skilur hún,
að hann er raunverulega Anmed
prins, sonur Aga Ahmeds, sem
gætir fjársjóðsins. Hún heldur
að hann hljóti því að rata til
eyjarinnar, og hættir að bjóða
á móti honum.
Þegar Sindbad fær skipið,
I r
Operumyndin Tosca
í Austurbæjarbíó.
TOSCA, ítalska óperukvik
myndin, sem byggist á sam-
nefndum sorgarleik eftir Victori
en Sordon og tónlist Puccinis,
er jólamynd Austurbæjarbíó.
Myndin gerist á Ítalíu1 árið
1300., þegar herir Napóleons
sóttu inn á Ítalíu og ítalska lög
reglan átti í_höggi við ítalska
Jakobína.
Málarinn Cavaradossi vinnur
við að skreyta kirkjuveggi.
Hann sér fagra konu koma í
kirkjuna, og notar hana sem
fyrirmynd að madonnu sinni,
en kemst brátt að raun
um, að hún kemur í kirkjuna
til að hitta mann, sem falinn
er á bak við altarið. Þetta reyn
ist vera Angelotti, vinur málar
ans sem lögreglan leitar að.
Málarinn Cavaradossi er trú
‘ lofaður söngkonunni Tosca, en
hinn illræmdi lögreglustjóri
er einnig ástfanginn af henni.
Út úr þessu spinnast hinir ævin
týralegusíu viðburðir, er lög-
regluforinginn reynir að hafa
upp á felustað Angelottis, pynd
ir vin hans málarann, blekkir
Tosca. Hér verða endalok sög-
unnar, sem ger.ast í kastalanum
Engelsborg við Tíberfljót ekki
rakin. en þeir, sem þekkja ó-
peruna, geta gert sér í hugar
lund, hvern veg þau kunna að
vera.
Mynd þessi er ein af hinum
ítölsku óperumyndum, sem vak
ið hafa mikla athygli á Norður
löndum og víðar.
Debora Kerr í ,;Svörtu páska-
liljunni“.
Svarta páskaliljan
sýnd í Tjarnarbíó.
SVARTA PÁSKALILJAN
(Black Narcissus) heitir mynd,
in, sem Tjarnarbíó sýnir á jól-
unum. Gerist hún í Himalaya
fjöllum í stórfenglegu landslagi
og segir frá nokkrum klaustur-
systrum, sem gera tilraun til
þess að stofna þar skóla fyrir
telpur. Efnið er tekið eftir
skáldsögu eftir ungfrú Rumer
Goddens, en saga þessi vakti
mjög mikla athygli og hlaut ó-
venjulegar vinsældir meðal
enskumælandi þjóða. Myndin er
í eðlilegum litum og mjög
skrautleg, gerð af myndatöku-
félaginu The , Archers, sem er
eitt af félögum J. Arthur Ranks.
Aðalhlutverkið leikur Deborah
Kerr af mikilli snilld, en aðrir
helztu leikendur eru Sabu,
David Farrar, Flora Robson,
Esmond Knight, Jean Simmons
og Kathleen Byrron.
hefur kortinu verið stolið.
Þjófurinn er rakari skipsins,
þorparinn Helik, sem býðst til
að stýra sltipinu til eyjarinnar.
En Sindbad siglir til Daibul, þar
sem Shireen er hjá Emírnum.
Hann hefur stúlkuna á brott
með sér á hinn furðulegasta og
snjallasta hátt, og siglir í átt-
ina til eyjarinnar. Emírinn elt
ir hann og sökkvir skipi hans,
en Sindbad og menn hans eru
teknir höndum. Hann hættir
við að drepa Sindbad, af því að
hann ætlar að hafa not af hon-
um á eyju föður hans. Myndin
endar á því, að Sindbad íekst að
koma Emírnum fyrir kattarnef
og auðvitað fær hann hiria
fögru Shireen.
in
um aðstoð til útvegsmanna er síídveiðar stunduðu sumarið 1948
Þeir útgerðarmenn og útgerðarfélög, sem njóta vilja aðstoðar ríkissjóðs
við innlausn á sjóveðs- og lögveðskröfum og sem að fenginni þeirri aðstoð
geta haldið áfram útgerð sinni næstu vetrarvertíð, skulu senda umsóknir
um aðstoðina til Reikningaskrifstofu sjávarútvegsins í Reykjavík, fyrir 10.
janúar næstkomandi.
Umsókninni skulu fylgja:
1. Efnahagsreikningur ásamt sundurliðun skulda og inneigna viðskipta-
manna.
2. Rekstrarreikriirigur yfir síldvéiðár'sumarið 1948.
3. Sundurliðaðar sjóveðs- og lögveðskröfur.
Allar upplýsingar skulu gefnar að viðlögðum drengskap.
Þeir, sem áður hafa sent skýrslur, geta vísað til þeirra að því leyti, sem
þær fullnægja framangreindum skilyrðum.
Skilanefnd bátaútvegsins.
I V
Móðir og barn er
jólamynd Mýja Bíó.
MÓÐIR OG BARN, jólamynd
Nýja Bíós, er óhrifamikil ensk
mynd um uppeldisfræðileg
vandamál. Ung Lundúnastúlka,
Lily Bates (Patricia Rock) elur
son, en maður hennar er tví-
kvæmismaður og er handtekinn
um svipað leyti. Hún setur sér
að ala son sinn upp hjálpar
laust og kemur honum fyrir á
dagheimili. meðan hún vinnur
fyrir þeim í verzlun. Hin auð
uga frú Frances Norman (Rosa-
mund John) hefur misst einka
barn sitt fyrir rúmu ári, tekur
nú ástfóstri við Jimmy, son
Lily. Þsgar Lily varð veik,
bauðst frú Norman til að taka
við drengnum á meðan, en Lily
leyfir Normanhjónum að ala
hann upp, er hún sér hversu
vel fer um hann þar. þótt hún
vilji. ekki gefa hann formlega.
Lily verður deildarstjóri í
verzluninni, þar sém hún vinn
ur, og í sumarfríi kynnist hún
kaupmanninum Bill Collina
(Bill Owen) og giftist honum
síðar. Þegar hún byrjar að búa,
vill hún taka son sinn frá Nor
man hjónum og fær dómsúr-
skurð sér til stuðnings. Jimmy
unir sér illa í fátækrahverfinu,
þar sem þau búa, og strýkur
aftur til fósturforeldra sinna.
Bill og Lily sækja hann, en
brátt opnast augu þeirra fyrir
því, að hin viðkvæma barnssál
muni ekki hafa æskileg þroska
skilyrði í hinu breytta umhverfi,
og þau fara með hann aftur til
Normanhjónanna. Þar unir
hann sér og gleði Normar.hjón
anna verður mikil.
Sama daginn og Jimmy verð
ur 14 ára, halda Bill og Lily
hátíð í öðru t.ilefni. Lily hefur
eignazt annan son, Bill yngri.
Bróðir Jónatan, fyrsfa
mynd Hafnarbíós
BRÓÐIR JÓNATAN, brezka
stórmyndin, yerður jólamynd og
jafnframt. fyrsta kvikmyndin,
sem Hafnarbíó sýnir. Hefjast
nú sýningar aftur í húsinu við
Skúlagötu, þar sem Nýja Bió
var um skeið.
Sagan af Jónatan hefst, þeg-
1 ar hann var drengur um alda-
mótin, og sýnír læknisnámsfer-
il hans og baráttu sem lækni í
fátækrahverfi í Englandi. .4
hann þar í höggi við margs
konar fjandmenn, iðjuhölda og'
heldrimannalækna, en storbröt'-
in örlög fléttast inn í líf hans
um leið.
Aðalhlutverkin leika Mary
Clare og Finley Currie.
i .....
r
Astaróður, jólamynd
Hafnarfjarðarbíós
ÁSTARÓÐUR, amerísk kvik
mynd um tónskáldið Robert
Schumann og konu hans, píanó
snillinginn Clöru Wicck Schu-
man, er jólamyndin í Hafnar
fjarðarbíó að þessu sinni. Er
fjöldi tónverka leikin í mynd
| inni eftir tónskáld eins og
Schumann, Brahms og Lizs.
Paul Henreid fer með aðalhlut
verkið, en á móti honum leik
- ur Kathrine Hepburn.